Amavesi eBhayibheli adumile avela kokuthi Matiö 13

Dlulisela

"Kɛɛ 'yö‑ mɛ 'bha ‑nu ‑dɩ 'pö ‑a ‑nu ‑bha ‑yö ‑kë ꞊dhɛ ‑mlüga 'dhɛ 'ö ‑pö "sɛ ‑së 'gü bha‑ 'dhö. 'Yö ꞊wa Atanna ‑wʋ ma 'yö 'wo 'dhang bho‑ "dhiʋ̈, 'yö 'wo ꞊trɔɔn ‑kë ‑dhɛ 'yö‑ ‑nu ꞊trɔɔn ‑yö ‑wɔ zian ꞊gban 'ka ꞊dhɛ tapë 'dhɛ 'ö‑ ‑kpaaga do ga ‑yö ‑kë këng do "ɛɛn ‑kaɔng "saɔdo "ɛɛn ‑kaɔng ‑yaaga bha‑ 'dhö.»

'Yö‑ mɛ 'bha ‑nu ‑dɩ 'pö 'wo ‑kë ꞊dhɛ "glɛɛn ‑kpɔɔ 'ö tapë ga ‑yö ‑pö 'gü bha‑ 'dhö. 'Yö ꞊wa Atanna ‑wʋ ma 'wo 'dhang bho‑ "dhiʋ̈, "kɛɛ 'yö 'waa ‑ya yö ‑zë ‑wɔn zuën ‑ta. 'Yö ‑zʋ ‑gɔn "kpʋng ꞊taa ‑wɔn ‑nu 'ka ‑sü waa‑ ꞊naɔ ‑dhɔ ‑nu 'wo‑ ‑nu ‑gɔ 'gü ꞊see, 'yö‑ ‑nu ꞊trɔɔn 'yaa kë Atanna ‑bha.

'Mɛ 'ö Atanna ‑bha ‑gblüdëdhɛ bha‑ ‑dhiang ma 'ö ‑ziö ‑mɛ "tʋ 'gü ‑gɛn 'ka 'ö 'yaa‑ 'gü ma bha kö‑ mɛ ꞊në ꞊dhɛ zian ‑gloo ‑ta ‑dhɛ 'ö ‑mlüga ‑yö ‑pö 'gü bha‑ 'dhö. "Yina yaa ꞊ya nu 'yö Atanna ‑wʋ 'dhɛ 'ö‑ ‑da ‑mɛ zuë" "piʋ̈ bha‑ bho 'mü ꞊dhɛ ‑kɔ do 'ö ‑maa ‑nu 'wo ‑mlüga 'ö ꞊wɛnng zian ‑gloo "piʋ̈ bha‑ ‑bhö 'ka bha‑ 'dhö.

Mɛ 'dhɛ 'ö‑ ‑nu ‑bha ‑yö bhɔ ‑mlüga 'dhɛ 'ö ꞊wɛnng ‑gwë 'saa‑ "dhiʋ̈ bha‑ ‑bha bha wo ꞊në ꞊wa Atanna ‑wʋ ma ‑dhɛ 'ö‑ 'gü, 'yö 'wo to 'mü 'wo ‑wɩ ‑bha "yɩɩ 'ka, "kɛɛ 'waa wo kwaa‑ ‑zü kö‑ yun ‑yö ziö‑ ‑nu 'gü, 'yö 'wɔn "gbɩɩ‑ ꞊ya ‑da ‑nu ‑ta Atanna ‑wʋ 'wo‑ ma bha‑ ‑wɔn 'gü, 'yö 'wo wo ‑kɔ ‑kan "dhiʋ̈.

'Yö go mü 'ö‑ pö: «‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Atanna ‑bha ‑gblüdëdhɛ bha ‑yö ꞊dhɛ ꞊naɔ 'ö ‑bin ‑sü 'ka 'bhlaadhɛ do 'bha 'gü ꞊në‑ 'dhö. 'Mɛ ꞊yaa‑ yö, 'yaa ö "dhi ‑wo ‑ta mɛ 'bha ‑dhɛ, "kɛɛ ‑a ‑dhi ‑dhɛ ‑kɔ yaa bha‑ ‑wɔn 'gü, ‑yö 'dho ꞊në wo 'yö ö ꞊slɔɔpë ꞊gban "pɛpɛ "dhɔɔ dɔ 'yö nu 'yö 'bhlaadhɛ bha‑ dhɔ.»

"Kɛɛ 'yö‑ ga 'bha ‑nu 'wo ‑pö "sɛ ‑së 'gü, 'yö 'wo ‑da ꞊nii 'gü 'yö 'wo dho 'wo ‑wo 'gü, 'yö‑ 'bha ‑nu ga ‑yö ‑kë ö ‑kpaa ‑bha këng do, 'yö‑ ‑kpaa 'bha ‑nu bha ga‑ ‑kë ‑kaɔng "saɔdo, 'yö‑ 'bha ‑nu ‑bha ‑yö ‑kë ‑kaɔng ‑yaaga.»

"Kɛɛ ‑ka ka kwaa‑ ‑nu ‑zü kö ‑wo kpɛa‑ wo "kwëë kö tapë bha‑ "kan "tʋ̈ng ‑yö ꞊loo! ꞊Ya kë ꞊dhɛ ‑a "tʋ̈ng ꞊ya ꞊loo, 'yö 'a‑ pö‑ "kanmɛ ‑nu ‑dhɛ: «‑Ka blëë yaa ‑nu ‑wo ꞊kö kö 'ka‑ ‑nu ‑be kë, kö 'ka‑ ‑nu "gʋ̈! Kö 'ka ‑bhöpë ‑zë 'dhu n ‑gɔ ꞊gbaandhö.»