Amavesi eBhayibheli adumile avela kokuthi MATIUS 10

Dlulisela

”Ugunda banyek pe beknelumaʾ ara: Nara ugunuk bei gam hnoum domba pam anasoʾ ak boknesin. Anasa ugunda bagaʾ adya geremsengaʾ ulumla sok hnon, yalma wining namen ulumla anasoʾ ak ulululum.

Nadya ganya nonga namok senelelanya bera, alja nong era weiningganamla bok, alda nasamba leboka, alja nong era weininglelanya bera, eimik era alja ganya nong era eibnamla,” hyok.

Ganya nong anyek on nim era hnon unggulumakaʾ anasa, alda nong bolaʾ dem anyek olomak nim ek, ugunda lok ganya bonggom, mem. Alda Imik Neyung ak hnonok, nong dem ab, ganya nong ab, nidyaʾ hiboka, oboka somoknaʾ dub heikek sam uka desin heikek dabnesilnya bek ok lok ganya bololulum.

Anya heknedya aljaʾ igin yakaʾ doboka, nak diriga yanggananaʾ oroknya bera, alda nadya yuba donaʾanya henggunuseng.

”Heknedya nimi hnoum ab, nara Yesus yuba doboka diriga balananya aboka laga lelemla dara, nababya neyung imik ululanya saramek sam ab uboka albabya laga lebnamna. Bok heknedya nimi hnoum ab, nara Yesus adya yuba donggulunanya aboka sondaʾ lelenel dara, nababya alak neyung be imik heikek ululanya bedyaʾ saramek ab uboka sondaʾ amba bobnenewoka laga lebnamna,” hyok.

Anya neiklemeija nimi hwelemnelum, somogomeija nim embengaʾ suboka bukillilemnelum, nimi bokaʾ malya ulusil neiknaʾ delesilya nimi bokaʾ donaʾ elegoka bisaʾ gologesilinya nera yaklemnelum. Ugunda ban unulumakaʾ damok amba dara, deknenggublum, or salyaʾ dob loblum. Anasa ugumbabya deknaʾ loboka, or salyaʾ eleganalum.

Wining ara or mek so bok, ugunuk dara, hyak senenggomaʾ perobaʾ ak ululumaʾ anasa, ugunda lok ganya bonggom, mem!” hyok.

”Ugunja dara nak ara, alda nim ek nim nenenaʾ bo yok senenggom, mem. Nara nim ek nang nenenaʾ ak bo yanggubsebok, alda nim isaʾ nang nenenaʾ ak bo yasa.