Amavesi eBhayibheli adumile avela kokuthi Jo̩n 14

Dlulisela

Ure̩do̩ oñ nato̩no̩ ñwu me̩-i, ure̩do̩ e-mi nadu ñwu me̩; i chʼalu kʼile̩ adu ñw one̩ oñ omi adʼu ñwu me̩ n. Ame̩ ki chʼe̩do̩ wuulu n, me̩ ki la chokpo n.

Jisus ka ñw u kakini, Omi chʼo̩na kpʼochochi kpʼiñmi: i ma lʼef umi n, e̩ne̩ du awʼugbo Ata n.

Me̩ ki chʼe̩do̩ wuulu n; me̩ ke̩do̩nʼO̩jo̩, me̩ ño̩ ke̩do̩nʼomi ge̩.

Ama E̩nugbe̩do̩ le̩, owñ chʼAfu Kiafo̩ e-kʼAta akpe̩ wa ef odu-mi, e̩ne̩ le̩ ako̩ me̩ e̩wñ du, i la are me̩ wa e̩wñ du kʼu ka ñwu me̩.

E̩ne̩ ki nʼo̩la uko̩-mi kʼi la adejutʼo̩, e̩ne̩ le̩ chʼe̩ne̩ ki afe̩do̩ mi; oñ e̩ne̩ ki afe̩do̩ mi, Ata-mi afe̩do̩-wñ, tak omi afe̩do̩-wñ, naño̩ dʼo̩la-mi onugo tejugede ñw u.

Oñ omi arodubʼAta tak i adʼe̩nugbe̩do̩ omune̩ ñwu me̩, todu kʼi dʼugbo me̩ ogbegbele̩. Owñ chʼAfu e-ochochi e-kʼile̩-i ma neke gba n; todabu kʼi ma ali n, kʼi ma la amʼo̩ n; ame̩ chemʼo̩; todabu kʼi gugu ugbo me̩, kʼi la adʼef ume̩ ge̩.

E̩wñ du ku me̩ la abi ef odu-mi, e-le̩ nache, todu kʼAta ki nʼojima ef O̩ma. Iche̩wñ ku me̩ bi e̩wñ ef odu-mi, omi ache.

Iche̩wñ ku me̩ fe̩do̩ mi, me̩ adejutʼo̩la uko̩-mi.

Ef unyi Ata-mi uña ugugu wewe do̩mo̩; i ma dʼabe̩le̩ n u ma ka ñwu me̩; todabu kʼu nalo kʼu ñwʼuña che ñwu me̩.

I la che̩wñ kʼu le kʼu ñwʼuña che tane̩ ñwu me̩, nadabi wa ge̩, oñ namʼume̩ gba wʼugbo mi onugo; todu kʼugbo kʼomi de̩ kʼame̩ ki ño̩ jo̩ kpo̩fo̩.

To̩mas ka ñw u kakini, Ondu, a ma ugbo kʼuwe̩ anyi n; abile kʼa ma o̩na-wñ?