Amavesi eBhayibheli adumile avela kokuthi Kananet 17

Dlulisela

Baling izeto Aburam e̱rki̱to̱wa̱ moten torkoc ki torkoc, i̱ye̱le̱k zin Manyi Ta̱mu̱ta̱dde̱n ele nonno kar zin kizek ne, “Ke̱e̱ni̱ anna Ta̱mu̱ta̱dde̱n wa anyak Komiz do̱o̱k, li̱ngli̱nge̱ zoz cinanni kar ize e̱e̱t ci iróng anyak mu̱nye̱n.

Iróng atin bo̱do̱k zara cigunnek e̱e̱ggi̱n Aburam; e̱e̱ggi̱n atin zara cigunnek Aburaham, ma̱rri̱t ming kanyi i̱nne̱t ize be̱e̱ti̱ i̱do̱ngi̱ cik meelek.

Kazunne atin anna olom cinanni ki i̱nne̱t kize ci aave udut ku̱ru̱m ci doolinnu veelek bu̱u̱llo̱k ki bu̱u̱llo̱k, ke̱e̱ni̱ Ta̱mu̱ta̱dde̱n cunne ki bu̱u̱llo̱k cik a̱vvu̱ vu̱rrta̱.

“Eci ngatinanni een necu olom cinanni ki i̱nne̱ta̱: E̱e̱ni̱ atin i̱nna̱ be̱e̱ti̱ i̱do̱ngi̱ cik lo̱o̱cco̱k cik meelek giir.

Ize zin Ta̱mu̱ta̱dde̱n ne, “I̱i̱ny, abarik atin ngaa cunne Sarah a̱rri̱ta̱ do̱le̱c ci maci, kar atin i̱nna̱ katek zar cik een I̱sa̱ko̱. Kazunne atin anna olom cinanni ki nonno kize olom ci aave udut ki dooli cik dooli ciginnek ming i̱zzi̱ enne to.

Kaanyi atin anna i̱nne̱t lo̱o̱c ci Kanaani ci i̱yo̱ko̱ abahe i̱nna̱ ize i̱do̱ngo̱je̱ni̱t ko̱, kize cunne udut ki dooli cigunnek; ke̱e̱ni̱ atin anna Ta̱mu̱ta̱dde̱n cinne̱ng.”

Uluc zin Aburahami oo kar zin katarar, i̱no̱n kar kizek ele ne, “A̱rri̱t ucca bo̱do̱k wo̱ye̱ e̱e̱ti̱ ci izeto e̱rki̱to̱wa̱ o̱bo̱n co̱de̱ (100)? A̱rri̱ta̱ wo̱ye̱ atin Sarah do̱le̱c ngati izeto e̱rki̱to̱wa̱ ciginnek moten torkoc?”

Iizek bo̱do̱k Ta̱mu̱ta̱dde̱n Aburaham ne, “Eci zo̱ze̱ ci ngaa cunne Sarai, ma ngen bo̱do̱k awu nonno kize Sarai; anyik zar ciginnek kize Sarah.

Abunna ming etteddu wucic vi̱ca̱vi̱cce̱t kar kize baayenit ci olom cinanni ki i̱ge̱ta̱.

Ma̱i̱je̱ olomi cinanni, kadimani atin ki I̱sa̱ko̱, ci okko atin ngaa ci een Sarah a̱rri̱ta̱ki̱ i̱nne̱t ko̱ nye̱lo̱wo̱ cu ele e̱rki̱ta̱.”

Eci bu̱u̱llo̱we̱ cik atin a̱vvu̱ ko̱, anyik la̱du̱n do̱le̱c kettede wucic vi̱ca̱vi̱ca̱ ming een gwo̱o̱nya̱ ciginnek tu̱rge̱, anyik bo̱do̱k dooli cik ollu a̱rri̱ta̱i̱ ce̱e̱ze̱ cunne bu̱k kettedit wucic vi̱ca̱vi̱ca̱ icima dooli cik a̱gga̱mnya̱i̱ moddene o̱ro̱bi̱ya̱i̱. Anyik dooli do̱o̱k la̱du̱n kettedit wucic vi̱ca̱vi̱cce̱t, cik a̱rri̱ta̱i̱ ce̱e̱ze̱ cunne icima cik a̱gga̱mnya̱i̱ moddene o̱ro̱bi̱ya̱i̱. Anyik olom cinanni aave eliye cunne ko̱ ka̱vvu̱ udut.