Amavesi eBhayibheli adumile avela kokuthi Luku 21

Dlulisela

Ama me̩ nagwe̩ke̩ iko du, me̩ ki gbo̩ko̩bʼo̩ todu kʼiñmi-me̩ ki wo era bʼe̩wñ du kʼi awache-i te̩, ku me̩ la dago o̩gba O̩ma One̩.

Me̩ ki la mʼo̩la-me̩ ne̩, tode̩gba kʼadu eju-wuluwulu kpai o̩te̩ eñmo̩ kpai ejiji e̩wñ-ile̩-i eda tʼe̩do̩ me̩ le, tak o̩jo̩ le̩ kwogbulu awa bano me̩ dab ada

Ef e̩do̩-me̩ ku me̩ lichi gugu, me̩ aje̩ oji o̩la-me̩.

Todu omi adʼalu ñwu me̩ kpʼibe, e-kʼame̩no̩la-me̩ du ma neke rʼo̩na nyʼu n, abe̩k echagwunyu n.

Efojale kpai ane̩-ile̩-i alale; i muda nʼugbo du kʼo̩la-mi alale rinyo̩ ofo n.

Tak ujiwe ado̩mo̩ ef olu kpai ochu kpai awo; oñ ane̩-ile̩-i abo uche̩ichi ache̩kpama te̩, ma agane̩ n noj ekuku ohimini kpai akpoli-wñ; amone̩ adaku noj ailo ku ma ra, kpai e̩wñ ku ma nibe ka kʼi awa bʼugbo du kʼone̩ te̩ kade ma. Todu ma miʼamukpahiu efojale efojale ejo. E̩gbale̩ taku ma ali O̩ma One̩ kʼi awa kpai ukpahiu kpai ojima ki nana ef akpa.

E̩ne̩ du la anʼulaka-me̩ ache tod odu-mi.

ane̩ amiejo nana, ugbo ojoji ojoji ukpo̩ta la akpa, atulubo̩ ado̩mo̩; oñ e̩wñ ubailo kpʼujiwe lile akwʼefojale wa.

E̩gba du ku me̩ la gbo̩ uka ogu kpai ekuku, me̩ ki gagogodo n; todu e̩wñ-i awache ejodudu tila; i muda chʼukpoji-wñ ababa de̩ ta n. E̩gbale̩ i ka ñw ma kakini, Abo uche̩ichi akwane̩ tʼabo uche̩ichi o̩la, oñ ojane̩ onuʼka akwane̩ tʼojane̩ onu omune̩ o̩la

Tak ujiwe ado̩mo̩ ef olu kpai ochu kpai awo; oñ ane̩-ile̩-i abo uche̩ichi ache̩kpama te̩, ma agane̩ n noj ekuku ohimini kpai akpoli-wñ; amone̩ adaku noj ailo ku ma ra, kpai e̩wñ ku ma nibe ka kʼi awa bʼugbo du kʼone̩ te̩ kade ma. Todu ma miʼamukpahiu efojale efojale ejo.

E̩gbale̩ i ka ñw ma kakini, Abo uche̩ichi akwane̩ tʼabo uche̩ichi o̩la, oñ ojane̩ onuʼka akwane̩ tʼojane̩ onu omune̩ o̩la

Tak i kakini, Me̩ nago edʼume̩ la, todu abo wewe awa ef odu-mi, ma akakini, Omi de̩; ma ñʼaka kakini, Iko-wñ me̩ro̩wo̩ me̩: me̩ ki tʼuma ubi alo n.