Amavesi eBhayibheli adumile avela kokuthi Génesis 3

Dlulisela

Tsaynö niptinmi warmiqa tsay jachapa wayuynin maypis mikurkuypä kanqanta rikar pasaypa munaparqan. Tsaymi yachaq musyaq kayta munar jachapa wayuyninta pallaskir mikurqan. Tsaypita runanta makyaskiptinmi paypis mikurqan.

Tayta Dios llapan kamanqan ashmakunapitapis culebraqa mas astütum karqan. Tsaymi warmi kaykanqan kaqman witiykur nirqan: <<¿Rasunpaku Dios niyäshurquyki mayqan jachapa wayuynintapis mana mikuyänaykipä?>>

Kananpitaqa warmiwan pasaypam chikinakuyanki. Tsaynöllam warmipita yuriqpis qampita miraqkunata rikaytapis munanqatsu. Warmipita yuriqtam atakanchö kaninki. Paymi sïqa umaykita jarushunki>>.

Evatanam Tayta Dios nirqan: <<Tsaynö ruranqaykipitam qeshyaq rikakur pasaypa ñakanki. Pasaypa nanaywanrämi qeshyakunki. Runaykitam podernikichö katsiyta munanki. Peru paypa poderninchömi imaypis kanki>>.

Kawanqaykiyaqqa mikunaykipä pasaypa jumpirrämi arunki. Allpapitam kamashqa kanki. Tsaymi wanurpis allpaman kutinki>>.

Adántanam nirqan: <<Mana mikunaykipä nikaptïmi warmikita cäsur tsay jachapa wayuyninta mikurquyki. Tsaynö mikunqaykipitam chakrakunapis maldicionashqa kanqa. Tsaymi qoyay qoyay pasaypa ñakarrä mikunaykipä arunki.

Tsaynö niptinmi Tayta Dios tapurqan: <<¿Pitä nishurquyki qallapächulla kaykanqaykita? Capaz mikurquyki <ama mikunkitsu> ninqä jachapa wayuyninta>>.

Runata tsaynö qarquskirmi rupay yarqamunan läduman querubinkunata Tayta Dios churarqan nina rupaykaq espädawan huertata täpayänanpä. Tsaymi querubinkunaqa täpayarqan imayyaqpis kawatsikuq jachaman pipis mana yaykunanpä.

Tsaypitanam warminpa jutinta Adán churarqan Evata. Tsay jutita churarqan payllapita llapan runakunapis mirayänanpä kaptinmi.