Zapoteco de Mixtepec - 1998 Edition (Non-Drama - NT)

<div class="version vid745 iso6393zpm" data-vid="745" data-iso6393="zpm">
   <div class="book bkMAT">
      <div class="chapter ch8" data-usfm="MAT.8">
         <div class="label">8</div><div class="s"><span class="heading">Biac tib mgui ne rlan lepr</span></div><div class="r"><span class="heading">(Mr.&#8239;1:40&#8209;45; Lc.&#8239;5:12&#8209;16)</span></div><div class="p"><span class="content">  </span><span class="verse v1" data-usfm="MAT.8.1"><span class="label">1</span><span class="content">Laa Jes&#250;s ziad-z&#235;&#235;b cho gui win co, miech guizhiu ne na&#7739; zhits me, </span></span><span class="verse v2" data-usfm="MAT.8.2"><span class="label">2</span><span class="content">tibaque brieequia tib mgui ne rlan guiedzdox ne l&#235; lepr, wbig me pquiitsgzhib me lo Jes&#250;s, r&#235;b me:</span></span></div><div class="p"><span class="verse v2" data-usfm="MAT.8.2"><span class="content">&#8213;Tebaa siguiee&#7739; luu gu&#7753;guiac luu naa.</span></span></div><div class="p"><span class="verse v2" data-usfm="MAT.8.2"><span class="content">  </span></span><span class="verse v3" data-usfm="MAT.8.3"><span class="label">3</span><span class="content">Dzigo pxobnia Jes&#250;s guic mgui, r&#235;b Jes&#250;s:</span></span></div><div class="p"><span class="verse v3" data-usfm="MAT.8.3"><span class="content">&#8213;Zu&#7753;guiac naa luu. &#161;Niinagazh laa luu guiaa&#7753;mbe!</span></span></div><div class="p"><span class="verse v3" data-usfm="MAT.8.3"><span class="content">Horcogazha laa gr&#235; guiedz co bnitlo. </span></span><span class="verse v4" data-usfm="MAT.8.4"><span class="label">4</span><span class="content">Dzigo r&#235;bchaa Jes&#250;s lo me:</span></span></div><div class="p"><span class="verse v4" data-usfm="MAT.8.4"><span class="content">&#8213;Bina ga&#7753;le, choot lo gzodiidzd luu go&#7753; zha biac luu; sinque g&#252;ey lo pxoz g&#252;eysa&#7753; gon ne rieguia&#7739; gdeed luu zigne rnabey ley ne psa&#7753; Mois&#233;s, zee&#7753;a ga&#7753; zho ga&#7753;le laa luu biacle.</span></span></div><div class="s"><span class="heading">Biac tib zha ne rquia dziin tib lo me&#7753;guiib</span></div><div class="r"><span class="heading">(Lc.&#8239;7:1&#8209;10)</span></div><div class="p"><span class="verse v4" data-usfm="MAT.8.4"><span class="content">  </span></span><span class="verse v5" data-usfm="MAT.8.5"><span class="label">5</span><span class="content">Loxaque bdzi&#7753; Jes&#250;s guiedz Capernaum, laa tib me&#7753; ne rnabey lo xme&#7753;guiib zha Roma bdzi&#7753;le lo me, rnab me&#7753; co gu&#7753;guiac Jes&#250;s tib zha ne quia xtsii&#7753; me, r&#235;b me:</span></span></div><div class="p"><span class="verse v5" data-usfm="MAT.8.5"><span class="content">  </span></span><span class="verse v6" data-usfm="MAT.8.6"><span class="label">6</span><span class="content">&#8213;Bee&#7753; tib guie&#7739;nzaac bee&#7753;guiac tib zha ne rquia xtsi&#7753; naa, laa zho nix lidz naa ib gacd gria&#7739; zho, mban rac zho yoobdox ne rquia zho.