Amavesi eBhayibheli adumile avela kokuthi Mateyu 19

Dlulisela

Yesusini eno neme-neme nimbe kanopalie nimbendo: “Sike yemboma enono manda molo nalo Pulu Yemone manda tendemba. Pulu Yemo yuni ulume pali kapola telemo. Ulu te yuni manda naa temba te molo.” nirimu.

Pulu Yemone aku sipe nirimu kulu ye te ambo te limo kinie kangi telumu mele molembele-na elo altoko talo mele naa molembele, elo yembo telumu mele molembele. Yembo telumu molembele kene Pulu Yemone ambo ye talo ‘Telumu molangili.’ nilimo ambo yeselo yembo tene liku lupe lupe naa mundengi. Aku tengi liemo kapola naa temba.” nirimu.

Yuni anjo topondopa nimbendo: “Pulu Yemone ungu nirimu yunge bokune molemo mele kanoko kambu naa tongiye? Ou pulu pulu, Pulu Yemone melema tepalie, yuni yembo tembando yemo kinie ambomo kinie tepalie nimbendo: “Aku sipu tendumunge ye tene ambo te lipelie yunge anumu lapaselo mundupe siye kolopa yunge ambomo kinie elolo telune tapu toko peko kangi telumu mele ˻molkolo elonga konopu telune pupili˼ molongele.” nirimu kanumu naa piliengiye?

˻“Molo.” niringi kinie˼ kanopalie Yesusini nimbendo: “Pulu Yemo ye nomi kingimu molopa nokolemo yembo talape akumu i ambolangoma mele molemele yemboma enonga yembo talapemo kene enone i ambolangoma na moliona wangi pipi siku “Molo.” naa niee.” nirimu.

Nalo kinié awili molemele yembomanga awisili pe ˻Pulu Yemo ye nomi kingi molopa nokomba koleana˼ yembo koropama molonge; kinié koropa pupili molemele yemboma pe yembo awilime molonge.” ˻nimbe Yesusini nirimu.˼ ˻Yesusini yu lombili andolimendo ungu te pea nimbendo:˼

Yembo na konopu mondoko nanga kongono tendengendo enonga ulkema, angenupili, kemulupili, anupili, lapali, ambolangoma, koleama, akume munduku siye koloringi yemboma pali, ya mana paa olandopa mele awisili likulie, konde molko kondoko mindi puli ulu pulumu lingela.

Yesusini yundu topondopa nimbendo: “Nu ‘kamu ye sumbi nilimu molambo.’ konopu lienu liemo nu puku nunge mele nosilinoma pali kou mone li-pukulie, kou mone linime yembo koropama moke teko sikulie na lombili ou.” nirimu. “Nunge ˻mana˼ melema aku teni kinie mulu koleana nunge mele kande kandema lemba.” nirimu.

Yesusini yundu nimbendo: “Nuni na nambemune ulu peangamondo walsiku pilkinuye? Yembo telu mindi peanga molemo. Nuni ‘konde molopo kondopo mindi puli ulu pulumu limbo.’ konopu lienu liemo ˻Pulu Yemonga˼ ungu mane ˻Mosisini yando nimbe sirimume˼ tenge panjiku teko molani.” nirimu.

Enondo altopo nikiru: Kongi kemele ˻kongi paa awili te nalo˼ kale suru toline suku pumbendo mindili kanga mele sipelie pumbe. Nalo yembo kamakoma Pulu Yemo ye nomi kingi molopa nokolemo koleana suku pungendo mindili paa awili mele siku punge.” nirimu.

nane eno isipu nimbu sikiru: Ye tene yunge ou limo ambomo makoropa “Kamu pu.” nimbelie kelepa ambo te limo kinie aku yemone wa ulu kerinele telemo. Yemonga ambomone ye te kinie wa ulu kerinele temu liemo manda topa makoromba. We molo. (“Pu.” nimbe makorolemo ambomo pe ye tene yu limo kinie kanu yemo kepe wa ulu kerinele telemola.)” nikiru.” nirimu.

˻Aku terimu kulu kanopalie˼ Yesusini yu lombili andolimendo nimbendo: “Pulu Yemo ye nomi kingi molopa nokolemo koleana suku pungendo yembo kamakoma paa mindili siku suku punge.