Buglere - 2008 Edition (NT)

<div class="version vid671 iso6393sab" data-vid="671" data-iso6393="sab">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s">Nicodemo joge geru trage Jesu ole</div><div class="p"> 1Kwian fariseo ulitaske onbre gdaite kada Nicodemo, onbre e daba israelita chugagwalla gdaite. 2Chui gbaite ngajrege Nicodemo e jo tienda Jesudi gerule Jesu ole, Nicodemo gerudu: Nicodemo geru trage Jesu ole</div><div class="p">&#8212;Kwian tkanga tangle geruge, chage u&#241;ale kaire kwian na tanrege u&#241;ale Chube ba kagu cha ulita tke tangle Chube giti. Diali ba kle lle daga ngwale no dodade kwian gwa giti, e giti suge trate chage ba kle age Chube kiralla giti, Chube me kle ba ole ba me &#241;age age ene ba kle age kare.</div><div class="p"> 3Jesu gerudu Nicodemo ole:</div><div class="p">&#8212;Cha gerule ulia ulia ba ole, kwian me menga nabitaite me &#241;age joge Chube ngwadi, kwian ene me Chubenu.</div><div class="p"> 4Nicodemo geru kadu Jesuge:</div><div class="p">&#8212;&#191;Mine che be menga nabitaite? Che juma me &#241;a mo blite soli menga nabitaite kirogwa kare. &#191;Che juma mine &#241;a jogeni nabitaite chebiad&#237;ge gire menga chebia kote kwaite?</div><div class="p"> 5Jesu jaindunga:</div><div class="p">&#8212;Cha gerule ulia ulia ba ole, kwian ulita menga nge jondege soli chebia kote, menga ene alin allabi giti kwian me Chubenu me &#241;age toi Chube ole, agwa kwian ulita mo ta chugadale ngwadi Chube O&#241;age mo ta blite, ene ama Chubenu, be toi Chube ole, e salengwli kwian menga nabitaite kare. 6Kwian menga chebia kote nge jondege soli che &#241;a gwage kwian soli mine, che &#241;age gwage amadi. Agwa kwian menga nabitaite Chube O&#241;a giti Chube O&#241;a kwian ta blite, edi che me ten mo gwagwa giti. 7Ba me chege ta&#241;achuge mineade cha gerudu ene ba ole: &#8220;Kwian ulita medalenga nabitaite.&#8221; 8Mledi ba me ten, agwa ba jegwalege mle suge, kaire ba mle keruchuge, agwa me u&#241;ale bage mle kle chie nga bainige kle joge nga bainige, mle tiennga ngage ulita baini kaire ta tienkalinnga ama joge. Ene kaire Chube O&#241;a kwian ta gbe menga nabitaite kare, Chube O&#241;a kwian ta blite Chube ole, edi kwian me ten, agwa suge kwiange mo tale kwian ta me nge kare.</div><div class="p"> 9Nicodemo geru kadu dare:</div><div class="p">&#8212;&#191;E &#241;age boi mine ene ba kle gerule kare?</div><div class="p"> 10Jesu gerudu Nicodemo ole:</div><div class="p">&#8212;Ba daba israelita tkanga tangle no geru ulita giti, &#191;mineade geru ai kare cha gerudu giti me suge bage? 11Cha ule kwian geru jwannga chage ulita ole gerule no no Chube O&#241;a kwian ta blite giti, u&#241;ale cha ulitage Chube O&#241;a kwian ta blite ulia, Chube O&#241;a kwian ta blitabadi cha ulita gwagedu, kwian ene kle chage Chube takalin kare, e giti cha ulita kle gerule ba ole kaire ba bitalla ole, agwa ba, ba bitalla me kle cha ulita kerua gai ulia cha ulita kle gerule giti. 12Cha geru &#241;achuge ba alin lle nga dba ai giti ba kle gwagedi gire geru e me suge bage, cha geru &#241;achuge giti ba me cha kerua gai ulia ba mi &#241;age cha kerua gai ulia cha gerule Chube giti ba ole, edi ba me kle gwag&#233;. 