Amavesi eBhayibheli adumile avela kokuthi Tuk 3

Dlulisela

Inɔ, mëë ci ciek jiath car ɛn ɣöö ɛ mi dëë rɔ lot kɛ mi̱eth, kɛnɛ ɣöö gɔaa nëndɛ, kä di̱t lɔcdɛ kɛ jɛ kɛ ɣöö ɛ mi dëë pɛlran jak kä ro̱ŋ, cuɛ rɔ puɔ̱t dɔw jiaath ɛmɔ kä cuɛ jɛ cam, kä cuɛ gua̱n cieŋdɛ moc bä.

Nɛ̈nɛ jɛ, thɔ̱l ɛ jɛn le̱y mi pɛl kɛ pɛl mi wän wän rɛy le̱e̱yni diaal tin ci Kuoth Nhial ni Kuoth kɛ cak. Cuɛ ciek thi̱ec i̱, “A ci Kuoth yɛ cu jiök i̱, ‘/Cia bi mi̱th rɛy jiɛn kakä diaal?’ ”

Bä kamdun yɛnɛ ciek moc kɛ tɛr, amäni kam ganku kɛnɛ gaatkɛ. Ba wi̱cdu kuɛm ɛ kɛn, kä bi ŋul cio̱kdiɛn kac.”

Kä cuɛ ciek jiök i̱, “Ɣän bä lul lɔaacdu rep päthni ruëtädu. Kä bi dap kɛ dap mi bɛc bɛc mi ŋɛ̈p lɔcdu thi̱n, kä cäŋ tëë nɔ, bi lɔcdu ŋot nikɛ di̱t, kɛ go̱r cɔaadu, kä bɛ ji̱ ruac.”

Bi mi̱ethdu jek ɛ ni mi ci le̱th nhiamdu gi̱th, amäni mi wi̱i̱ wä loc muun, kɛ ɣöö bi̱i̱ raar thi̱n. Ɛ ji̱n tur piɛny, kä bi loc niɛ tuur.”

Kä cuɛ A-dam jiök i̱, “Ba mun bit kɛ kui̱du, kɛ ɣöö ci ruac ciekdu liŋ. Kä ci jiath ëë cä ji̱ luek kɛ jɛ cam. Kɛ ni̱n te̱e̱kädu diaal bi mi̱th muun kɛ cuɔ̱c läätdä mi bum ɛ tet.

Mëë ci Kuoth mɔmɔ liŋ, cuɛ wut cu thi̱ec i̱, “Ɛŋa mi lär jɛ ji̱ ɛn ɣöö thil ji̱ kuum? A ci ku mi̱th jiaath ëë cä ji̱ luek thi̱n?”

Ɛ jɛn cuɛ wut tuɔ̱k raar rɛy kakä E-dɛn. Cuɛ puɔ̱ny mi ce̱tkɛ puɔ̱ny jääkä Kuɔth kɛnɛ mut mi rit rɔ kui̱cni diaal, la̱th kui̱ känyä ca̱ŋ kakä E-dɛn, gaŋkɛ duɔ̱ɔ̱p jiaath teekä.

Cu wut ciöt ciekdɛ cɔl i̱ Iib, kɛ ɣöö ɛ man nɛɛni diaal.