</span></span></div><div class="p"><span class="verse v6" data-usfm="MAT.8.6"><span class="content">  </span></span><span class="verse v7" data-usfm="MAT.8.7"><span class="label">7</span><span class="content">Dzigo r&#235;bchaa Jes&#250;s:</span></span></div><div class="p"><span class="verse v7" data-usfm="MAT.8.7"><span class="content">&#8213;Peet nacda, na s&#235; naa guio ne gu&#7753;guiac naa zho.</span></span></div><div class="p"><span class="verse v7" data-usfm="MAT.8.7"><span class="content">  </span></span><span class="verse v8" data-usfm="MAT.8.8"><span class="label">8</span><span class="content">&#8213;Coo &#8213;r&#235;b me&#7753;guiib co&#8213;, rieguia&#7739;d csodziin naa luu s&#235;&#235; luu haxta lidz naa. Na&#7753;paa naa zrieelo luu nugazh gnabey luu guiac zho. </span></span><span class="verse v9" data-usfm="MAT.8.9"><span class="label">9</span><span class="content">Sac zig nac naa no zha ne rnabey lo naa, ni ron naa mi&#7753;e rnabey zho; scagaa te&#7739; guiep naa tib lo zhaguiib ne rnabey naa: &#8220;G&#252;ey nu&#8221;, rie zho; rnegaa naa: &#8220;D&#235; nu&#8221;, riaad zho; zha ne ru&#7753;gaa dziin lo naaw, mi&#7753;e rnabeytaa naa zho, ru&#7753; zhow. Scaque luu nago&#7753; na&#7753;paa naa zrieelo sca gnabey luu guiac xmoz naa.</span></span></div><div class="p"><span class="verse v9" data-usfm="MAT.8.9"><span class="content">  </span></span><span class="verse v10" data-usfm="MAT.8.10"><span class="label">10</span><span class="content">Zee&#7753;e go&#7753; Jes&#250;s sca rnee me&#7753; co, rley me, r&#235;b me lo gr&#235; zha ne ziena&#7739; zhits me ga:</span></span></div><div class="p"><span class="verse v10" data-usfm="MAT.8.10"><span class="content">&#8213;Lo gr&#235; zha Israel, gard go&#7753; ga&#7753; naa tib zha ne squitaa dib zdoo rnalo Dios. </span></span><span class="verse v11" data-usfm="MAT.8.11"><span class="label">11</span><span class="content">Ni go&#7739;quiaadiaga ga&#7753;le, zdzi&#7753; dze gr&#235;le zha zit ne squi gnalo Dios, zha co ygaa sobnie Abraham, sobnie Isaac ni Jacob zaatne rnabey Dios. </span></span><span class="verse v12" data-usfm="MAT.8.12"><span class="label">12</span><span class="content">Laa gr&#235; zha Israel, niicle nac zho zha ne nac diidz gdzi&#7753; ga, le&#7739; lo ncow n&#235;z ley guiaa&#7753; zho, ga tso zho goonn&#235; zho, haxta gow lay zho lo guie&#7739;n&#235;dox co.</span></span></div><div class="p"><span class="verse v12" data-usfm="MAT.8.12"><span class="content">  </span></span><span class="verse v13" data-usfm="MAT.8.13"><span class="label">13</span><span class="content">Blozh ga r&#235;bchaa me lo me&#7753;guiib co:</span></span></div><div class="p"><span class="verse v13" data-usfm="MAT.8.13"><span class="content">&#8213;Bz&#235; nasca, gocna&#7753; ga&#7753;le zigne bliladzse luu guiac xmoz luu, sca gaca.</span></span></div><div class="p"><span class="verse v13" data-usfm="MAT.8.13"><span class="content">Horcogazha laa moz co biac.</span></span></div><div class="s"><span class="heading">Biac xniadzoop Pedr</span></div><div class="r"><span class="heading">(Mr.