13Ni kwian gdaite nga dba ai giti jo nga nga&#241;a giti Chube kle ngwadi gire chiuni nga dba ai giti geru kete kwian ulitage Chube giti, cha alin allabi kledu nga nga&#241;a giti chiu nga dba ai giti gerule kwian ole Chube giti, cha ama Kirolla, ama cha kagu nga dba ai giti kwian kare. 14Unsuialin Mois&#233;s hierro dodadu jorisire, Mois&#233;s gli dagu dbige jorisi o&#241;a e gbangwa nga&#241;a, ene kwian lentigeba jorisige gwage jorisi o&#241;adi nga&#241;a ama joge chke noni. Mois&#233;s agedu jorisi o&#241;a ole kare, ene kwian be age cha ole, kwian be cha gbe kruge nga&#241;a, 15ene kwian ulita bai kaire cha gai ulia be toi no chui tangle diali Chube ole nga nga&#241;a giti. 16Chube no no kwian ulita ole, malen ama mo Kirolla gdaitre alin kagu nga dba ai giti kwian ulita alin, ene kwian ulita bai kaire Chube Kirolla gai ulia mi chege sugekare Chubege ji chuge, be toi no chui tangle diali Chube ole nga nga&#241;a giti. 17Chube me mo Kirolla kagu nga dba ai giti kwian ulita gbe jiske age me no giti gdale, Chube mo Kirolla kagu kwian ulita jwen siere ji chugege kwian age me no gdale. 18Kwian ulita bai kaire Chube Kirolla gai ulia me chege jiske dale age me no giti gdale, agwa kwian ulita bai kaire me Chube Kirolla gai ulia kwian ene chege jiske age me no giti diali, ama me Chube Kirolla gdaitre alin gai ulia Chube Kirollale mo jwanngale siere ji chugege age me no gdale, 19-20kwian ene chege jiske diali age me no gdale. Kwian kle age me no kle age nga jereske kare, Chube Kirolla chku nga dba ai giti jichra kare kwian ene ulitaske, agwa kwian mo ta gbaba age me no diali kwian ene me no jichra ole, me ta jogekalin jichra kle ngwadi, ene ama kle age giti me no me chke u&#241;ale, ama ta chegekalin nga jereske kare age me no diali ama ta agekalin kare. 21Agwa kwian bai kaire kle chage Chube takalin kare, ama no jichra ole, ama joge jichra kle ngwadi, ene ama kle age ulita chke u&#241;ale ama kle age no Chube takalin kare.</div><div class="s">Juan-Bautista gerule no Jesu giti</div><div class="p"> 22Jesu gerudu ene ulita Nicodemo ole gire Jesu jo kwian geru jwannga Jesuge ulita ole nga kweri Judeage, nga Judeage Jesu chegu chui sbali ule kwian geru jwannga ole, nga ege Jesu kwian geru jwannga amage ulita gbu kwian &#241;e chiske gai nga&#241;a chigage Jesu kalla giti. 23Kaire Juan-Bautista kledu kwian &#241;e chiske una na kada En&#243;nge kodi una Salimge, una ege chi tanre kle, kwian ngle jo Juan-Bautista kle ngwadi mo &#241;eange chiske Chube kalla giti. 24Juan-Bautista kledu kwian &#241;e chiske ene, e suiale Juan-Bautista bebi joge skage.</div><div class="p"> 25Chui gbaite kwian geru jwannga Juan-Bautistage ulita kira batu kwian israelita gdaite ole kwian &#241;e chiske giti, kwian geru jwannga Juan-Bautistage gerudu Juan-Bautista giti Juan-Bautista kwian &#241;e chiske kwian chege ma trate, kwian israelita gerudu Jesu giti kwian geru jwannga Jesuge kwian &#241;e chiske kwian chege ma trate. 