Amavesi eBhayibheli adumile avela kokuthi 1 Johannes 3

Dlulisela

Mure šavora, amaro kamimos trubul te avel čačo, te na avel ferdik vorbi, me buči.

So si o kamimos sičilam katar o Jesus kaj das pesko trajo anda amende. Anda kodo sam vi ame došale te das amaro trajo le phralenge.

Dikhen de baro kamimos sikhadas o Dad amenge: Ame bušovas le Devleske šavora, taj kodo sam. I luma či prindžarel amen, ke či prindžarel les.

Kodo kaj kerel bezex, si katar o Beng. Ke o Beng anda o angluno čajto kerdas bezex. Te ašavel sa so o Beng kerdas o Šav le Devlesko sikhadjilas.

Sako kaj si kerdjilo le Devlestar, či kerel bezex. Ke i seminča kaj šutas o Del ande leste, ašel ande leste. Vo či maj biril te kerel bezex, ke vo si kerdjilo le Devlestar.

Me te si varekon barvalo, taj dikhel pesko phrales and'o čorimos, taj phandavel pesko jilo angla leste, sar šaj avel le Devlesko kamimos ande leste atunči?

Kodo kaj inkrel leski vorba ašel and'o Del, taj o Del ande leste. Taj ke ašel vo ande amende ame žanas, ke vo das amen pesko Duxo.

Pe kado sikhadjol save si le Devleske šavora taj save si le Bengeske šavora: Kodo kaj či trajil vorta taj či kamel peske phrales, na'i katar o Del.

Kadi si i vorba kaj ašundan anglunes: Trubul te kamas jekh avres.

Na čudin tume, phralale, te na kamela tumen i luma.