Amavesi eBhayibheli adumile avela kokuthi LUCAS 14

Dlulisela

“Maynitix nayan ukar jutchi, ukatsti awkiparu, taykaparu, warmiparu, wawanakaparu, jilanakaparu, kullakanakaparu, kipka jakañaparus nayat sipan juk'ampi munaschi ukaxa, janiw nayan yatiqirixäkaspati.

Khititix nayar arkasin cruzap jan apañ munkchi ukax janiw nayan yatiqirixäkaspati.

Khititix jach'a jach'a tukurïki ukaxa, jisk'ar tukuyatäniwa, ukampis jisk'ar tukurïki ukasti jach'ar tukuyatäniwa.

Ukhamasti, jumanakat khititix taqi kunapsa jan jaytkani ukax, janiw nayan yatiqirixäkaspati.

Jumanakat maynitix mä torre lurañ munaspaxa, ¿janit nayraqatax qunt'asisin qawqha qullqitix tukuyañatak munaskaspa uk amuyt'askaspaxa? Ukampis torre lurañtix qalltani, ukat janirak tukuykani ukkhasti, uk uñjirinakax taqiniw jupat larusipxani, akham sasa: ‘Aka jaqix lurañ qalltasin janiw tukuykxiti’ sasa.

Manq'añ wakichaykäta ukkhasti, jan kunaninakaru, suchunakaru, kayu usutanakaru, juykhunakar jawsayam; jumasti kusisitaw uñjasïta. Jupanakasti janiw kutiyapkätamti, ukampis jumax aski jaqinakan jakatatäwipan churäwim katuqxäta —sasa.

“Jayux askiwa; ukampis ch'aphaqarutix tukuspaxa, ¿kunatakis uka jayux askïspaxa? Janiw uraqitakisa, wanutakis askïkxiti; jan ukasti waranukutakïxiwa. Khitinakatix jinchunïki ukanakax ist'apxpan.”