Amavesi eBhayibheli adumile avela kokuthi João 5

Dlulisela

Ka'oa hiki hida kodivarani. Ija'aria bikamithahi ida oathi, binaabahi, bikajari'dariha ada Deus hora karona'iki, oniani ida mahi ja'dini anokhomiriki-ra vahojavini hija. Ija'ari vakadihojai asohiriki abosini kamahini ni-vahararana hojajanaki ida ija'ari hora vakaijokaki. Ni-hagihi Ibavi Jaharika'oakia okhakia adahajanaki ida ija'ari hora vakaijokaki. Kama'da'iki ida kidimahi anokhomiriki Deus kania.

Oniaroa, amokhini kania akhano'aha ada Jesus, binokiha ada omaki, biogamanihi ida badara ipohini bivakavamoni'iki. Binana'dohi'aha: —Ia'aihotani-ra inofimanija?

Deus athi kapapirania hojaki jaboni ida Deus hora karona'avini kavaranihi. Vada avani'abakhiaki ida Deus athi papira hoja'iki. Avakava'ibodivaraniki ida papira athini a'onira nava'isohivini hiki mahi jahaki ja'dini anokhomirikia avagahinaja kaimoni. Deus athi papira hoja'iki hora vara vani'a'iki ho. Kaba'i, ni-kodiania avikhani-ra avanofiki, avagahinaja kaimoni mahi jahaki ja'dini anokhomirikia.

Jesua bini'aha: —Gama'a, inabiini'a o ijorani, adaha'a. Jorakia aihota'aha ada makhira. Gamaha, jorana-ra nabiiniha, adaha'aha. Hari. Judeus kaija'ari vakadi'akoiri kamahini vani Jesus makhira-ra anaihota'aha.

Hari. Oniaroa, Jesua bigathani'ihi ida judeus kaija'ari vanava'isohiva abono vakadi'aathidanoarari: —Ka'oa hiki hida kodivarani vara a'onira oni'avini hiki bana. Deus kaisai ohina kaba'i, ni-hovani oa okaabokaki ida badani Deua bihonariaki. Bada oni'aki ida badani kodiabi'ia bada bini'avini onokiki. Badani hoariha ni-bada oni'aki. Onivani fori hija hida kodibadani. Badani hahavi kodiabi'ia bada bini'aki, kidisai ohina mani ida bada oni'avini hija jaboni.