Amavesi eBhayibheli adumile avela kokuthi OMOCHANKO 1

Dlulisela

Erio Nyasae agateba, “Tiga tokore omonto ase omogwekano oito, otogwekaine, agambere chinswe chia nyancha, ne chinyoni chikoiruruka igoro, ne ching’iti chigotugwa, ne ching’iti chionsi chi’orosana, na ense yonsi, ne ching’iti chionsi chikwagura igoro ase ense.” Nabo Nyasae agatonga mwanyabanto ase omogwekano oye omonyene; ase omogwekano o Nyasae ere akamotonga. Agatonga omosacha na omokungu.

Nyasae akabasesenia, akabatebia, “Moibore, momenteke, moichore ase ense, na moyegambere. Mogambere ne chinswe chia nyancha, ne chinyoni chikoiruruka, na kera egetongwa kere moyo kegotaara igoro ase ense,”

Agwo Omochakano Nyasae nigo atongete igoro na ense.

Na ense nigo yarenge bosa, tiyarenge na kieni kende, nigo yaare nomosunte otubete endiba; na Omoika o Nyasae nigo orenge goetanana igoro y’amache.

Nyasae agateba, “Tiga oborabu bobeo”, na oborabu bokabao.

Nyasae akarigereria ebinto ebio bionsi akorete, na birobio nigo biarenge ebiya mono. Erio agwo rikaba mogoroba, naende bokaba mambia, rituko ria gatano na rimo.

Nyasae akarora oborabu obwo ng’a nobuya, agaatanana oborabu korwa ase omosunte.

Naende Nyasae agateba, “Rora, nabaeire kera ekemeri gekwama chimbusuro ase ense engima, na kera omote okwama amatunda are ne chimbusuro chire imeo; nabio birabe endagera yaino.

Nyasae akaroka oborabu boria omobaso, na omosunte akayoroka obotuko. Erio agwo rikaba mogoroba, naende bokaba mambia, rituko rie ritang’ani.

Nyasae agateba, “Tiga eaanga ebe egati‐gati y’amache, yaatanane amache korwa ase amache ande.”

Na ebimeri ebibese bionsi nabirure bibe endagera ye ching’iti chionsi chire moyo ase ense”; akaba boigo.

Erio Nyasae agateba, “Tiga emebaso ebe ase eaanga aaria igoro, yaatanane omobaso korwa ase obotuko; ero ebe ebimanyererio bikworokia Amatuko Amanene, na amatuko, na emiaka

Naende Nyasae agateba, “Tiga ense emere ebinto bigokina, buna ebimeri bikorua chimbusuro, na emete ekwama amatunda are ne chimbusuro chire imeo, kera oyomo ase egesaku kiaye ekenyene”; akaba boigo.

Igo Nyasae agakora eaanga eria, agaatanana amache ayare inse y’eaanga korwa ase amache ayare igoro y’eaanga; akaba boigo.

Na ense ekamera bionsi ebigokina: ebimeri bikorua chimbusuro chiabo chinyene, na emete ekwama amatunda are ne chimbusuro chire imeo, kera oyomo ase egesaku kiaye ekenyene. Nyasae akarora ayio ng’a namaya.

Nyasae agakora emebaso emenene ebere. Omobaso oria omonene ase eyio ebere ogambere ekero kia mobaso, na oria omoke ekero kia botuko; agakora ne ching’enang’eni boigo.

Erio Nyasae agateba, “Tiga amache ayare inse ya igoro asangererekane aase aamo, ense enyomo erorekane”; akaba boigo. Nyasae akaroka eria enyomo ense, na amache aria asangererekanete amo akayaroka chinyancha. Nyasae akarora ayio ng’a namaya.

Erio agwo Nyasae akabisesenia, agateba, “Ibora, momenteke, moichore ime ase chinyancha, ne chinyoni chibuche ase ense.”

Naende Nyasae agateba, “Tiga ense etware ebitongwa bire moyo, kera egesaku nengencho yaye: ching’iti chigotugwa, na echikwagura, ne ching’iti chi’orosana, kera egesaku nengencho yaye”; akaba boigo.

Nyasae agateba, “Tiga amache atware obonge bw’ebitongwa bire moyo, ne chinyoni chikoiruruka igoro ase ense, chigoetanana inse y’eaanga ya igoro.”

Nyasae agakora ching’iti chi’orosana, kera egesaku nengencho yaye, ne ching’iti chigotugwa, kera egesaku nengencho yaye, ne ching’iti chikwagura, kera egesaku nengencho yaye. Nyasae akarora ayio ng’a namaya.