Amavesi eBhayibheli adumile avela kokuthi ཡོ༌ཧཱ༌ནན༌ 14

Dlulisela

ཞི༌དེ༌, ངའེ༌ ཁྱོ༌ཞའ༌ ཉམ༌པོ༌ བོར༌རད༌, ངའེ༌ ཞི༌དེ༌བོ༌ ཁྱོ༌ཞའ༌ ཏང༌ངད༌, ངའེ༌ ཞི༌དེ༌བོ༌ ཇིག༌རྟེན༌པའེ༌ ཞི༌དེ༌ ཙོགས༌ མན༌། ཁྱོ༌ཞ༌གུན༌ནི༌ སེམས༌ལ༌ ནགས༌ མ༌སྟན༌ ཡང༌ ཇིགས༌ མ༌ཇིགས༌།

ཡེ༌ཤུའི༌ མོལས༌, “ང༌ ནི༌ ལམ༌བོ༌, དེན༌བ༌བོ༌ དང༌ ཚེ༌བོ༌ ཨིན༌, ང༌ ཅིག༌པོ༌ གྱུད༌ཏེ༌ མ༌ནེ༌ སུ༌ཞིག༌གའང༌ ཡབ༌བི༌ སྐུན༌དུན༌ལ༌ མི༌ལེབ༌།

གཙོ༌བོ༌ ཡེ༌ཤུའི༌ ཁོང༌རང༌ངི༌ ལོབ༌ཕྲུགས༌གུན༌ལ༌ མོལས༌, “ཁྱོ༌ཞ༌གུན༌ནི༌ སེམས༌ལ༌ ནགས༌ མ༌སྟན༌། དཀོན༌མཆོག༌གི༌ཀ༌ ཨིད༌ཤེས༌ ཅོས༌ ཡང༌ ངའེ༌ཀའང༌ ཨིད༌ཤེས༌ ཅོས༌།

ཨིན༌ནའང༌ ཡབ༌བི༌ ངའེ༌ ཚབས༌ལ༌ རོགས༌ ཛད༌ཁན༌, ཏམ༌པའེ༌ ཐུག༌ཉིད༌ ཁྱོ༌ཞའ༌ ཀལ༌ལ༌ ཛད༌ཨིན༌། ཁོང༌ངི༌ ཁྱོ༌ཞ༌གུན༌ལ༌ ཅི༌ཚང༌མ༌ ལབ༌བ༌ ཛད༌ཏེ༌ ངའེ༌ ཤད༌ཁན༌ ཚང༌མ༌ ཁྱོ༌ཞ༌གུན༌ལ༌ ཨིད༌ཏུ༌ སྐུལ༌ཨིན༌།

ངའེ༌ བཀའ༌གུན༌ ཉན༌ཏེ༌ སྲུང༌ཁན༌གུན༌ ནི༌ ངའ༌ ཅམས༌པ༌ ཅོ༌ཁན༌གུན༌ ཨིན༌ནོག༌། ངའ༌ ཅེས༌པ༌ ཅོ༌ཁན༌གུན༌ལ༌ ངའེ༌ ཡབ༌བིའང༌ ཅེས༌པ༌ ཅོའ༌ ཛད༌ཨིན༌, ཡང༌ ངེའང༌ ཁོང༌གུན༌ལ༌ ཅམས༌པ༌ ཅོས༌ཏེ༌, ང༌རང༌ ཁོང༌གུན༌ལ༌ སྔོན༌ཅུག༌ཨིན༌།”

