Amavesi eBhayibheli adumile avela kokuthi GÉNESIS 15

Dlulisela

Abram chachasti Tatiturux iyawsänwa, ukat Tatitux jupar aski jaqit katuqäna

Ukanak qhipatsti Tatitux Abram chacharuw mä unañchäwi tuqi uñstäna, ukatsti sarakïnwa: —Abram, jan axsaramti, juman arxatirimax nayätwa, juman katuqäwimax wali jach'apunïniwa —sasa.

Ukatsti Tatitux Abram chacharux anqaruw irpsu, ukat saraki: —Alaxpach sum uñtam, ukatsti jakt'añjamächi ukkhaxa, taqi warawaranak jakt'am. Jïsa, ukhamäniw juman wawanakamaxa —sasa.

Tatitusti sarakïnwa: —Juman tuti katuqirimax juman pachpa wawamäniwa, janiw mä jaya jaqïkaniti —sasa.

Tatitusti ukapachax sarakïnwa: —Jichhax yatiñamaw wakisi, wawanakamax yaqha markan jakapxani, ukansti irnaqañampi t'aqhisiyatäpxaniwa, pusi patak maraw ukan t'aqhisiyatäpxani.

Ukampis Abram chachax sarakïnwa: —Dios Tatay, ¿kunatakirak walïni uka churatamasti? Jumax askiw yattax nayan jan wawanïtaxa. Jumax janiw mä wawsa churkistati, taqi kunatix utjkitu ukxa, Damasconkir Eliézer uywataxakiw katxani —sasa.

Uka pachpa uruw Tatitux Abram chachampix mä amtäwir mantäna, sarakïnwa: —Wawanakamaruw aka uraq churä, Egipto jawirata, Éufrates sata jach'a jawirkama.

Pusi patak mara qhipatsti, wawanakamax aka chiqaruw kuttanxapxani, ukkhakamasti amorreonakan jucha luratanakapax janïraw sinti jan walïkaniti.