Amavesi eBhayibheli adumile avela kokuthi Sion 10

Dlulisela

Kate, yakut kunum i siwsiw ilo yakut keko, ‘Yensomi, wanbuma!’, angeko, mali im dulum elote ‘Ilo sak yenuw kano, i kuanoliwka!’, angomi, talakabiliw kate, nem talsi beem mongom e kanekote: Ne siwsiw ilo sunsun finik so bin duyemi kano, ikati bamki fian so, sunsun finik so bin so, kuluko, ken abin kuw teineko, bókoliw te.

Alik alik yu kilele kililoliwka! Nakalem ete siwsiw im yetebin ken kunum nete te. Yetebin kunum ken be akalem siwsiw im ibolow fukuneko, maka im teliw ding dim kabalak e, e memen kesomi, akalem ibolow deng dasomi, siwsiw im abin kuluko, kuanoke te.

Nakalem siwsiw i nakalem weng be kiliko, nakalem bontem kuw neggelewsomeliwi, nakati ilo kilele kal kebi te.

Kal kesomi, ilo sunsun finik so bin duyemii, i diwkuw diwkuw nam sakiw te. Maka kawtiw mak teleko, ki keko, nem teing dim biliw siwsiw bi takas keyemeko, nam yemde uniw te.

Feinka! Nakalem ete wati beem abisom nete te. Nimin kawtiw ite mak abisom kawtem elo uniw tewe, Sunbin-Got e ilo akalem finik so kulomin deiw ka kel mo koyemei, i ka kel kakamokoliw te. Kakamsomi, kut une am tele kebomi, wanin ken wanbomi, bókoliw te.

Feinka! Nakalem ete siwsiw im ken ati kuw yetebin kunum nete te. Aatim e nelo kal kelei, nakal Aatim elo kal kebi te. Beemdiw, ne nakalem siwsiw alik alik ilo kal kelii, ikati nelo kal kebiliw te. Kebiliw kasike, ne nakalem ibolow deng dasomi, siwsiw im abin kuluko, ilo dokoyemomin beem dulum elo kuanoki te.

Feinka! Nem teing dim dunemse Aatim e emisik kamok fian keko, mesesem mesesem eisneng alik alik em afak kuw kasike, maka mak ki keko, ilo Aatim akalem teing dim takas keyemeko, nam yemde uniw te. Yu kilele kililina! Nakalem so, Aatim so, nulum nu makmak kebuluw te.”, yangse kale.

Feinka! Nakalem ete siwsiw im ken ati kuw yetebin kunum nete te. Aatim e nelo kal kelei, nakal Aatim elo kal kebi te. Beemdiw, ne nakalem siwsiw alik alik ilo kal kelii, ikati nelo kal kebiliw te. Kebiliw kasike, ne nakalem ibolow deng dasomi, siwsiw im abin kuluko, ilo dokoyemomin beem dulum elo kuanoki te.

Feinka! Mak kawtiw mak ite keko, nelo neniwi, ne atin kuw kuaninba keloki te. Kate, ne auk so kitil so kebi kasike, nakalem ibolow fukunin be geleweko, kuansomi, iti finik so bin kuluko, baba teinoki te. Aatim akalem ete nelo ‘Kaneloka!’, nangse kasike.”, yangse kale.

Keliw Yesus e iti bokoyemomele: “Yu kilele kililina! Nakalem ete siwsiw wati beem abisom nete te.

Kate, ikalem aluwbamin beem yan kulomin ete kuw ibolow keliw kawtiw i siwsiw biim ibolow fukuninba kekabiliw kasike, i yetebin kawtiw ken bate. Maka im teliw ding dim e, i siwsiw bi koyemeko, sak fon unokoliw te. Nimtew angom? Siwsiw bi mali kawtiw im kasike. Kanelokoliw kasike, kut mian atul nam i teleko, siwsiw mali mak ilo yen wanesomi, mali mak ilo yenggelemiwi, i fonsangineko, sakokoliw te.

Kaem ding dim bakate, Yesus e weng mak so bokoyemomele: “Yu nem fakam weng kale kilele kililoliwka! Siwsiw wati abisom uninba keko, wati nanggal fakabiliw kawtiw i yakut kawtiw keko, yenomin kawtiw kebiliw bakate.