ངའེ༌ ཡབ༌བ༌ ཞུ༌ཝ༌ ཕུལ༌ཨིན༌ ཡང༌ ཁོང༌ངི༌ ཁྱོ༌ཞ༌གུན༌ལ༌ ཞན༌ རོགས༌ ཛད༌ཁན༌ཞིག༌ སལ༌ལ༌ ཛད༌ཨིན༌, ཁོང༌ ཏུས༌གྱུན༌ ཁྱོ༌ཞའ༌ ཉམ༌པོ༌ ཞུགས༌ཨིན༌། ཁོང༌ ནི༌ མི༌གུན༌ ཀྲང༌པོའེ༌ ཆོགས༌ལ༌ ཁྲིད༌ཁན༌ ཏམ༌པའེ༌ ཐུག༌ཉིད༌བོ༌ ཨིན༌། ཇིག༌རྟེན༌པ༌གུན༌ནི༌ ཁོང༌ངི༌ ནང༌ང༌ ཏད༌པ༌ མི༌ཅོ༌ ཅིའ༌ཟེར༌ན༌ ཁོང༌གུན༌ནི༌ ཁོང༌ ཐོང༌ང༌ མ༌ནོག༌ ཡང༌ ཤེས༌སའང༌ མ༌ནོག༌། ཨིན༌ནའང༌ ཁྱོ༌ཞའེ༌ ཁོང༌ ཤེས༌ས༌ནོག༌ ཅིའ༌ཟེར༌ན༌ ཁོང༌ ཁྱོ༌ཞའེ༌ ནང༌ང༌ ནས༌ཏེ༌ ཁྱོ༌ཞའ༌ ཉམ༌པོ༌ ཞུགས༌ས༌ནོག༌།

སྲས༌སི༌ ཡབ༌བ༌ སྤལ༌ ཁྱོང༌ཅེས༌སི༌ ཕིའ༌ ཁྱོ༌ཞ༌གུན༌ནི༌ ཅི༌ཞིག༌ ངའེ༌ མིང༌ངི༌ ནང༌ང༌ ཞུ༌ཝ༌ ཕུལ༌ནའང༌ ངའེ༌ ཁྱོ༌ཞའ༌ ཏང༌ཨིན༌། ཁྱོ༌ཞའེ༌ ཅི༌ཞིག༌གི༌ ཕིའ༌ ངའེ༌ མིང༌ངི༌ ནང༌ང༌ ངའ༌ ཞུ༌ཝ༌ ཕུལ༌ནའང༌, ངའེ༌ ཏེ༌བོ༌ ཅོ༌ཨིན༌།”

གཙོ༌བོ༌ ཡེ༌ཤུའི༌ མོལས༌, “ཀལ༌ཏེས༌ ཁྱོ༌ཞའེ༌ ང༌ ཅམས༌པ༌ ཅོའད༌ན༌ ཁྱོ༌ཞའེ༌ ངའེ༌ བཀའ༌ ཏང༌ཁན༌གུན༌ སྲུང༌ཨིན༌

ངའེ༌ ཡབ༌བི༌ ཁང༌པའེ༌ ནང༌ང༌ ནས༌ས༌ མང༌པོ༌ ཡོད༌། ཀལ༌ཏེས༌ མེད༌པིན༌ན༌ ངའེ༌ ཅིའ༌ ཟེར༌ཨིན༌ ང༌ ཁྱོ༌ཞ༌གུན༌ནི༌ ཕིའ༌ ཏེ༌རུ༌ ནས༌ས༌ གྲལ༌གྲིག༌ ཅོའ༌ ཆའད༌།

ཀལ༌ཏེས༌ ང༌ སོང༌ཏེ༌ ནས༌ས༌ གྲལ༌གྲིག༌ ཅོ༌ན༌, ང༌ ལོགས༌ཏེ༌ ཡོངས༌ཏེ༌ ཁྱོ༌ཞ༌གུན༌ ང༌རང༌ ཉམ༌པོ༌ ཁྲིད༌ཏེ༌ ཁྱེར༌ཨིན༌, ཏེ༌ནེ༌ ང༌ ཡོད༌ས༌ ཁྱོ༌ཞ༌གུན༌ནའང༌ དུག༌ཨིན༌།

ཐོ༌མཱས༌སི༌ གཙོ༌བོ༌ ཡེ༌ཤུའ༌ ཟེརས༌, “གཙོ༌བོ༌, ང༌ཞའ༌ ཉེ༌རང༌ ཀ༌རུ༌ སྐྱོད༌ད༌ ཛད༌ཅེས༌པོ༌ གྱུས༌མེད༌, ཏེ༌ནེ༌ ང༌ཞའ༌ ཀ༌ཟུག༌གི༌ ཏེ༌ ལམ༌བོ༌ ཤེས༌ཨིན༌།”