Amavesi eBhayibheli adumile avela kokuthi Ala Kalɔ Buse 3

Dlulisela

Amu ka uleku ɔmɛni ɔ́nu ɔ́ti ka kugyii kɔmmɔ ebi adia bɔdi, na aadia bɔnu, na aayá na ukyuli ɔɔdá anu ɔsu ni, úde adi na ɔ́di. Na úde ɔdi úte ɔgyani ɔni nkya mmɔ lɛnɔ na ɔ́di.

Na mmɔ ni, kɔlakpi ndi kebweyi kani mbo lɛkwɛ geen ntulo bebuo bani ƒui na Unwoti Katɔti údie akɔ. Na limeyi lɛdi ni, kɔlakpi kɔmmɔ kúsie uleku ɔmmɔ kudɔ na kútéye-nwu kɔnini, “Sɔsɔ geen na Katɔti ɔ́su-ɔ ɔnii, ‘Tadi egyii ammɔ adi biala ebi’?”

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Amu na Katɔti ɔ́su uleku ɔmmɔ ɔnini, “Ndubɔya na ebo abi geen uwi ɔni na ada kaƒɔ. Na adubunu ɔlɛ asa na awɔ bebi. Ina amu muedi ni, ƒula anu adubɔsia ƒ'ɔgyani lɛlɔ, na akya-nwu kalɔ.”

Na adubuni ewulu na ƒula lɛtɛntɛ asa na akɛ ƒula lɛdila weti wetédu uwi ɔni na adubɔsɔ enwini esie kalɔ kemmo. Ɔsika aka na líti lɛ́vɔ-ɔ. Lɛti na adi na lɛti kani na adubɔsɔ enwini.”

Na Adam anwu ni, Katɔti ɔ́su-nwu ɔnini, “Ka énu ƒ'ulekudi litemi na ádi kugyii kɔni ebi na líbo-ɔ ɔda nnii, ‘Tadi-ku ebi’ ɔsu ni, “Líwida kalɔ kammɔ ƒui na awɔ ɔsu. Na adubo abi bubo kana lɛlɔ asa na akɛ-ka lɛla lɛdi adi na ƒula ngba emeyi kemmo ƒui.

Mmɔ na Katɔti úye-nwu ɔnini, “Ɔma násu-ɔ ɔnii akɛ kasɔngya? Munuu kugyii kɔni lɛlɔ ebi na líbo-ɔ ɔda nnii tadi mmɔ ni, aku na átádi?”

Na ka ɔ́bɔku-ma ɔ́lɛku ɔ́wɔlɔ ni, ɔ́ya na nwuna batu bagyumanane badi benye ku kewii kadi mɔɔbwɛ ogya teesie anumi teebo kama taabala Eden kemo kammɔ ɔƒɛ katukɔ. Na bétile ukyuli biala kuƒi kalɛ na ulakana kugyii kɔni mɔɔyá na ukyuli uulie ngba mmɔ kudɔ bɔni bude.

Na Adam ɔ́sia ulekudi lɛnyi ɔnii Hawa ɔni kalɔ ndi ngba. Ɔsika anwu ndubɔbla ukyuli biala nli ngba uni.