Amavesi eBhayibheli adumile avela kokuthi Эвел 6

Dlulisela

Думу жилиин адми арайиз хубʼин швумал шулу ва Чан кӀваъ дерд зигуру.

РАББИЙИЗ жилиин инсанарин улдугнайивал, дурарин кӀван фикрар ва хиялар гьаммишан писдар вуйивал рябкъюру.

РАББИЙИЗ сар НюгьтӀан кьабулди дайи.

Магьа Нюгьдин тухмикан ихтилат: думу вахтнан инсанарин арайиъ дугъри ва саб нукьсан ктрур сар НюгьтӀан адайи. Нюгьдин уьмур Заанурихъди гъубшну.

Хъа РАББИЙИ гьамци кӀуру: «Узу арайиз гъабхи инсаният жилилан тӀанкь апӀидиза. Узу адмийирра, мал-къарара, нахшрарра, ничхрарра тӀанкь апӀидиза, гьаз гъапиш, дурар арайиз хубʼин швумал вуза».

Инсанар жилиин артухъ шулайи. Хъа бабкан шулайи шубар Заанурин баяриз успагьиди рякъюри гъахьну ва чпиз кьабул гъахьидар хпарди гъадагъури гъахьну. РАББИЙИ кӀуру: «Узу адмийиз туву нефес дугъаъ гьаргандиз хьибдар. Адми аьжалсуз дар, ва дугъан уьмрин вахт варжна къад йистӀан хьибдар». Думу вахтари ва хъасинра жилиин зурба жан хъайи адмийир гъахьнийи, фицики Заанурин баяр инсанарин шубарихъди духьну, бицӀидар гъахьнийи. Гъушу вахтарин кьувватлу касар вуйи дурар машгьур гъахьнийи.

Нюгьди, чаз Заанури амур гъапӀубси, вари апӀуру.

Хъа Заанури Нюгьдиз кӀуру: – Узу жилиин вари чӀивиб терг апӀидиза, фицики дурарин писвалари жил алабцӀна. Гьамус Узу дурар вари тӀанкь апӀидиза ва дурарихъди жилра ккидипидиза.

Хъа уву увуз гакӀвликан гими апӀин. Гимийин айитӀишвра гьадабтӀ, айтӀанра зиъланра къир йив.

Заануриз жил пуч дубхьнайиб гъябкънийи, фицики вари инсанар кьяни рякъюъди гъягъюз хъюгънийи.

Гимийизди, вари гьяйванатарикан жут-жутди хпибна жилиб, увухъди дурарра уьрхбан бадали, аъ.