&#8239;1:29&#8209;34; Lc.&#8239;4:38&#8209;41)</span></div><div class="p"><span class="verse v13" data-usfm="MAT.8.13"><span class="content">  </span></span><span class="verse v14" data-usfm="MAT.8.14"><span class="label">14</span><span class="content">Laa zee&#7753;e bdzi&#7753; Jes&#250;s lidz Pedr, go&#7753; me laa xniadzoop Pedr nix rlan xl&#235;&#235;. </span></span><span class="verse v15" data-usfm="MAT.8.15"><span class="label">15</span><span class="content">Dzigo bded me zaatne nix zhuz co, zigne bzhe&#7753; me nia zhuz laa xl&#235;&#235; co bl&#235;z. Horcogazh guche zhuz bee&#7753;lo zhuz ncuaa&#7753;e dow zho.</span></span></div><div class="p"><span class="verse v15" data-usfm="MAT.8.15"><span class="content">  </span></span><span class="verse v16" data-usfm="MAT.8.16"><span class="label">16</span><span class="content">Ziedzele dzew, laa ngbidz rz&#235;&#235;blew, zee&#7753;e bdzi&#7753; gr&#235; miech co, nzian gr&#235; zha ne nosacsi me&#7753;dox bdzi&#7753;nie zho lo me. Gr&#235;se zho bee&#7753;guiac me, goctox me lo gr&#235; me&#7753;dox ne nosacsi zho ga, be&#7753;cxoo&#7753; me ma; ni zha ne rlangaa pe stib guie&#7739;guidz, gr&#235;se zho bee&#7753;guiac me. </span></span><span class="verse v17" data-usfm="MAT.8.17"><span class="label">17</span><span class="content">Ga brieequia mi&#7753;e bzeet Is&#225;, me&#7753; ne biadteed xtiidz Dios lo miech padzeela, zee&#7753;e r&#235;b me: &#8220;Gr&#235;se xquie&#7739;n&#235; ne, gr&#235;se guie&#7739;guidz ne rziaac ne, me biw.&#8221;</span></span></div><div class="s"><span class="heading">Zha ne racladz s&#235;&#235;b xn&#235;z Jes&#250;s</span></div><div class="r"><span class="heading">(Mr.&#8239;4:35&#8209;41; Lc.&#8239;8:22&#8209;25; 9:57&#8209;62)</span></div><div class="p"><span class="verse v17" data-usfm="MAT.8.17"><span class="content">  </span></span><span class="verse v18" data-usfm="MAT.8.18"><span class="label">18</span><span class="content">Zee&#7753;e go&#7753; Jes&#250;s scataa ndal miech ne goclo lo me ga, dzigo bnabey me xp&#235;&#235;dscuel me gzhixcuaa zho, sac laa zho no tedquia stib n&#235;z ro nisdoo co. </span></span><span class="verse v19" data-usfm="MAT.8.19"><span class="label">19</span><span class="content">Dzigo wbig tib me&#7753; ne nac maistr ley lo me, r&#235;b maistr co:</span></span></div><div class="p"><span class="verse v19" data-usfm="MAT.8.19"><span class="content">&#8213;Zaatne tsietaa luu go&#7753;, s&#235;na&#7739; naa zhits luu.</span></span></div><div class="p"><span class="verse v19" data-usfm="MAT.8.19"><span class="content">  </span></span><span class="verse v20" data-usfm="MAT.8.20"><span class="label">20</span><span class="content">Dzigo r&#235;bchaa me:</span></span></div><div class="p"><span class="verse v20" data-usfm="MAT.8.20"><span class="content">&#8213;Gocna&#7753;a ga&#7753;le, naa ne nac naa Mgui ne pxee&#7739; Dios, peet rapd naa nu, mazd zig nac gr&#235; m&#235;z, gr&#235; mgui&#7753;, rap ma zhibliee ma, rap ma zhiptsieez ma; per naa per ni zaatne gaguies naa quianied naa.