Amavesi eBhayibheli adumile avela kokuthi MATTHAI 5

Dlulisela

A-u lawngkhaw hai a vaang vengah beelphai oen muek khoep vai nawh, haivangna dawngah a vaang tih im khuiah aka awm boeih te a thue. Tetihvan la nangmi kah aangna te thlaang haiah aang sak ham awm, te tila thaihu theen na sai u te ahimi lawng a huh u vetih vaan ah aka awm nangmi na Pa te a thangpawm u thai ai.

“Nangmi tah dilai pum boeih ham aangna la na awm u. Tlaangsawm ah a phueng u khawpui tah n'tu lawngkhaw thlipdah thai nawh.

“Thinkaw lungbui aka ciim tah yotheen kam-awmna aka lawng thlaang la awm; Ahimi lawng Pathen te a huh u ai!

“Pathen kawngaih te amami ngaihna bo koek la sai ham aka khueh tah yotheen kam-awmna aka dawng thlaang la awm; Pathen lawng ahimi kah kawngaihna te a soep pe sak ai!

Tede kavan thui u, Na raal thli te lungna lang nangmi aka thekhana thlaang thli ham thangthui pe uh.

“Thlaang soep nawh la ka awm tila aka ming tah yotheen kam-awmna aka dawng thlaang la awm; Vaan ram tah ahimi kah ni!

“Roeproeina aka sai tah yotheen kam-awmna aka dawng thlaang la awm; Pathen lawng ahimi te ka ca a tina ai!

“Kawthe oen aka rung aka rap thli tah yotheen kam-awmna aka dawng thlaang la awm; Pathen lawng ahimi te a thloep a hoelh ai!

“Pathen kawngaihna a sai dawngah heemtekna aka ming thli tah yotheen kam-awmna aka dawng thlaang la awm; Vaan ram tah ahimi kah ni!

“Thlaang reenna kaw aka poek tah yotheen kam-awmna aka dawng thlaang la awm; Pathen lawng ahimi te a reen van ai!

“Kai kah hubang la na awm u dawngah nangmi te thlaang lawng thuitheetna, heemtekna, athe thaihu soeprep oen hoem awl n'peel u vengah yotheen kam-awmna na dawng u. “Awmngaih u langtah na kaw hoe sak uh, nangmi ham vaan ah kutdo abohlang awm, he tila ni nangmi na awm thlan vengkah tawngha thli khaw aheem atek u roe poen.

“A kaw aka daw thlaang tah yotheen kam-awmna aka dawng thlaang la awm; Pathen lawng a kam pe tangte te a paang ai!

“Nangmi tah thlaangphun boeih ham lungkeh la na awm u. Tede lungkeh he a aalna a moelh atah aal sak koep ham coengg thai tlaih nawh, apoeila awm poen, tedawngah ram la voeih tih thlaang lawng a caawt mailai ham ni a awm poen.

Vaan kah na Pa a soep van angla nangmi khaw na soep u van ham awm.”

Soeng, soeng nawh ti bueng mah te thui uh, te voel tah Seitan tengkah awl poen ni.

“Mik yuengah mik van, naw yuengah naw van,” a ti te na yaak u poen. Tede tahe ah kavan thui u, “Nangmi sawah athe aka sai te thung u boel. Thlaang pakhat khat lawng bantang ben na beeng te avan bel atah banvoei ben na beeng te khaw bel sak.

Tedawngah na bantang mik lawng n'thawlh sak atah koeih lang voei hawn! na pum boeih hell la atlaak lak atah na mik na taal te nang hamla theen ngaai. Na bantang kut lawng n'thawlh sak atah, tloek poet lang voei hawn! na pum boeih hell la a tlaak lak atah na kut na khow pakhat khat a taal te nang hamla theen ngaai.