Amavesi eBhayibheli adumile avela kokuthi Markos 13

Dlulisela

Unkan miye on owasin śicenidapi kta; tuka tuwe owihanke kin hehanyan ope cinhan he ni kta.

Iwanihdaka po, wakta unpi qa cekiya po; tohan iyehantu kte cin sdonyayapi śni nakaeś.

Tuka tohan aniyanpi qa wicanic̣upi kinhan, itokam taku ehapi kta awacinpi śni po, qa on cante śicapi śni po; tuka wihiyayedan oape kin he en taku nic̣upi kin he ohna eya po; eye kte cin he niyepi śni, tuka Woniya Wakan kin hee kta.

Maḣpiya maka ko tokan iyaye kta, tuka mioie kin hena tokan iyaye kte śni.

Tuka anpetu kin he, qa wihiyayedan oape kin he tuwedan sdonye śni, maḣpiya ohnihde kin heepi kaeś, qa nakun Cinhintkuyapi kin; tuka Ateyapi kin ecedan sdonya.

Unkan tohan wicokicize qa kicizapi kta oyakapi kin nayaḣonpi kinhan, nihinciyapi śni po: hena hecetu kta, tuka owihanke kin hinaḣinke śni.

Heon etanhan waktaya un po; tipi ohna itancan kin tohan hdi kta sdonyayapi śni, ḣtayetu, qa hanye cokaya, qa anpaohotonna hoton, qa iś hanḣanna kinhan. Okinni ihnuhanna hdi kinhan niśtinmapi iyeniyanpi kta. Unkan taku eciciyapi kin he owasin ewicawakiya ece, Waktaya un po.

Oyate wan oyate tokeca on najin kta, qa wokiconze wan wokiconze tokeca on; qa tuktekten maka śkanśkan yuke kta, qa wicaakiḣan qa wicokicize yuke kta. Dena wicoiyokiśice tokaheya kin ee.

Tuka tokaheya wotanin waśte kin he oyate owasin owicakiyakapi kta.

Wicota micaje on hipi qa; He miye ce, eyapi kta, qa wicaśta ota wicahnayanpi kta.

Tuka iwanihdaka po; omniciye tanka kin en aniyanpi kta; qa omniciye tipi kin ohna nicaśtakapi kta; qa miye on wicaśta itancanpi wicaśtayatapi ko en aniipi kta, owicayakapi kta heon.

Messiya itonpiśni qa wicaśta wokcan itonpiśni kin heca icagapi kta, qa wowapetokeca taku wowinihan ko econpi kta, okihipica unkanś wicakaḣnigapi kin hena eepi kaeś wicahnayanpi kta tuka.

Tuka anpetu kin hena en, wicokakije kin iyohakam, anpetu wi kin aotpasyapi kta, qa hanyetu wi kin iyoyanpa kte śni; Qa maḣpiya wicanḣpi kin hinḣpaye kta, qa maḣpiya ekta wowaśake kin yuhuhuzapi kta.