</span></span></div><div class="p"><span class="verse v20" data-usfm="MAT.8.20"><span class="content">  </span></span><span class="verse v21" data-usfm="MAT.8.21"><span class="label">21</span><span class="content">Wbigaque stib zha ne rz&#235;na&#7739;le zhits me, r&#235;b zho:</span></span></div><div class="p"><span class="verse v21" data-usfm="MAT.8.21"><span class="content">&#8213;Ye naa go&#7753; s&#235;na&#7739; naa zhits luu, per bzhiguie&#7739; bneedz diidzbey cu&#235;z naa ga&#7753;gazh naa tsoliu pxoz naa.</span></span></div><div class="p"><span class="verse v21" data-usfm="MAT.8.21"><span class="content">  </span></span><span class="verse v22" data-usfm="MAT.8.22"><span class="label">22</span><span class="content">Pquiab me r&#235;b me:</span></span></div><div class="p"><span class="verse v22" data-usfm="MAT.8.22"><span class="content">&#8213;D&#235;na&#7739; zhits naa. Psaan, nzian gr&#235; zha gut no, tsow tsiequeets zho same&#7753;gut zho.</span></span></div><div class="p"><span class="verse v22" data-usfm="MAT.8.22"><span class="content">  </span></span><span class="verse v23" data-usfm="MAT.8.23"><span class="label">23</span><span class="content">Dzigo laa me bz&#235;&#235;bnie xp&#235;&#235;dscuel me tib le&#7753; barcw, laa zho zie. </span></span><span class="verse v24 v25" data-usfm="MAT.8.24+MAT.8.25"><span class="label">24-25</span><span class="content">Laa zho zie lo nis co, tibaque zee&#7753;e psilo briee tib medox, masaque rlis me lo nis co, laaw psilo rz&#235;&#235;b le&#7753; barcw. Dzigo l&#235;&#235;l&#235;d g&#252;ey zho g&#252;eycuaan zho me, sac l&#235;&#235;taque nixguies me.</span></span></div><div class="p"><span class="verse v24 v25" data-usfm="MAT.8.24+MAT.8.25"><span class="content">&#8213;Ligier ga&#7753;le &#8213;r&#235;b zho&#8213;, blee mcaa&#7739; lo luu. &#161;Bui ga&#7753;le laa ne nitlo lo nis rii, csaand luu guet ne nu!</span></span></div><div class="p"><span class="verse v24 v25" data-usfm="MAT.8.24+MAT.8.25"><span class="content">  </span></span><span class="verse v26" data-usfm="MAT.8.26"><span class="label">26</span><span class="content">Dzigo r&#235;bchaa me lo zho:</span></span></div><div class="p"><span class="verse v26" data-usfm="MAT.8.26"><span class="content">&#8213;&#191;Pe nacne squitaa rdzieb to? &#161;Gardaque dzigo l&#235;&#235; gliladz to cho nac naa!</span></span></div><div class="p"><span class="verse v26" data-usfm="MAT.8.26"><span class="content">Dzigo guche me, bnee me lo me co, bnee me lo nis co cuedzew. Horcogazha bl&#235;z me co, niicle nis cow laaw bredze. </span></span><span class="verse v27" data-usfm="MAT.8.27"><span class="label">27</span><span class="content">Zee&#7753;e go&#7753; zhow, bzee zdoo zho.</span></span></div><div class="p"><span class="verse v27" data-usfm="MAT.8.27"><span class="content">&#8213;Bay chozhe waa nac me&#7753; rii &#8213;rnee zho&#8213;. &#191;Zha nac ne haxta me, haxta nis ron xtiidz me?</span></span></div><div class="s"><span class="heading">Me&#7753; Gadar ne nosacsi me&#7753;dox</span></div><div class="r"><span class="heading">(Mr.