Amavesi eBhayibheli adumile avela kokuthi Yõwánĩ 14

Dlulisela

“Gbõ lé má âꞌdô bê ꞌẽꞌá nĩlí vólé ãnî âyélé rî, má âꞌdô tã ạ̃ꞌdı̣́ ámákâ âyéꞌá ãnî pı̣̃pı̣̂sı̣́lı̣́ ꞌá. Má lẽ ãnî drí âꞌdózó cú tã ạ̃ꞌdı̣́ bê ãnî pı̣̃pı̣̂sı̣́lı̣́ ꞌá. Tã ạ̃ꞌdı̣́ má drí ꞌẽꞌá fẽlâ ãnî drí rî âꞌdô lậvũꞌá gạ̃rạ̃ tã ạ̃ꞌdı̣́ gólâ ngá ãngó nõ kâ rî ꞌbá yî drí îcálé fẽlé ãnî drí rî drı̣̃ı̣̂ sĩ. Má lẽé kô ãnî drí âꞌdólé ũrı̣̃ ró gõꞌdá kpá tã ı̣̂sũ ró, õzõ má õtírĩ ãnî âyé rî. Õzõ nĩ õlẽ mâ pı̣̃pı̣̂sı̣́lı̣́ ãlô sĩ rî, nĩ âꞌdó kô tã ı̣̂sũ ró, tãlâ tã gólâ má drí âtálé ãnî drí kĩꞌá nĩ rî, ‘Má âꞌdô ꞌẽꞌá nĩlí vólé ãnî rú sĩ’ rî tãsĩ, tãlâ má âꞌdô âgõꞌá trá ãnî ngálâ. Tí nĩ âꞌdô ꞌbãꞌá ãyĩkõ ró, tãlâ má ꞌê nĩlí ꞌdĩ ámâ átá mbârâkã lâ drí lậvũlı̣́ gạ̃rạ̃ má drı̣̃ı̣̂ sĩ rî ngálâ, gõꞌdá mã ãꞌdô ró bê kpá ãmbá ró óꞌdí gólâ bê.

Ĩtí rî, Yésũ drí gõzó tã-drı̣̃ jãlé Tómã drí kĩ, “Mâ ĩꞌdî lạ́tı̣̂ mbı̣̂ Ôvârí kâ rî âꞌdá ꞌbá lâ ꞌî ãnî drí, gõꞌdá mâ kpá ĩꞌdî lédrẽ-lédrẽ ạ̃dũkũ ãkó rî fẽ ꞌbá lâ ꞌî ãnî drí. Tã îmbá ꞌbá tãndí ãzâ yû ꞌẽ ꞌbá tã mbı̣̂ ámâ átá Ôvârí kâ îmbálé ãnî drí rî, kó cé mâ ĩꞌdî.

Gõꞌdá Yésũ drí kpá zãâ rĩzó úlı̣́ âtálé kĩ, “Nĩ ı̣̂sũ tã kô rõô tã gólâ má drí ꞌẽzó ãnî âyélé nõ ꞌá. Võ lâ ꞌá rî, nĩ ꞌbã lı̣̃fı̣́ Ôvârí drı̣̃ı̣̂, gólâ õrî ró bê zãâ ãnî vó ndrẽlé. Gõꞌdá nĩ gõ ró lı̣̃fı̣́ ꞌbãlé kpá má drı̣̃ı̣̂, mã rî ró kpá bê ãnî vó ndrẽlé.

Gõꞌdá õzõ Líndrí Tãndí ámâ átá kâ õtírĩ ânĩî gólâ ngá lésĩ rĩlí ãní bê ãnî pãlé ámâ võ ꞌá rî, gólâ âꞌdô tã ámákâ ndrĩ îmbáꞌá ãnî drí tãndí ró, ãnî drí gõzó tã má drí îmbálé ãnî drí rî nı̣̃lı̣́ tãndí ró, mbârâkã gólâkâ sĩ, gõꞌdá tã ndrĩ gólĩyî má drí îmbálé trá ãnî drí rî âꞌdô âgáꞌá ãnî drı̣̃ı̣̂.

