Amavesi eBhayibheli adumile avela kokuthi Matayo 5

Dlulisela

Amwi batakukongesya itara nibaifundikira mu ci:bo, tari kuitu:ra ku cikango ni:murikira bo:ne banu bari mu nyumba. Nikwo kutyo obweru bwemwe bwakega imbere ya ba:nu, barorega ebikorwa byemwe byo bwana, korereki bakusye Esomwana unu ari mu rwire.

Emwe muri bweru bwa i:si. Omusi gunu gumbakirwe ku ci:ma gutakutura kubiswa.

Barina ribando abo be:rere emitima, kwo kuba abo barirora Nyamuanga.

Barina ribando abo mweko no bwiro kurwo burengeresi, kwo kuba abo bari:gusibwa.

Nawe anye enibabwira ati, Mwendega abaremo bemwe, musabirwega banu ababanya:sya.

Barina ribando abataka mu mwoyo, kwo kuba obukama bwa mu rwire ni bwebwe.

Barina ribando abaikanya bo mure:bo, kwo kuba abo baritogwa ba:na ba Nyamuanga.

Barina ribando abasurumbae, kwo kuba abo barisi:ri:sibwa.

Barina ribando banu abanya:sibwa kurwo burenge:resi, kwo kuba obukama bwa mu rwire ni bwebwe.

Barina ribando abe cigongo, kwo kuba abo barifwirwa ecigongo.

Emwe murina ribando barabafumaga no kubanya:sya no kubabeeresya omusango gwone omubi:bi kubwani. Mukonderwe mutembetembe, kwo kuba omuyero gwemwe ni mwafu mu rwire, kwo kuba nikwo banya:syaga abaragi banu babatangatiye emwe.

Barina ribando abafura, kwo kuba abo barirya i:si omwandu.

Emwe muri munyu gwa i:si. ?Nawe omunyu gukakuba, abasuba bagurunge kutiki? Oguba gutace:ire tari kweswa anja no kutajirirwa na ba:nu.

Mbe emwe mubega banu baku:miye rwa Esomwana wa mu rwire kutyo aku:miye.

Nawe emisango jemwe jibega ati, Yee Yee, uri uri. Nawe binu ebikira ebyo ebiso:ka ku mubi:bi.

Mwonguywe kutyo babwiriywe ati, Eri:so eritambana ne ri:so, eri:no eritambana ne ri:no. Nawe anye enibabwira ati, Mutayajanaga no mubi:bi, nawe omu:nu akakubuma oruba rwe buryo umucu:sisyega no rwe bumosi one.

Ukaba eri:so ryao rye buryo ndikuyabya, uri:yemo uryese kura, kwo kuba ni kwa kisi ecungo cao ecimwi cisimagire, kukira omubiri gwao gwone okweswa mu muriro gunyatasima. Ukaba okuboko kwao okwe buryo nikukuyabya, ukutemeko ukwese kura, okuba ni kwa kisi ecungo cao ecimwi cisimagire kukira omubiri gwao gwone okweswa mu muriro gunyatasima.