Amavesi eBhayibheli adumile avela kokuthi Jɔ̀ɔŋ 13

Dlulisela

Yèè mìŋ yààìŋ naàŋ kìɛ̀ŋ sùà ke sàwà jɛi. Mànaìŋ aŋ dàwiiŋ nyàŋ màànààŋ nɔŋ mìŋ naiŋ wa mɔ̀nɔ̀ŋ lɛ. Sèè nìŋ mɔnɔŋ aŋ dàwiiŋ nyàŋ nyɛ̀iŋ bi e fèemàŋ, anyùùŋ nyaŋ gbiŋ do nàŋ nyìmè kɛ̀ nyɛ̀iŋ nàŋ yaà anyùùŋ màŋjɛ̀wɛ̀im nyàŋ.”

Miàim, wo Kanaiŋ nɔɔ̀ŋ yèè wo Kààmɔɔiŋ nɔɔ̀ŋ, kàiŋ nɔŋ gùà maŋ gòlò, nyɛ̀iŋ pɛɛ nìŋ kuwa naŋ gùà maŋ gòlò aŋ dàwiiŋ nyàŋ nyɛ̀iŋ bi e fèemàŋ. Kàiŋ tɔ̀ɔ̀ e tɔ̀ɔ̀màŋseìɛ, nìŋ kuwa naŋ nyɛ̀nɛ̀ŋ e kèì guùŋ nɛ màànààŋ nɔŋ mìŋ naŋ niŋ nyɛ̀nɛ̀ŋ lɛ nyɛ̀iŋ bi e fèemàŋ.

Wo Jisɛ̀ naŋ fasàì wààŋ, “Muŋ nyìmààŋ kɛ̀ kiìŋ mìŋ yaà naàŋ nyinie, kɛɛ mùŋ do niŋ nàŋ nyìmè ke ɗɔ̀ɔ̀ guùŋ.”

Miŋ woòiŋ e tɔɔɓaaà kɛ̀, aŋ ɓɔìjɔ̀à kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ, e kìlà aŋ keela kuwà è gààŋ àŋ do nìàŋ wò nyùnɔ̀ɔŋ naŋ nyiŋ tùɔ̀ŋ wɔ.

Nàŋ naàŋ nyìmàŋ e tɔ̀ɔ̀nyaàŋ lɛɛ̀, wo Dayà doiŋ nàŋ gbìɛ̀ŋ e zòòlo maŋjɛ̀wɛ sèè nìŋ nyɛ̀nɛ̀ŋ nìŋ.

Nààŋ àŋ yaà wa jììyè nɛ̀ŋ, wo Jisɛ̀ naŋ yèwè dìì wo sie, wo gè maŋ dèè kɔɔuŋ màŋ, yèè wò naŋ dìkìè wɔŋ ɓàà e tɛɛ. Kpeiŋ wò naŋ sìè e wùìyè wɔŋ gɛ̀i gbee sùà, yèè wò naŋ tɔ̀ɔ̀tù gùà anyùùŋ màŋjɛ̀wɛ̀uŋ nyàŋ maŋ gòlò wò haangà mìŋ wɔŋ ɓààa wò naŋ dìkìè e tɛɛ wɔ̀ŋ.