26Kwian geru jwannga Juan-Bautistage ulita jo gerule Juan-Bautista ole:</div><div class="p">&#8212;Cha tkanga tangle geruge, cha gerule ba ole kwian gdaite giti kledu ba ole chi Jord&#225;nge tanglegu, ama giti ba gerudu no cha ole, ama ngwadi kwian ulita kle joge, ama kle kwian geru jwannga amage ulita gbe kwian &#241;e chiske, nege kwian ulita kle chage ama nate.</div><div class="p"> 27Juan-Bautista gerudu kwian geru jwannga amage ole:</div><div class="p">&#8212;Chube me kle kwian ole kwian me &#241;age age Chube kiralla giti. 28Cha gerudu kwian ole ba gwa giti, ba ulita cha keruchugu gerule trate mau giti cha me Cristo, Chube cha kagu Cristo ngeru kwian ulita ta gbe ama gai ngwange no. 29Nege ama chku, kwian kle chage ule ama ole, e giti nga chege suga no no chadi. E salengwli kwian onbre be mo jwen chuialla gbe, ama be skatemanalla gdaite gbe lle ulita gbe biale mo jwen chuiage alin. Mo jwen chuia chke gire onbre, muire kle ule, ulita kle no. E giti skatemanalladi nga be chege suga no no. Ene kaire nga suga no chadi Cristo chku kwian kle chage ule ama ole. 30Cha takalin Cristo chege ma kweri chage kwian gwa giti, cha chege soli kwian gwa giti. 31Cristo chiu nga nga&#241;a giti Chube kle ngwadi chku nga dba ai giti, ama kwian ulita mau&#241;a. Kwian nga dba ai giti nga dba aimu, ama gerule lle nga dba ai giti alin giti. Cristo chiu nga nga&#241;a giti Chube kle ngwadi, ama kwian ulita mau&#241;a nga ulita mau&#241;a, ama geru nga nga&#241;a giti alin trage kwian ole, 32amage ulita u&#241;ale ama gwagedudi ama keruchugu nga nga&#241;a giti Chube kle ngwadige, ama geru e alin trage kwian ole, kwian bedre alin ama kerua gai ulia ama kle gerule kare. 33Kwian bai kaire mo ta gbe Cristo kerua gai ulia ama gerule kare, kwian ene kle Chube gai ulia kaire. 34Chube mo Kirolla kagu nga dba ai giti, Chube Kirolla kle Chube gerua trage kwian ole, Chube kle mo O&#241;a kage diali Kirolla alin, me kle Kirolla chuge ngwadi ama gerua trage gballa. 35&#209;enua Chube no mo Kirolla ole, ama lle ulita gbu mo Kirolla kote. 36Kwian ulita bai kaire mo ta gbe Chube Kirolla gai ulia mo alin be toi diali chui tangle Chube ole nga nga&#241;a giti, agwa kwian ulita bai kaire me Chube Kirolla gai ulia mo alin, kwian ene be chege sugekare Chubege chui tangle diali, Chube be ji gbe mno kwian ene alin diali &#8212;Juan-Bautista gerudu ene ulita kwian geru jwannga amage ole Jesu giti.</div>
 </div>
 </div>
</div>

Kwian fariseo ulitaske onbre gdaite kada Nicodemo, onbre e daba israelita chugagwalla gdaite. Chui gbaite ngajrege Nicodemo e jo tienda Jesudi gerule Jesu ole, Nicodemo gerudu: Nicodemo geru trage Jesu ole
—Kwian tkanga tangle geruge, chage uñale kaire kwian na tanrege uñale Chube ba kagu cha ulita tke tangle Chube giti. Diali ba kle lle daga ngwale no dodade kwian gwa giti, e giti suge trate chage ba kle age Chube kiralla giti, Chube me kle ba ole ba me ñage age ene ba kle age kare.
Jesu gerudu Nicodemo ole:
—Cha gerule ulia ulia ba ole, kwian me menga nabitaite me ñage joge Chube ngwadi, kwian ene me Chubenu.
Nicodemo geru kadu Jesuge:
—¿Mine che be menga nabitaite? Che juma me ña mo blite soli menga nabitaite kirogwa kare. ¿Che juma mine ña jogeni nabitaite chebiadíge gire menga chebia kote kwaite?
