Amavesi eBhayibheli adumile avela kokuthi MATIUS 13

Dlulisela

Alda perob sokok sam yama yinggilimoknya nera damok ara, nim Imik Neyung yuba keboka ella dangalamakaʾ ara an. Dara sikda doka nauba molumla, hnonda denga dombadya molumla, hnonda denga penya molumla, hnonda denga yubaʾ hnonok anaso molusil,” hyok.

Alda yinaʾ giriknaʾ hnoum yama yinggilimoknya nera, damok ara, nim Imik Neyung yuba kelemak bok, denaʾ unuruwaʾ amba leboka, bonaʾ garana denaʾ garan amba gangganaʾ gokoldal yabanakanya, sikda bonaʾ dub nang ulusibya senen ganya edya, Imik Neyung yuba sikja seklama darawoka, sikjaʾ ganya lomok sam pe doka mounggulusil.

Yinaʾ pikek sam yama yinggilimoknya nera, damok ara nim Imik Neyung adya wenelemnesil yub era kelemak bok, pe ella danganggulumak. Sikjaʾ ganya ak doklomak yub era malya unaʾ damoknya bisaʾ adya yeiniboka gwenelamla.

Alda girik lumuk sokok sam yama yinggilimoknya nera, damok ara nim Imik Neyung yuba keboka men perob senewoka dolomak nim ek sununaʾ ara an ulumla. Bok, sikja dolomak Imik Neyung yub ara yarenga eleknenggulumlaʾ adya, sikda pe bobmoruwoka unggulumak. Sikda Imik Neyung yuba dobnaʾ amba leboka, ganya okna dabel yaban gom, yok nim edya ol yabasin gom dara, gobdo malya dangalamak.

”Imik Neyung adya wenelemnesilaʾ ara, hogung ara banaso ulumlaʾ ara, perob bonaʾ enyek, soko lomok weremnaʾ anyek, nimi ben hnonjok eibna dara, onsok soko lomok sam seiklamla. Wera bera hyak nauba eiya dabna dara, alja youmaʾ bonaʾ e nidyaʾ ara yok nim ek dekdowoululum aboka lebnekanya, wera alak elegan rupiah edya perob bonaʾ soko seikimnaʾ ak yeiniboka soko en deklamla,” hyok.

Bok yinaʾ perob sokok sam yama yingginiboka bongowoka welewoka doka moulumok dara, hnonda denga dombadya moulumok, hnonda denga penya moulumok, hnonda denga yubaʾ hnonok anaso moulumok!” aboka lelemok.

Gandum ab walenja ab neikaʾ hiboka lomunaʾ ara, gandum nonga daknemeija sum ok meewanamab. Nara nong dakal yabija nim ek ara, Walenja anyek men gweneb mamagoka gouboka uka dabnelum. Seleb dara, gandum nonga dakoka, masa beilin ek sam beibnelum henemna hyok,” wenyaboka sunuwok.