Amavesi eBhayibheli adumile avela kokuthi Jẹnẹsis 1

Dlulisela

Etiyin Ọghẹnẹ da ta, Gbe jẹn avwanre ma ohwo vwẹ oma rẹ avwanre, rọ họhọ avwanre, re ayen vwo ogangan vwẹ enu rẹ erin rẹ urhie, vwẹ enu rẹ ephran ri obenu, vwẹ enu rẹ uchuru, kugbe vwẹ enu rẹ akpọ na vẹ obo ri kpono vwẹ enu rẹ otọ na. Kọye Ọghẹnẹ da ma ohwo vwẹ oma rọye, oma rẹ Ọghẹnẹ ọye ọ vwọ ma ayen, ọshare vẹ aye ọ ma ayen.

Etiyin Ọghẹnẹ da ta kẹ ayen, We vwiẹ ri we bun phihọ, re wa vọn akpọ na, ru we phio kparobọ, kugbe re we vwo ogangan vwẹ enu rẹ erin rẹ urhie, ephran ri obenu kugbe enu ri kemu kemu rọ yan vwe otọ na ejobi.

Nẹ otọ rhe Ọghẹnẹ vwọ ma odjuvwu vẹ akpọ.

Akpọ na da de dia reghe reghe diodi, ebrin da enu rẹ akpọ na duvwu; Erhi rẹ Ọghẹnẹ kọye re yan vwẹ enu rẹ ame na.

Etiyin Ọghẹnẹ da ta, E gbe jẹn orẹmrẹ dia, orẹmrẹ da ghene dia.

Ọghẹnẹ da mrẹ emu kemu rọ mare na, nighe, oyovwiri gangan Te ovwọnvwọn te irhiọke da dia ẹdẹ resan.

Ọghẹnẹ da mrẹ nẹ orẹmrẹ na yoma; Ọghẹnẹ da hẹriẹ orẹmrẹ na nẹ ebrin na.

Ọghẹnẹ da ta, Nighe, Me reyọ urhe kurhe rọ mọn ubi ejobi rọ enu rẹ otọ na vwọ kẹ wẹ, kugbe urhe kurhe rọ mọn emamọ kọ dia emuọre kẹ ovwan.

Ọghẹnẹ de se orẹmrẹ na Uvo, o de rhe se ebrin na Ason. Te ovwọnvwọn te irhiọke da dia ẹdẹ rẹsosuọ.

Ọghẹnẹ da tanẹ, Gbe jẹn irharheghe dia uherevie rẹ ame na, rere ọ hẹriẹ ame na vwo nẹ ame na.

Eranvwe keranvwe rọ otọ na, ọphran kọphran rọ obenu, emu kemu ri kpono vwẹ enu rẹ otọ na, emu kemu ro vwo ẹnwẹn vwẹ otọ na, Me vwẹ ẹbe ọkpokpọ na re dia emuọre ke ayen. Ọ da ghene dia ọtiọye.

Ọghẹnẹ da ta, Gbe jẹn orẹmrẹ phia vwẹ evun rẹ irharheghe rẹ odjuvwu na rọ hẹriẹ uvo nẹ ason, re ayen dia kẹ oka kugbe ọke vẹ ẹdẹ te ukpe

Ọghẹnẹ da ta, Gbe jẹn otọ na di ẹbe, irhe re mọn kugbe irhe re emamọ rẹ ibi dia evun rayen, durhe doghere rọye vwe evun rẹ otọ na. O da ghene dia ọtiọye.

Ọghẹnẹ da ma irharheghe na o da hẹriẹ ame rọ obotọ rẹ irharheghe na vwo nẹ ame rọ obenu rẹ irharheghe na. O da ghene dia ọtiọye.

Otọ na de ghine di ẹbe, irhe re mọn emamọ durhe doghere rọye kugbe irhe re mọn emamọ rẹ ibi dia evun rayen, durhe doghẹre rọye Ọghẹnẹ da mrẹ nẹ oyoma.

Ọghẹnẹ da ma irhukpẹ ride ive, urhukpẹ rode na kọye ri sun uvo, urhukpẹ re otete na kọye ri sun ason, ọ ke je ma isio rhe.

Ọghẹnẹ da ta, Gbe jẹn ame rẹ otọ rẹ odjuvwu na rhi koko oma vwẹ asan ọvo, rere e ji otọ ọyaya vwẹ oma phia. Ọ da ghene dia ọtiọye. Ọghẹnẹ se otọ ọyaya na Otọ, ame rọ rha ghwe koko asan ọvo na o de rhe se Urhie, Ọghẹnẹ da mrẹ ne oyoma.

Ọghẹnẹ da nẹ ẹrhovwo kẹ ayen tanẹ, We vwiẹ ri we bun phihọ re wa vọn ame rẹ urhie na, rere ephran rhe bun phihọ vwẹ enu rẹ akpọ na.

Ọghẹnẹ da ta, Gbe jẹn akpọ na vwẹ eranvwe ekpokpọ vwọ phia, kueranvwe kuoka, uchuru kugbe obo ri kpono kugbe eranvwe re djoma; deranvwe doka rayen. Ọ da ghene dia ọtiọye.

Ọghẹnẹ da ta, Gbe jẹn obo ri vwo arhọ ejobi vọn evun rẹ ame na, rere ephran rhan vwẹ enu rẹ akpọ na vwẹ irharheghe rẹ odjuvwu.

Ọghẹnẹ da ma eranvwe rẹ akpọ na, deranvwe doka rayen kugbe uchuru okoka rọye, kugbe emu kemu ri kpono vwẹ otọ na okoka rọye. Ọghẹnẹ da mrẹ nẹ oyoma.