Amavesi eBhayibheli adumile avela kokuthi Oyinyima 3

Dlulisela

Ịzẹyịza ọnẹẹ ọnọọ ô re ka ẹtụtụ ọchị ọnọọ ọ rụra rị. Ô re ka ộ ngụ ọza eyi, o re ka ọ zụ mẹ ka eyi ọza ò hweyi ọ mẹ ka o zee e eyi hu avọọ ọ sị ẹtụtụ anị dị ọ rị ọ nị. Dị ọ rẹ sị ịnị anị yị ọva anị nị dị ọnị rẹ rị ọ nị.

Ịnị avaba uye ịnị avị ọnị Ẹnẹyịmavara Ohomorihi tụ́, ẹ́wụ́ ọ vị ọnọbọ hu kere-kere nị. Ẹkụhị ọnya o vẹ tù ọnẹẹ ọnọọ dị ọ họ̀ ọ ka: Ho, aanị ka ẹ yị nyị ẹtụtụ ọchị ọnị Ohomorihi zẹẹ ka ẹ̀ẹ rị ịnị ẹtụtụ ene hi ini ụbazị ọnọnị aanị?

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Di Ohomorihi kà a yị ọnẹẹ ọnọọ ka, “Ọnị vaa sị eyi anị re ịrẹyị ẹtẹẹtẹrẹ àa ma ozi. Vị ọ vaa zị ọ ẹnẹmẹhị nị. Ama vi o vee yii sì ka ọnị ọ̀ yà ịda ọva anị nị, di ahịka ọnị aa mẹ ọdaa tụra a nị”.

Ọ kà dị ọ ve re ịsa rị, ọ vaa sị ụvọọ ka ẹhịị mi. Ọ rẹ ka avọọ ọ mẹ vaa mẹ pooro dị ọ̀ varẹma nọ ịnị eteesu nị, agụvị ka ezi a sị mẹ ẹ nị. Ezi ọnọọ ọ rẹ vaa vàa nọ ịnị anị nị.

Di Ohomorihi kà a yị Adamị dị ọ ka, “Ịrẹyị ose anị ọ na sị mẹ̀ ụkọrọ, dị ọ na rị ẹtụtụ ọchị ọnị ọnị ka ọ yị nyayịnẹ rị nị Ọ kà avọọ, ọnị ọ raà hụ agụvị anị chì hi ẹtẹ. Ọ kà pooro ịnị avaba ẹhẹ anị vị ọ vaa rị ụya nị”.

Di Ohomorihi kà: Ẹ̀nị ẹ kà a yọ ka ahwaahụ ọ vi nị? Dị Ohomorihi họ̀ ọ ka ọ́ọ́ na rị ẹtụtụ ọchị ọnị ọnị kà a ka asị ọ rị ịhị ọnọọ rị nị?

Dị ọ vavọọ dụ ọnọrụ ọnọọ jịnẹ nị, dị ọ kụ́ ịsa ana nyị ụhwẹ ana aā hị́ icherubi nịnị, dị ọ kụ́ wa hi eyi ọnị ọyịị̄ zịị vẹ ịnị ụbazị Edẹnị nị. Dị ọ rẹ kụ ụhwọ ọbanyị ịrịịra hi ịzọọ ene ee jesii zị agụvị asị a nyị ọza ana kụkụ zụ ngụ ịzọọ ne tù ọchị ana zụ mẹ ka ọza ọ̀ yàra pooro.

Adamị ộ sị ịrẹha yị ose anị ka ọnị ọ rị Iivi (Ọnyọza) nị, agụvị ka ọnị ọ vaa vị ọnyị avaba ọza nị.