&#8239;5:1&#8209;20; Lc.&#8239;8:26&#8209;39)</span></div><div class="p"><span class="verse v27" data-usfm="MAT.8.27"><span class="content">  </span></span><span class="verse v28" data-usfm="MAT.8.28"><span class="label">28</span><span class="content">Laa zho bdzi&#7753;dze stib n&#235;z ro nisdoo co, zaatne nac xtan zha Gadar, zee&#7753;e brieequia chop mgui ne nosacsi me&#7753;dox, bdzi&#7753; lo Jes&#250;s ga. Zha ntseeba, rdzieb miech zho, choot rdete n&#235;z co. Le&#7753; baa briee grop mgui co bdzi&#7753; zho ga, </span></span><span class="verse v29" data-usfm="MAT.8.29"><span class="label">29</span><span class="content">nguiedz roptsie zho rnee zho:</span></span></div><div class="p"><span class="verse v29" data-usfm="MAT.8.29"><span class="content">&#8213;&#161;Peet gu&#7753;d luu no Jes&#250;s, psaan no! Rdziuu&#7753;bey no luu, Xp&#235;&#235;d Dios nac luu. Ne nligaa bee&#7753; guie&#7739;nzaac csacsid luu no niinaga.</span></span></div><div class="p"><span class="verse v29" data-usfm="MAT.8.29"><span class="content">  </span></span><span class="verse v30 v31" data-usfm="MAT.8.30+MAT.8.31"><span class="label">30-31</span><span class="content">Zitlaaque ga ndxie tib dzoon nguts notop lag, dzigo bnab gr&#235; me&#7753;dox co lo Jes&#250;s r&#235;b ma:</span></span></div><div class="p"><span class="verse v30 v31" data-usfm="MAT.8.30+MAT.8.31"><span class="content">&#8213;Te&#7739;ne cuee luu no nu, bzhiguie&#7739; bneedz diidz lose gr&#235; nguts qui gdzii&#7753; no.</span></span></div><div class="p"><span class="verse v30 v31" data-usfm="MAT.8.30+MAT.8.31"><span class="content">  </span></span><span class="verse v32" data-usfm="MAT.8.32"><span class="label">32</span><span class="content">&#8213;Niinaga sca go&#7739;tsie &#8213;r&#235;b me.</span></span></div><div class="p"><span class="verse v32" data-usfm="MAT.8.32"><span class="content">Zigne psaan me&#7753;dox co grop mgui co, g&#252;ey ma bdzi&#7753; ma lo gr&#235; nguts co. Horco psilo gr&#235; nguts co, rquiaa ma corr g&#252;eypix ma tib ro yeedox ne quia ro nisdoo co, bliaa&#7739; ma lo nis, gr&#235;se ma gut.</span></span></div><div class="p"><span class="verse v32" data-usfm="MAT.8.32"><span class="content">  </span></span><span class="verse v33" data-usfm="MAT.8.33"><span class="label">33</span><span class="content">Zha ne quianap gr&#235; nguts co, gzase zho bzhoo&#7753;. G&#252;ey zho lad guiedz g&#252;eyzodiidz zho zha goc gr&#235; nguts co, ni bzodiidz zho zha biac grop mgui ne nosacsi me&#7753;dox ga. </span></span><span class="verse v34" data-usfm="MAT.8.34"><span class="label">34</span><span class="content">Gr&#235;se miech co, briee zho zieso zho. Zee&#7753;e bdzi&#7753; zho go&#7753; zho laa Jes&#250;s zo ga, dzigo bnab zho lo me siguie&#7739; me gbi me xtan zho.</span></span></div>
      </div>
   </div>
</div>

Laa Jesús ziad-zëëb cho gui win co, miech guizhiu ne naḻ zhits me, tibaque brieequia tib mgui ne rlan guiedzdox ne lë lepr, wbig me pquiitsgzhib me lo Jesús, rëb me:
―Tebaa siguieeḻ luu guṉguiac luu naa.
