Amavesi eBhayibheli adumile avela kokuthi Lin 3

Dlulisela

Pedih indre-et ile kei kuti pe kei ti rahyen lakopwi, pe mbrwen ti mandran pe huyen odo yo-on. Iy ipe kihtunon sane posingat, ile pe iy iyehi mbrwen kei se pe iyo-on. Inum pe iy itou se ile tan mbrulun pe mbrulun iyo-on yi.

Lapan Petngendrei ihnan su ka-an ndre sulo-on, odoke mot eri tawene tadan elwe-en lakopwi, iyin pule-e’ su ndre sulo-on. Mot ihndramtan iy pedih ihpah, “Erih? Petngendrei ipe we oruu erndreyo-on mbrwen kei odo lok keti pwi?”

Yu we kuhnan ou pe iy pedih, we erehmbore oruu oruu. Su nedun pe su nedum eri we hompo ke pahun kile pule-e’ su. Su nedun pedih ti we hantatawe palam pe ou we eneti kambrulke’ su.”

Lapan Petngendrei ipe ile tan iy pedih ihpah, “Yu we kuduwe pede-en kile mundrem kidu ou ndriyem, pe ngendre-en mandra-an we kile tadam, kidu ou otou nedum. We elnget ngendre-en, odoke reh tadam we kinto ke ndre tan mbrulum, pe ou we emmin ke ndre pahndran mbrulum.”

Ou we opo marai kile puko-on pe panohyum kihir, iyenon ndre ou ala yi ndre poi ndre ou ehir eriy. Ou ehir odo poi pe we ala yi ndre poi.”

Pe Lapan Petngendrei ipe ile tan Adam ihpa, “Ou ohrung mbrulum pe oyo-on mbrwen kei ndre Yu upwe ou we onyo-on pwi tih. Ile pe Yu we kuhnan poi kihmo-on, pe song we hendrerenge huyen pwi. Ou we ndre opo marai puko-on, pe anam song kenon ou.

Ile pe Lapan Petngendrei ihndremte, “Ou tunom ihpa ndre ou ndrihim kopwi ti ihpa kehe? Si ipahran ile tadam? Ou ti kihne andrani mbrwen kei ndre Yu upwe ou oyo-on kolwii tih.”

Lapan Petngendrei iyes horu odo Iden inum oh pe iduwe su engel hala ndram. Pe Lapan Petngendrei iduwe semel hondrou inehnelem ihpa ndre ndremleh idu sal ise wuron rai odo Iden. Kile pe homou ndramat kindranon kinna mukehe kei odo hasamat pwi ti pwi.

Adam iyuwen rangan mbrulun eri Ewah odo iy we kile tinen ndramat ndre sulo-on.