Amavesi eBhayibheli adumile avela kokuthi Jọn 10

Dlulisela

Furuḅọ ḅe furu kẹngẹ mị ò gose ḅo ye-ẹ, ḅaa na, yesima na. Ị̀rị̀ à ḅomẹ mịẹse ó ḍumo nyanaḅịa ḅara—ḍumo mị anịḅe nyanaḅakama ḅụ.

“Ị̀rị̀ iḅi ananaḍikiḍikiḅọ ḅe-ẹ, anị ḅereni se fị ananama pịrịḅịa ḅọ ḅe.

Ị̀ya ananama àrị ị̀ pụkọ pokimẹ; ị̀rị̀ àrị nemimẹ, àrị pịkị ị̀ ḍukomẹ.

À simegbaso ḍumo se àrị pịrịmẹ, àrị pịkị ngịsị fị ẹkẹ. Ị̀ ḅara ḅie àrị kun ọkịḅịa ḅọ ofori-ẹ.

Ị̀rị̀ anị ḅọkọ mị-ẹ. Ị̀ ḅụ ḅọrọ ḅie sọ ḅọ goyegoye iniḅọ ḍụaḅọrọma nyanaḅịa; ọ̀ sọ ḅo se pịkị pakaḅịa, se fịfịye nwọ ḍọkị ọrịḅịa.

Ị̀rị̀ anị iḅi ananaḍikiḍikiḅọ ḅe-ẹ.

Ị̀ Ḍaḅe se ị̀ pịrịsaye mị ḍụḅa ye mamgba nẹngịmẹ, se ineda Ḍaḅọ Ḅe ḍikiḍikiarịye kun ọkịḅịa ḅọ ofori-ẹ. Ḍaḅọ Ḅe na ị̀rị̀ na gbọrịye-ẹ.”

Ḍaḅọ Ḅe nwọ ị̀ nemi, ị̀rị̀ sọnị nwọ Ḍaḅọ Ḅe nemi ḅara mị, anị gbọrị ḅara mị à nwọse ị̀ya ananama nemimẹ, ị̀ya ananama pịkị ọkọ se ị̀ nemimẹ. À pịkị ḅimẹ à fị àrị pịrị.

Ị̀ ḅara ị̀ ḍumo nwọ ọkị gbọrịḅọ sọ ofori-ẹ. Ị̀rị̀ ngẹrị ḅereni se anị pịrịmẹ, à kụrọ nyanamẹ anị pịrị, à pịkịna kụrọ nyanamẹ anị ọkị. Mịn mị anị ị̀ Ḍaḅe tọn ị̀ pịrị mịẹ nwọḅẹye mị-ẹ.”

Anị Jizọs Ḅe pịkịna nwọḅẹye-ẹ, “Kọkọmaye à nwọ ḍuko ọ́ pịrịaḅẹ: ị̀rị̀ anị ananama arịa ḅọkọ mị-ẹ.

Ini ọkọḅọ ḅe, ori ananaḍikiḍikiḅọkẹ, ori pịkị ananama nyanakẹ, ò piri obiri ḅoarị ọkụ nwọ ọrị sịkị, ori ananama wẹrịso se mangị somẹ, anịgose piri obiri ḅe ananama kun se àrị galagalamamẹ.

Jizọs Ḅe nwọ ḅẹmẹ, “À kọkọmaye ḍuko ọ́ pịrịaḅẹ: na ḅọkọ mị ḅụ wẹrị ananama simearị nyọ sọka, se jịn nyọ ḅụ wẹrị tanjị sọ ḅọ ḅe, ori furuḅọ-ẹ, pịkị angarafịḅọ-ẹ.