Dzigo pxobnia Jesús guic mgui, rëb Jesús:
―Zuṉguiac naa luu. ¡Niinagazh laa luu guiaaṉmbe!
Horcogazha laa grë guiedz co bnitlo. Dzigo rëbchaa Jesús lo me:
―Bina gaṉle, choot lo gzodiidzd luu goṉ zha biac luu; sinque güey lo pxoz güeysaṉ gon ne rieguiaḻ gdeed luu zigne rnabey ley ne psaṉ Moisés, zeeṉa gaṉ zho gaṉle laa luu biacle.


Loxaque bdziṉ Jesús guiedz Capernaum, laa tib meṉ ne rnabey lo xmeṉguiib zha Roma bdziṉle lo me, rnab meṉ co guṉguiac Jesús tib zha ne quia xtsiiṉ me, rëb me:
―Beeṉ tib guieḻnzaac beeṉguiac tib zha ne rquia xtsiṉ naa, laa zho nix lidz naa ib gacd griaḻ zho, mban rac zho yoobdox ne rquia zho.
Dzigo rëbchaa Jesús:
―Peet nacda, na së naa guio ne guṉguiac naa zho.
―Coo ―rëb meṉguiib co―, rieguiaḻd csodziin naa luu sëë luu haxta lidz naa. Naṉpaa naa zrieelo luu nugazh gnabey luu guiac zho. Sac zig nac naa no zha ne rnabey lo naa, ni ron naa miṉe rnabey zho; scagaa teḻ guiep naa tib lo zhaguiib ne rnabey naa: “Güey nu”, rie zho; rnegaa naa: “Dë nu”, riaad zho; zha ne ruṉgaa dziin lo naaw, miṉe rnabeytaa naa zho, ruṉ zhow. Scaque luu nagoṉ naṉpaa naa zrieelo sca gnabey luu guiac xmoz naa.
Zeeṉe goṉ Jesús sca rnee meṉ co, rley me, rëb me lo grë zha ne zienaḻ zhits me ga:
―Lo grë zha Israel, gard goṉ gaṉ naa tib zha ne squitaa dib zdoo rnalo Dios. Ni goḻquiaadiaga gaṉle, zdziṉ dze grële zha zit ne squi gnalo Dios, zha co ygaa sobnie Abraham, sobnie Isaac ni Jacob zaatne rnabey Dios. Laa grë zha Israel, niicle nac zho zha ne nac diidz gdziṉ ga, leḻ lo ncow nëz ley guiaaṉ zho, ga tso zho goonnë zho, haxta gow lay zho lo guieḻnëdox co.
Blozh ga rëbchaa me lo meṉguiib co:
―Bzë nasca, gocnaṉ gaṉle zigne bliladzse luu guiac xmoz luu, sca gaca.
Horcogazha laa moz co biac.


Laa zeeṉe bdziṉ Jesús lidz Pedr, goṉ me laa xniadzoop Pedr nix rlan xlëë. Dzigo bded me zaatne nix zhuz co, zigne bzheṉ me nia zhuz laa xlëë co blëz. Horcogazh guche zhuz beeṉlo zhuz ncuaaṉe dow zho.
Ziedzele dzew, laa ngbidz rzëëblew, zeeṉe bdziṉ grë miech co, nzian grë zha ne nosacsi meṉdox bdziṉnie zho lo me. Grëse zho beeṉguiac me, goctox me lo grë meṉdox ne nosacsi zho ga, beṉcxooṉ me ma; ni zha ne rlangaa pe stib guieḻguidz, grëse zho beeṉguiac me. Ga brieequia miṉe bzeet Isá, meṉ ne biadteed xtiidz Dios lo miech padzeela, zeeṉe rëb me: “Grëse xquieḻnë ne, grëse guieḻguidz ne rziaac ne, me biw.”


