Amavesi eBhayibheli adumile avela kokuthi Wambeela 17

Dlulisela

Abaramu aganna yaaka makumi matanu na mannayi, ni yaaka tanu nennayi (99) NABWIYA ahooneyelaga wa oliye, wiira: <<Miyo gili Mulugu oowodha-wodha; weeddege ni miyo, okalege apama.

Wambeela peeno, ndina naawo kunaakale Abaramu, mbwenye, Abarahamu, vowi ginoodha giirena wi okale baabi a malogo majinji.

Waandana woopanganela waaga onoodha okale ni weevo ni wa anaawo a musogolo, wona waandana woopanganela woohumala. Gineere gikale Mulugu aawo ni Mulugu a anaawo.

<<Mwa miyo, nipangano no waandana gineeriimi ni weevo, onoodha okale baabi a malogo majinji.

Mbwenye Mulugu ahiiraga: <<Naari, mwihiyanaawo Saara onoodha ombalele mwaana-mulobwana, vano weevo onoodha omuthwe ndina naaye Ezaaki. Miyo ginoodha nkaraateyihe waandana waaga ni oliye, vamohi ni anamabaliwelamo aaye, malabo maatene.

Ginoodha guuvahe weevo ni anamabaliwelamo aawo elabo ela yaatene ya oKanani oliiwe wi ekale yaawo mudhidhi waatene. Ebaribari ginoodha gikale Mulugu eewa>>.

Abarahamu ahiworomihedhaga yuuji vati mbwenye ahiteyaga, wiikoha mmurimani mwaaye, wiira: <<Ebaribari mulobwana onoodha abale aganna yaaka zana (100)? Ebaribari Saara onoodha abale, aganna yaaka makumi matanu na mannayi (90)?>>

Mulugu ahiwogaga ni Abarahamu, wiira: <<Vano mwihiyanaawo kaneethaniwege Sarayi, mbwenye Saara.

Ogwaddiwa mwiili wa alobwana eenyu eneere ekale etoonyihedho ya nipangano no waandana waaga ni nyoovo.

Waandana waaga ginakaraateyihe ni Ezaaki, mwaana oyene Saara oneeriiwe ombalele mudhidhi olena yaaka eyo>>.

Ahima eenyu yaakwanaga malabo matanu na maraaru, mwawiinelege aatene ale eli anaalobwana mowaagwadda, ebaliwe vaade vaawo, naari adhaari ooguliwa ni a malogo mamohi. Ale oobaliwa a vaade vaawo, ni adhaareene ooguliwa, yiineliwege. Ela eneere ekale etoonyihedho yoohumala yo waandana waaga mmwiilini mweenyu.