Amavesi eBhayibheli adumile avela kokuthi MATEO 15

Dlulisela

Fɛɛ etiki nnya laabɔ ketsyi lǝ wǝ kɛnyɛ, aabɔ ketsyi lǝ wǝ utu kǝmiǝ. Nya nyamfo lǝǝtǝ utidi laanansǝ ǝsuǝ lǝ kesumu eto kusu ǝsuǝ nɛ. Itsyise itsyi lǝ wǝ utu kǝmiǝ nya diǝtǝ weeyifo asa bua fe ditidilo, sɛsɔnɔdi nye disenkpo, setsyetɔ, kuyu ku bidiatɛyitɛyi ku betidi eto ayebiasǝbiasǝǝ, laabɔ ketsyi nɛ.

Inni lesa nǝ leedufǝ utidi eto kɛnyɛ laabiasǝ wǝ, bomu etiki nnya laabɔ ketsyi lǝ wǝ kɛnyɛɛ, nnya laabiasǝ wǝ nɛ.”

Onanto átɛyi nkǝ, ‘Betidi bamfo efi mǝ kɛnyɛ eto etiki fufu balɛ mɛ dibu butǝ. Fɛɛ lǝ mǝ utu kǝmiǝǝ, baanla mɛ. Bimba ete beeyifo mɔ keyifo. Itsyise kawunsiǝ eto betidi eto asa ete baate lǝ mɔ ale eto kɛnyɛ.’ ”

Mfó nya Yesu dítǝ wǝ mbuayɛ nkǝ, “Eyifo usio wǝ nkpe bofokanɔ tinti! Lesa nǝ fanlɛ bɔbɛbɛɛ, lǝ ibǝ itǝ fǝ.” Nyaso lǝ lefe nǝmǝ tutuutu wǝ ubisiobi ǝmǝ ǝmuǝ ale.

Mfó nya usio ǝmfo díbǝ óse akonki lǝ wǝ ɔflɔ ɔ́tɛyi wǝ nkǝ, “Mɔ Onamute, wunsǝko mɛ!” Yesu ǝtǝ wǝ mbuayɛ nkǝ, “Yanlɛkɛ bǝ befi bekpefi eto didisa bato bakpe mǝ bakpa.” Usio ǝmǝ ǝtǝ mbuayɛ nkǝ, “Mɔ Onamute, ite nko sitinti. Fɛɛ bakpa bamǝ tsya aafo didisa wɛlɛwɛlɛ nǝ lélo lékpo kasɔ lǝ mǝ onamute eto ɔpunu kalɔ budii.”