Zeeṉe goṉ Jesús scataa ndal miech ne goclo lo me ga, dzigo bnabey me xpëëdscuel me gzhixcuaa zho, sac laa zho no tedquia stib nëz ro nisdoo co. Dzigo wbig tib meṉ ne nac maistr ley lo me, rëb maistr co:
―Zaatne tsietaa luu goṉ, sënaḻ naa zhits luu.
Dzigo rëbchaa me:
―Gocnaṉa gaṉle, naa ne nac naa Mgui ne pxeeḻ Dios, peet rapd naa nu, mazd zig nac grë mëz, grë mguiṉ, rap ma zhibliee ma, rap ma zhiptsieez ma; per naa per ni zaatne gaguies naa quianied naa.
Wbigaque stib zha ne rzënaḻle zhits me, rëb zho:
―Ye naa goṉ sënaḻ naa zhits luu, per bzhiguieḻ bneedz diidzbey cuëz naa gaṉgazh naa tsoliu pxoz naa.
Pquiab me rëb me:
―Dënaḻ zhits naa. Psaan, nzian grë zha gut no, tsow tsiequeets zho sameṉgut zho.
Dzigo laa me bzëëbnie xpëëdscuel me tib leṉ barcw, laa zho zie. Laa zho zie lo nis co, tibaque zeeṉe psilo briee tib medox, masaque rlis me lo nis co, laaw psilo rzëëb leṉ barcw. Dzigo lëëlëd güey zho güeycuaan zho me, sac lëëtaque nixguies me.
―Ligier gaṉle ―rëb zho―, blee mcaaḻ lo luu. ¡Bui gaṉle laa ne nitlo lo nis rii, csaand luu guet ne nu!
Dzigo rëbchaa me lo zho:
―¿Pe nacne squitaa rdzieb to? ¡Gardaque dzigo lëë gliladz to cho nac naa!
Dzigo guche me, bnee me lo me co, bnee me lo nis co cuedzew. Horcogazha blëz me co, niicle nis cow laaw bredze. Zeeṉe goṉ zhow, bzee zdoo zho.
―Bay chozhe waa nac meṉ rii ―rnee zho―. ¿Zha nac ne haxta me, haxta nis ron xtiidz me?


Laa zho bdziṉdze stib nëz ro nisdoo co, zaatne nac xtan zha Gadar, zeeṉe brieequia chop mgui ne nosacsi meṉdox, bdziṉ lo Jesús ga. Zha ntseeba, rdzieb miech zho, choot rdete nëz co. Leṉ baa briee grop mgui co bdziṉ zho ga, nguiedz roptsie zho rnee zho:
―¡Peet guṉd luu no Jesús, psaan no! Rdziuuṉbey no luu, Xpëëd Dios nac luu. Ne nligaa beeṉ guieḻnzaac csacsid luu no niinaga.
Zitlaaque ga ndxie tib dzoon nguts notop lag, dzigo bnab grë meṉdox co lo Jesús rëb ma:
―Teḻne cuee luu no nu, bzhiguieḻ bneedz diidz lose grë nguts qui gdziiṉ no.
―Niinaga sca goḻtsie ―rëb me.
Zigne psaan meṉdox co grop mgui co, güey ma bdziṉ ma lo grë nguts co. Horco psilo grë nguts co, rquiaa ma corr güeypix ma tib ro yeedox ne quia ro nisdoo co, bliaaḻ ma lo nis, grëse ma gut.
Zha ne quianap grë nguts co, gzase zho bzhooṉ. Güey zho lad guiedz güeyzodiidz zho zha goc grë nguts co, ni bzodiidz zho zha biac grop mgui ne nosacsi meṉdox ga. Grëse miech co, briee zho zieso zho. Zeeṉe bdziṉ zho goṉ zho laa Jesús zo ga, dzigo bnab zho lo me siguieḻ me gbi me xtan zho.

Lalela MATEO 8