Amavesi eBhayibheli adumile avela kokuthi Ala Kalɔ Buse 17

Dlulisela

Uwi ɔni na Abram ɔ́ƒɔ akwa liti ku aavlene-yaalenwi ni, Unwoti údie lɛlɔ ɔ́tina-nwu na ɔ́su-nwu ɔnini, “Ami ndi Katɔti Ɔyikune Ƒui. Mɔɔwia ka elie ngba sɛɛn ɔni na aláƒiɔ-mi.

Ɔmɛni ɔsu ni, basɔ baaadubo-ɔ bɔlɔ banii Abram, ɔni kalɔ ndi Ati ɔni náƒɔ lɛnyi. Mmomu badubɔlɔ-ɔ banii Abraham, ɔsika líti-ɔ lɛ́bla kadi bekyuli pii ɔti.

Ndubɔlɛ bunyimi bɔmɛni ugyii. Na amu ndubɔkya ami ku-ɔ ntɛ ku ƒula bawɔ ku kaba bekyuli bani ƒui masia-a kama uwi ƒui. Na ami ndi ƒula Katɔti na madi ama lɛnɔ Katɔti.

“Ami ni, lɛla lɛni na muunyimiku-ɔ ndi ka awɔ ndubɔbla kadi bekyuli pii ɔti.

Mmɔ na Katɔti ɔ́su ɔnini, “Ɛɛn! Nsu ƒ'ulekudi Sara ɔdubɔwɔ ɔnanabi ute-ɔ. Na adubɔsia-nwu lɛnyi anii Isak. Ndubɔlɛ mina bunyimi ugyii ku anwu ɔmmɔ aani bunyimi bɔni makya ami ku-nwu ntɛ usela uwi ƒui ku nwuna bawɔ lɛnɔ ntɛ.

Kanaan kalɔ kani lɛlɔ na adi ɔƒɔ mɛni ni, ndubuti-ka lite awɔ ku ƒula bawɔ na ami ndubɔbla bana Katɔti.”

Mmɔ ni, Abraham ɔ́yu úbi kalɔ na úye lɛlɔ ɔnii, “Ami ɔnana ɔni náaƒɔ akwa eti anyɔ mɛni ku ukyuli ɔdi bɔdubɔkana ubi ɔdi bɔwɔ? Na Sara lɛnɔ ɔ́ɔƒɔ akwa liti ku aavlene. Ɔdubɔkana kaƒɔ bɔda?” Litemi lɛmɛni lɛ́da-nwu lɛma, na ɔ́ma.

Katɔti ɔ́sɔ ɔ́su Abraham ɔnini, “Ƒ'ulekudi Sarai ni, ɔƒaamu badubɔlɔ-nwu Sara.

Ago bukulo bɔmmɔ ndubɔtina bunyimi bɔni nkya ami ku-mii ntɛ.

Nsu mina bunyimi ni, ami ku Isak bawɔ ntɛ na ndubɔlɛ-mu ugyii. Na anwu ndi ubi ɔni na Sara ɔdubɔwɔ ute-ɔ na lɛkwa lɛni ndubo aani uwi ɔmɛni kalɛ.”

Na ƒula kaba bekyuli bani ƒui mebo ni, ɔnanabi biala na bana akɔ ɔni náƒɔ emeyi maane ni, ɔlɛka bekulo-nwu lego. Bananabi bani na báwɔ bákya bina kɔduli iye bani na bíye ku egulabi bɛ́siku baƒɔ kudɔ na baaadi bina bebi geen muedi ɔlɛka bikulo-ma ago. Bina kɔduli bebi badi o-o buye na biye-ma ku egulabi o-o ni, ɔlɛka bekulo-ma ago. Mina lɛla lɛni na línyimi ka bɛbla bina ɔlɔna ni, ɔdi bunyimi bɔni ndubɔkya uwi ƒui.