Amavesi eBhayibheli adumile avela kokuthi Yaolhaq 3

Dlulisela

Yeiqsul gaoq ge nail: “Miqyail miltsaq yaq bhai gaiq-a dee dee nail ngel-i mail, aivq nail Yaqyov teevq gaq teevq-eel ngaol-aoq, bivq lavq-a nail ngaol. Yaqyov bhai neema khal thaq tsaol nail tsaol-aq maq ya cov ail nail nee ovqtavq, nqmaq maqluv halyeel ya doevq nail ngaol.

Khul khi mail dai ngal-aq neq, miltsaq yaq bhai yalkhaq bhi dal nail dai khi, Miqyail aivq nail Yaqyov miltsaq bhai bhi lee-a nail maq ngel-ail. Miltsaq yaq bhai bhi hevq kovq lee-a nail ngaol.

Yeiqsul ge nail: “Ngal naoq bhai mal dil dai, ge lavq bhel. Tsaol-aq teevq gaq iqsanl, nvq pov teevq pov maq doevq phal lal haq neq, Miqyail Milkhaoq bhai maq ya moel-ail” dai, ge bhiq-a nail ngaol.

Aivq bhai neema khal thaq tsaol nail tsaol-aq yalkhaq dal nail bhai maq daq-ail. Neema maq thaq tsaol nail tsaol-aq, Miqyail nail Yaqyov bhai neema maq thaq tsaol nail ngel-i mail, niil aq-il iqsanl yalkhaq dal-ai thaq nail bhai daq thail thaiq nail ngaol.

Yalkhaq dal nail al neq, niail hai ngaol; Miltsaq kovtavq bhai aqbhaq bhaq lee gaq khi ngaol-aoq, tsaol-aq yaq juq haqeiv nail phaq nl nail ngel-i mail, aqbhaq nee maq tsil, aqnav bhai neema tsaq nail ngaol.

Yeiqsul neq, ya eeq ya heel ail nail ngaol. Thail hai ngaol-aoq, ngal neq, ya theq ya nil ail naol” dai, ge bhiq-a nail ngaol.

Haq eiv nail phaq nl nail tsaol-aq neq, aqbhaq bhai maq hel daiq nul nail ngel-i mail, aqyu juq nl nail phaq maq ya dov lal dai, aqbhaq bhaq nail bhai maq lal-ail.

Yaqyov bhai neema thaq tsaol nail gaq neq, nqmaq maqluv halyeel doevq nail phaq ya nail ngaol. Yaqyov nail daoq bhai maq nal daiq nail gaq neq, nqmaq maqluv halyeel doevq nail phaq maq ya-ail. Miqyail neema phail nail phaq aivq nail kovtavq bhai jiav nail ngaol” dai, ge bhiq-a nail ngaol.

Aivq bhai neema khal thaq tsaol nail tsaol-aq, maq ya cov ail nail nee ovqtavq, nqmaq maqluv halyeel ya doevq nail haqbhoil, haqtsoiq haqyal bhai, Maolseiq eellel bhai kha thul-a nail khe-ai, yu tsaol-aq nail Yaqyov bhai ya kha thul naol” dai, Yeiqsul ge bhiq-a nail ngaol.

Aqbhu Miqyail neq, Yaqyov bhai gaiq-a khi, yaoq phaq yaoq-ao nee aivq bhai av bhiq gil-ai thaq nail ngaol.