Amavesi eBhayibheli adumile avela kokuthi Chɔ᷄ŋ 19

Dlulisela

Mɛ̄ɛ̍ Chi̍i̍sū sɔ̍sa̍ mūɛ̄īmā māŋ, mbo̍ dīmī āā, “Nyɛ̄ o̍ nyɛ̄ chūū yɔ̄nɔ᷄ŋ.” Mɛ̄ɛ̍ o̍ di̍mi̍ dīōmndā lāŋ, mbo̍ māl bōlle̍ŋ. Mbo̍ mālnu᷄ŋ kɔ̍l.

O̍ ko̍ŋ kɔ̍ɔ̍lī, mi̍ Chi̍i̍sū si̍nā māā nyɛ̄ o̍ nyɛ̄ ndu̍ o̍o̍ nɔ̍ le̍ tōsāa̍ māā ō chīi̍ tōsā. O̍ ko̍ŋ, mbo̍ dīmī āā, “Kōlɔ̄ɔ̍ bīī ya̍ fɔ̍.” Ndu̍ o̍o̍ di̍mi̍ mādīmīāā dīōmnda̍ŋ nda᷅ŋ le̍ mī ī yɔ̄nu̍ŋ mɛ̄ɛ̍ Yāu̍ Mɛ̄lɛ̄ka̍a̍ dīmi̍ yɛ̍.

O̍ ko̍ŋ, mi̍ Chi̍i̍sū cha᷅ kāla̍ ndɔ̄. Mbo̍ chā bu̍ɛ̍ī ndu̍ o̍o̍ ka̍a̍la̍ wo̍. Ndu̍ bɛ̍ɛ̍, ō wa̍ īsīsi̍ lo̍ŋ ka̍lāa̍ Chi̍i̍su̍ īkɛ̄i̍. Mi̍ Chi̍i̍sū lo᷅ o̍ ko̍ŋ mbo̍ di̍mūl kāla̍ ndɔ̍ āā, “Wɛ̄ɛ̄ŋndo̍, ā chē po̍ nu̍mndo̍.” Mbo̍ dīmūl bu̍ɛ̍ī kōŋ āā, “Pōo̍, ā chē kālā nu̍m.” Chɔ̍ŋ ni᷅ŋ a̍ bōōndi̍i̍ ke̍ŋ mi̍ bu̍ɛ̍īyo̍ ho̍ō kūā a̍ kālāa̍ Chi̍i̍sū ō chīɛ̄ī ndɔ̄ɔ̍ mbo̍ kɔ̍ wa᷅ lo̍ŋ.

Kɛ̍ mɛ̄ɛ̍ nda̍ hīŋ o̍ Chi̍i̍sū lo̍ le̍ ndu̍ pēlo᷄ŋ yīmīo̍o̍, ma̍ sāālu᷄ŋ māā ō vī ni᷅ŋ. O̍ ko̍ŋ, ā yīmi̍ lɛ̍ ndu̍ pēlo᷄ŋ te̍. Kɛ̍, mi̍ so̍vɛ̄i̍nɔ̍ɔ̍ ō pīlɔ̍ɔ̄ chūā ba̍l ndɔ̄ɔ̍ mbo̍ chūkū ndu̍ lūŋgbu̍e̍i̍ a̍ ndu̍. Chūkɔ̄ɔ̍ ndu̍ dɔ̍ɔ̍, mi̍ kōo̍wa̍ŋ mā tālā a̍ mɛ̄ŋnda̍ŋ lātūlu̍.

Sɔ̄ɔ̍ŋ mu᷅ŋ kpo̍u̍ ŋ̄ yɔ̄nu̍ŋ le̍ mī nyɛ̍ cho̍ ō pōōnyīa̍ŋ o̍ Yāu̍ Mɛ̄lɛ̄ka̍a̍ ni᷄ŋ ndo̍ ō yɔ̄nu̍ŋ. Kāni̍ fo̍ndōle̍, ī chō ī pōōnyīāā āā, “Ā yi᷅m ni̍ŋ pa̍ā ndɔ̄ɔ̍ ō pīlɛ̍ bɛ̍ɛ̍ le̍.” Ī chō vɛ̄lɛ̄ ī pōōnyīāā o̍ fo̍ndāŋ chēle̍ŋ o̍ Yāu̍ Mɛ̄lɛ̄ka̍a̍ ni᷄ŋ āā, “Wāŋnda̍ chō hūnɔ̄ɔ̄ hɔ̄lla̍ chūā mā tōfa̍ wāna̍ nda̍ chūkū a̍ ba̍llo̍ wo̍.”

Kɔ̄la̍ŋ a̍ ndu̍, ma̍ kɔ̍ ha̍ndū ndu̍ yɔ̄m sīŋgāfīlāā nda̍ wa̍ ndu̍ lākɔ̄ bāŋɔ̄ɔ̄ wo̍ o̍ chōŋgu̍. O̍ ko̍ŋ kɔ̍ɔ̍lī, ma̍ kūā a̍ ndu̍ o̍ fo̍ndāŋ pūm, mā vēēlū ndu̍ āā, fo̍ndāŋ lākpōkpōo̍, o̍ Hi̍būlūi̍ye̍ ni᷄ŋ āā, Kɔ̍ɔ̍kɔ̍tā.

Mi̍ so̍vɛ̄i̍ya̍ lūā yɔ̄ɔ̍ŋ fi̍ŋɔ̍ɔ̍ ma̍ wōū ndu̍ o̍ lēbōl māā mɔ̍si̍l lēmāsā. Ma̍ chūā dōmā bɛ̍ndū sīāŋāa̍ ō pūm ma̍ wōū ndu̍ māā dōma̍ lēmāsā.