Amavesi eBhayibheli adumile avela kokuthi Chɔ᷄ŋ 17

Dlulisela

To̍sa̍ mā wa̍ ā yɔ̄ŋga᷄ŋ o̍ nūm ndo̍ sa̍na̍a̍ a̍ tōnya̍ cho̍ a̍ nūm o̍kɔ̄ɔ̄ wo̍. Dīōm nūmndo̍, ndu̍ cho̍ tōnya̍a̍ ni̍.

Yōōmū kpe̍e̍kpe̍i̍yo̍ ho̍ō ndu̍ cho̍ yɛ̄ ni̍, wāŋndo̍ sīnāa̍ māā nu᷄m pīlɛ̍ kpe̍ cho̍ Mɛ̄lɛ̄ka̍ ni̍, ndu̍yɛ̍, mbō sīna̍ vɛ̄lɛ̄ Chi̍i̍sū Ki̍li̍tī, wa᷅na̍ ŋ̄ vēm ndo̍.

“Ō cho̍ ko̍ le̍ wānāa̍ cho̍ ha̍ā na̍ŋ nda̍ le̍ ya̍ I̍ cho̍ nu̍m pīɛ̄īyo̍ le̍. I̍ cho̍ vɛ̄lɛ̄ nu̍m pīɛ̄īyo̍ le̍ wānāā nda̍ chō hūnɔ̄ɔ̄ dīōmndā nūmnda̍ŋ dīmūl, o̍ ko̍ŋ kɔ̍ɔ̍lī, mā dɔ̄ū tīīnda᷄ŋ ndāa̍ o̍ ya̍ ni̍ŋ nda̍. I̍ cho̍ nu̍m pīɛ̄ī māā to̍sa̍ mī nda̍ kpo̍u̍, mā wa̍ dīōmndo̍ ō pīlɛ̍. Fi̍nyā nūu̍, to̍sa̍ a̍ sa̍bū mā wa̍ ā mɔ̄ɔ̄sa᷅ŋ a̍ na̍a̍, mɛ̄ɛ̍ ya̍ I̍ cho̍ ō mɔ̄ɔ̄sa᷅ŋ a̍ nūm, mi̍ nūm bɛ̍ɛ̍ ma̍ wā ō mɔ̄ɔ̄sa᷅ŋ a̍ ya̍ yɛ̍. Ho̍ō to̍sā ni̍ mī wāŋnda̍ o̍ chi̍e̍ēŋndo̍ ni᷄ŋ a̍ la̍a̍la̍ŋ māā nu᷄m ve᷅m ya̍ ni̍.

I̍ cho̍ nu̍m pīɛ̄ī le̍ mā fa̍ŋa̍ nda̍ o̍ chi̍e̍ēŋndo̍ chōo̍ le̍. I̍ cho̍ māchūāā nu̍m pīɛ̄īyo̍ māā bā nūmndo̍ ō wa̍ nda̍ chōo̍, yɔ̄ŋi̍ ō nda̍ vēēlū āā, Wāna̍ Dɛ̍nɛ̍ Wɔ̍ɔ̍ŋndo̍ wo̍ ō yɔ᷄ŋ nda̍ nyɛ̄.

I̍ ke̍ nda̍ nāŋɔ̄ɔ̄ kɔ̄ndɔ̄fi̍li̍ ŋ̄ ke̍ ya̍ wo̍. I̍ to̍sa̍ he̍ī le̍ mā wa̍ o̍ dīōm pīlɛ̍ ni᷄ŋ, mɛ̄ɛ̍ na̍a̍ ŋ̄ chō o̍ dīōm pīlɔ̄ɔ̍ ni᷄ŋ na̍a̍ nūm yɛ̍. Ko̍ŋ cho̍ ni̍ na̍a̍ na̍a̍ nda̍ā mī ŋ̄ wa̍ ā mɔ̄ɔ̄sa᷅ŋ mɛ̄ɛ̍ na̍a̍ nūm na̍a̍ ŋ̄ chō ā mɔ̄ɔ̄sa᷅ŋ yɛ̍. To̍sa̍ mā wa̍ dīōm pīlɛ̍ le̍ mī ŋ̄wāŋndā chīe̍e̍ a̍ sīna̍ māā nu᷄m ve᷅m ya̍ ni̍. Ndu̍yɛ̍, mā sīna̍ māā mɛ̄ɛ̍ ŋ̄ kāāla̍ ya̍ yɛ̍ māā nda̍ bɛ̍ɛ̍ le̍nde̍ ko̍ni̍ ŋ̄ kāāla̍ nda̍ ni̍.