Amavesi eBhayibheli adumile avela kokuthi JOHAN 15

Dlulisela

Kei grêp hrui chu ka nih, nangni a kâuhai chu in nih, tûkhawm keimaa a um zing a, kei khawm amaa ka um zingna chu, ama chu tamtakin a ra hlak; ka ṭhang naw chun iengkhawm in thaw thei si nawh.

Keimaah um zing ro, kei khawm nangniah um zing ka tih. Kâu chu grêp hruiah a um zing naw chun a khâtin a ra thei naw ang bawkin, nangni khawm keimaah in um zing naw chun ra thei naw ti niu.

Nangni keimaa in um zing a, ka thu nangnia a um zing chun, in dit dit hni ro, in ta dingin thawin um pei a tih.

Nangnîn in mi thlang naw a, keiin ka thlang lem cheu a nih. Fea, ra insuo ding le in ra chu um zing dingin ka ruot cheu a nih, ka hminga Pa kuoma in hni taphawt a pêk theina ding cheuin.

Mihriemin a ruol ta dinga a hringna a pêk nêka hmangaina nasa lem tukhawmin an nei nawh.

Ka zawmpui kâu ra naw taphawt chu a peihâwn hlak; a ra taphawt chu a sukthieng hlak, a ra tam nâwk zuolna dingin.

Hi hi ka thupêk a nih, keiin ka hmangai cheu ang bawkin, nangni inhmangai unla.

Hi hi leiin ka Pa chu chawimawiin a um hlak, tamtaka in ra hin; chuongchun, ka închûktirhai nîng in tih.

“Kei grêp hrui tak tak ka nih, Ka Pa a huon enkawltu a nih.

Mi keimaah a um zing naw chun kâu anga peihâwnin a um a, a vuoi hlak; chun, an inkhâwm a, meiah an pei a, a kâng hlak.

Ka lâwm nangnia a um zingna ding le, in lâwm a kimna dingin hieng thu hi in kuomah ka hril hi.

Nangnîn ka thupêkhai in zâwm chun ka ihmangaiin um zing in tih; keiin ka Pa thupêkhai ka zâwm a, a ihmangaia ka um zing ang bawk hin.

In inhmangai theina dingin hieng thu hi ka pêk cheu a nih.

Nangni khawvêla mi ni unla, khawvêlin amaa mi a hmangai ding bah; khawvêla mi in ni si naw a, khawvêla inthawka ka thlang suok lem cheu leiin, khawvêlin a theida cheu a nih.