Amavesi eBhayibheli adumile avela kokuthi GÉNESIS 7

Dlulisela

Uka qhipatsti Tatitux Noé chacharuw sarakïna: “Taqi jaqinak taypin juma sapakiw aka pachan nayan munañaxarjam sarnaqtaxa. Uka layku, jichhax wila masinakamamp arcar mantam.

Uraqisti, patak phisqa tunkan urunakaw umampi chhaqtayat uñjasïna.

Payïr phaxsitsti, tunka paqallqun uruw saraqxäna. Noé chachasti ukapachax suxta patak maranïnwa. Uka pachpa uruw manqhankir jach'a qutan jalsunakapax phalläna, alaxpachatsa jallux walipuniw purintäna.

Khitinakatix Noé chachampi arcankapkän jupanakakiw qhispipxäna, ukat uksarusti, jaqisa, uywañ animalanakasa, jamach'inakasa, uraqinjam qatatnaqtir animalanakas q'ala tukjataw uñjasipxäna.

Pusi tunka urumpi, pusi tunka arumampiw jallux uraqxar purintäna.