Amavesi eBhayibheli adumile avela kokuthi METHIU 7

Dlulisela

“Niihruw ipivaata; Jongruw tuwhva nenta; ichumruw ibarangpeeh vaata.

Akhaechuve aaniih vakhae ing phavaata, aajong vakhae inche tuwh-vaata, amanche aachum mee khaenache barangpeeh vaata.

“Achuw yngkheh ing kachong chaap siinaka amanjii mee chuve ising ing rung taklina een amangiir ising mee thohche aanghakna.

“Naningna mee ing tunaka nachii vaangkhe nang ingkho meening nache tura; akhaechuve havi Mosi chonghak vokhehkho Jaephar chong arutho chuva.”

Changvakonchu iringnii phanii lam chuve mambikna vokhehkho ijiinii ruwna, amanche ama lamchu atuwh mee tuumpakna.”

“Varuwhnii lam ymbik nache ruwhruw, akhaechuve imaangnii ting ruwhnii lam chuve manjaka ijiinii laena, amanache ivaruwh mee nempakna.

Nenuw chamahkhang tanuwkho nensiti ae ningna isa peeh pinii chuve nemanghuwsa, chunuw chembe thangbaenna ong nenpa inche aajaehmeh aniihsah mee ningnache isa pining tavaate.”

“Mee taklina vajeer tumahra, amana chembe Thangnang ing nataklina vajeer tumahnii. Nang ing mee taklina vajeer tutaniive, Thang-nang ing nataklinakho ynchimchak ing vajeer tuvaata.

Achuw yngkheh ing kachongchu siinaka amanjiimah mee chuve ipang ing siih taklina een amangiir mee thohche aanghakna.

Ynchii khaena namikna ibuwr omcha ibuwrruchii ing, unae mikna om ibuwr chucha nabuwrva? Amanche namik abuwr brohrae, nauw nanae mikna ibuwrcha ripeeh kachii nachiiva?

“Taangnacha jao peendiir ing ynthong aeka, sungtingcha imi vaang ichii ae, neningna itheng ichummah jaephar mee ae khaena ynriimruw. Nenuw ing entu nong aanla nache manghuwva nenta. Iringbur tanii vomrip aanla vokhehkho iringbur tanii thachang iriihchak muwkhang?

Chunuw vaniive isa thingbur chaap nache isa ynlana, isamah thingbur nache isamah ynlana.

Isa thingbur nache isamah aanla vokhehkho isamah thingbur nache isa aanla ynla chehmah.

Aanla isa ing ynla chehmah thingbur chaapchu ynsaehka mi sungting ynrennah.