“Õzõ õjílã ãzâ ãârî gõꞌdá ı̣̃ı̣̂njı̣̃ tã ꞌbãꞌbã ámákâ rî ꞌbá yî trá rî, ꞌdĩî má âꞌdô nı̣̃ꞌá lâ kĩ, õjílã rî ꞌdĩ lẽ má trá pı̣̃pı̣̂sı̣́lı̣́ ãlô sĩ. Gõꞌdá mâ rî gógó âꞌdô kpá õjílã rî gógó ꞌdĩ lẽꞌá, gõꞌdá ámâ átá âꞌdô kpá gólâ rî lẽꞌá. Gõꞌdá má âꞌdô ámâ nyãányâ âꞌdáꞌá kpá õjílã rî gógó ꞌdĩ drí.”

Gõꞌdá õzõ má õcâ trá ûrú ꞌálâ ámâ átá ngálâ rî, má âꞌdô gólâ rî îjíꞌá, tãlâ gólâ õfẽ ró Líndrí Tãndí íyíkâ bê rĩlí ãní bê zãâ gbạ́dú ãnî ậmú ꞌbá ró, gõꞌdá kpá õrî ró bê mbârâkã fẽlé ãnî drí. Líndrí Tãndí Ôvârí kâ ꞌdĩ âꞌdô rĩꞌá ãnî îmbálé tã pạ̃tı̣́ı̣̃ rî sĩ. Gõꞌdá ãnî drí gólâ rî nı̣̃zó ndrĩ, tãlâ Líndrí Tãndí ꞌdĩ âꞌdô rĩꞌá ãní bê mbârâkã sõ ꞌbá ró rĩlí zãâ ãnî ꞌá. Gõꞌdá õjílã ãngó nõ ꞌá gólĩyî âꞌdó ꞌbá kô ámákâ ró rî, âꞌdô ĩyíkâ gólâ rî gãꞌá dó, tãlâ gólĩyî îcá kô gólâ rî ndrẽlé ĩyî lı̣̃fı̣́ sĩ gõꞌdá nı̣̃ı̣́ ĩyî âꞌdô-âꞌdô gólâkâ rî kpá kô.

Má âꞌdô tã ndrĩ ãnî lãjóꞌbá ámákâ rî ꞌbá yî drí îjílí ámâ rú sĩ rî ꞌẽꞌá ãnî drí, tãlâ mâ Ôvârí rî mvá ꞌî, gõꞌdá má lẽ õjílã ũlûyı̣̂ ró gólâ bê. Má âtâ tã pạ̃tı̣́ı̣̃ ró, õzõ ãnî õjílã ámákâ rî ꞌbá yî ĩîjî tã trá má tı̣́ sĩ rî, má âꞌdô ꞌẽꞌá lâ ãnî drí.”

Gõꞌdá nĩngá sĩ, Yésũ drí kpá tã ãzâ âtázó lãjóꞌbá íyíkâ drí kĩ, “Ámâ rû-lẽ-ãzí yî, õzõ nĩ õꞌbã ámâ lôvó trá rî, nĩ âꞌdô tã îmbâ gólâ má drí îmbálé ãnî drí rî ı̣̂njı̣̃ꞌá ꞌẽlé.

Má ꞌê nĩlí võ êdélé ãnî drí ámâ átá Ôvârí ngálâ. Võ rĩrĩ kâ bê rĩꞌá dũû ámâ átá Ôvârí drí ꞌbã ꞌálâ. Tí õró ꞌbãâ ĩtí kô rî, tí má âtá tã lâ ãnî drí ĩtí kô.

Gõꞌdá õzõ má ẽêdê võ ãníkâ trá ndẽlé rî, má drí gõzó âgõlé ãnî drı̣̃lı̣́ nĩzó ĩꞌdí bê lâ võ má drí êdélé ãnî drí nã ꞌálâ, tãlâ mã rî ró bê kpãkã ãlô ãní bê tólâ.

Gõꞌdá lãjóꞌbá ãzâ zı̣̃lı̣́ Tómã rî drí tã îjízó Yésũ tı̣́ kĩ, “Kúmú, mã nı̣̃ı̣́ võ ní drí ꞌẽzó nĩlí ꞌálâ ꞌdĩ kô. Ĩtí rî, mã âꞌdô lạ́tı̣̂ nĩzó võ ꞌdî ꞌá tólâ rî nı̣̃ꞌá ángô tí yã? Ní âꞌdâ lạ́tı̣̂ lâ ãmâ drí kẽ!”