Amavesi eBhayibheli adumile avela kokuthi Lii Lolo dhu Uru Tèka 3

Dlulisela

Aa bhèni ne ladhe na ajꞌu ne beꞌa titu kèna, dènge hua na ele boe kee. Na ngee, “Ladhe jaꞌa kuꞌa hua ajꞌu neꞌe, jaꞌa dꞌèlu-mèu.” Hèia puu nare ka hua ajꞌu èèna, ka naꞌe. Naꞌe nare, nèti hia dhèu èmu na, ka naꞌa kahèi.

Nèti badha aaꞌi-aaꞌi dhu Ama LAMATUA pajꞌajꞌi ètu rai-haha ne, mege ka dhu mèu risi kapodꞌe-kabèli. Ca lodꞌo, mege karèi bhèni na, aku nèngu na, “Tareꞌa, do? Ama Lamatua kai miu baku miꞌa hua aajꞌu aaꞌi-aaꞌi ètu dꞌara oka neꞌe.”

Jaꞌa tao sèna ka, èu loe boe pamusu dènge bhèni ne. Aa ana-èpu miu dua mi sèmi èèna kahèi. Ana-èpu èu, èèna na kadhi hui tèdhu dhèu. Te ngaa ca dhèu nèti ana-èpu bhèni ne, èèna na dhedhe palaho kètu èu.”

Èle èèna ka, Ama Lamatua peka dènge bhèni ne, “Èèna na, Jaꞌa pasusa tabha èu, ropa èu dènge babia; lodꞌo mora iisi, èu asa tabha jꞌèra. Masi ka sèmi èèna, dꞌara èu dꞌèi taruu dhèu èmu èu, aa nèngu ka dhu ator èu.”

Hudꞌi èu èi kabhèsu haa ku, heka rai hia èu ngangaꞌa kèna. Èu hudꞌi sabꞌa bia sèmi èèna ku, toke dꞌai lodꞌo èu madhe. Èu ne, Jaꞌa pajꞌajꞌi nèti rai. De ladhe èu madhe, èu jꞌajꞌi hari rai.”

Ka Ama Lamatua peka dènge mone ne, “Èu madhutu boe lii paredha Jaꞌa, te ngaa èu nanene dhoka lii dhèu èmu èu di, ka èu muꞌa hua ajꞌu dhu Jaꞌa kai èèna. Nèti èèna ka, èu abhu huku kahèi. Aa rai lèke huku kahèi. Nèti deo neꞌe, toke dꞌai èu madhe, hudꞌi èu kabèli rai, heka èu abhu ngangaꞌa kèna. Dènge sabꞌa bia sèmi neꞌe ka, èu heka mamuri kèna.

Ka Lamatua peka na, “Cee ka dhu peka, na èu dhu pake boe mèdha-papake? De tasamia? Tatu èu muꞌa le hua ajꞌu dhu Jaꞌa kai na, sina ma?”

Babège nare si, ka Lamatua paredha ana pajuu Na nèti sorga, dhu dènge èla, ho lasi jꞌaga oka èèna re ca bèka dhimu. Rèngu dènge samala dhu heo haꞌa-haꞌa, dhu seru laꞌe-mai. Lamatua pua si bèdho eele jꞌara laꞌe sa dꞌara, te Nèngu dꞌèi boe dhèu puu rare hua ajꞌu dhu hia ra mamuri taa-taa èèna.

Èle èèna ka, Adam pangare dhèu èmu na ‘Hawa’ (dhu sasoa na ‘dhu mamuri’), te nèngu ka jꞌajꞌi ina nèti dhèu dhu mamuri aaꞌi-aaꞌi.