Amavesi eBhayibheli adumile avela kokuthi Jon 16

Dlulisela

Jo mene ndrasehek tado ta mondrei kudu hawe ado. Kati mondrei doh ta ado kahis hawek. Lau badu kon munyak kameh amekes iri maha-an ma tikisiy ewek tado. Arile ado kabadok! Tasah jo ndratisi boto-on ta kon munyak ndra-au ndrala bahandra katik.”

Arile Malawin Mwasin ta sahou handru eme, iy asehek lakou handru ta nyala Kindrei. Iy kameh in bwena ta leheya aha ala bolo iri lakou handru. Iy winiyan badeu tanan tan amwenen bwe, iy kameh tiye taha ta lakou iy ndranuhun, ma asehek taha ta nyala lakou asahan hamon.

Ndra bwena eme asahan nane dah, ado bandremenya tama ta saba lakou ado aso-ok in ta bwele-e nyarak bwe le. Ado kandremenya, idah kameh ado andrei, ma ndrine ado kameh idih labai ta kandriyen ta sekesek udu le buku doh.

Arile, jo asehek tado handru: Mwasin tado ja badeh, ta jo ki-iu. Tasah, i buku jo ba-au bwe, seben kameh winiyan bame tado bwe. Arile, buku jo iu, idah kameh jo suni iy eme hawe aha. Len iy eme, iy kameh leheya ndra-in tiri lau badu kon munyak eme lewan, i buku iri ndrandra-i ta amekes kandriyen ndra-in, ma ta nyala lakou mwasin, ma nyala len ta sahou ta Kindrei.

Idoh i buku le ado are ta tikisiy na dah, arile jo kameh anyolom ado ja, ma ndrine ado kameh idih ta sekesek. Iri sekesek doh, ari ndramak winiyan bandrei udu ndrine ado ba-au bwe. Buku len doh asahan, ado kameh bandremenya jo ta saba lakou ja bwai. Jo tiye tado handru. Tama kameh edeu tado iri saba lakou ado aso-ok, buku ado ndremenya iy in ta bwele-e nyarak.

Jo asehek tado handru. Aha marakon kameh aden i tinan, ma aha kameh tikisiy tinan labai, arile iri lau badu kon munyak kameh sekesek; ado kameh tikisiy, arile tikisiy tado kameh asahan ili ta sekesek ja.