Jesu jaindunga:
—Cha gerule ulia ulia ba ole, kwian ulita menga nge jondege soli chebia kote, menga ene alin allabi giti kwian me Chubenu me ñage toi Chube ole, agwa kwian ulita mo ta chugadale ngwadi Chube Oñage mo ta blite, ene ama Chubenu, be toi Chube ole, e salengwli kwian menga nabitaite kare. Kwian menga chebia kote nge jondege soli che ña gwage kwian soli mine, che ñage gwage amadi. Agwa kwian menga nabitaite Chube Oña giti Chube Oña kwian ta blite, edi che me ten mo gwagwa giti. Ba me chege tañachuge mineade cha gerudu ene ba ole: “Kwian ulita medalenga nabitaite.” Mledi ba me ten, agwa ba jegwalege mle suge, kaire ba mle keruchuge, agwa me uñale bage mle kle chie nga bainige kle joge nga bainige, mle tiennga ngage ulita baini kaire ta tienkalinnga ama joge. Ene kaire Chube Oña kwian ta gbe menga nabitaite kare, Chube Oña kwian ta blite Chube ole, edi kwian me ten, agwa suge kwiange mo tale kwian ta me nge kare.
Nicodemo geru kadu dare:
—¿E ñage boi mine ene ba kle gerule kare?
Jesu gerudu Nicodemo ole:
—Ba daba israelita tkanga tangle no geru ulita giti, ¿mineade geru ai kare cha gerudu giti me suge bage? Cha ule kwian geru jwannga chage ulita ole gerule no no Chube Oña kwian ta blite giti, uñale cha ulitage Chube Oña kwian ta blite ulia, Chube Oña kwian ta blitabadi cha ulita gwagedu, kwian ene kle chage Chube takalin kare, e giti cha ulita kle gerule ba ole kaire ba bitalla ole, agwa ba, ba bitalla me kle cha ulita kerua gai ulia cha ulita kle gerule giti. Cha geru ñachuge ba alin lle nga dba ai giti ba kle gwagedi gire geru e me suge bage, cha geru ñachuge giti ba me cha kerua gai ulia ba mi ñage cha kerua gai ulia cha gerule Chube giti ba ole, edi ba me kle gwagé. Ni kwian gdaite nga dba ai giti jo nga ngaña giti Chube kle ngwadi gire chiuni nga dba ai giti geru kete kwian ulitage Chube giti, cha alin allabi kledu nga ngaña giti chiu nga dba ai giti gerule kwian ole Chube giti, cha ama Kirolla, ama cha kagu nga dba ai giti kwian kare. Unsuialin Moisés hierro dodadu jorisire, Moisés gli dagu dbige jorisi oña e gbangwa ngaña, ene kwian lentigeba jorisige gwage jorisi oñadi ngaña ama joge chke noni. Moisés agedu jorisi oña ole kare, ene kwian be age cha ole, kwian be cha gbe kruge ngaña, ene kwian ulita bai kaire cha gai ulia be toi no chui tangle diali Chube ole nga ngaña giti. Chube no no kwian ulita ole, malen ama mo Kirolla gdaitre alin kagu nga dba ai giti kwian ulita alin, ene kwian ulita bai kaire Chube Kirolla gai ulia mi chege sugekare Chubege ji chuge, be toi no chui tangle diali Chube ole nga ngaña giti. Chube me mo Kirolla kagu nga dba ai giti kwian ulita gbe jiske age me no giti gdale, Chube mo Kirolla kagu kwian ulita jwen siere ji chugege kwian age me no gdale. Kwian ulita bai kaire Chube Kirolla gai ulia me chege jiske dale age me no giti gdale, agwa kwian ulita bai kaire me Chube Kirolla gai ulia kwian ene chege jiske age me no giti diali, ama me Chube Kirolla gdaitre alin gai ulia Chube Kirollale mo jwanngale siere ji chugege age me no gdale, kwian ene chege jiske diali age me no gdale. Kwian kle age me no kle age nga jereske kare, Chube Kirolla chku nga dba ai giti jichra kare kwian ene ulitaske, agwa kwian mo ta gbaba age me no diali kwian ene me no jichra ole, me ta jogekalin jichra kle ngwadi, ene ama kle age giti me no me chke uñale, ama ta chegekalin nga jereske kare age me no diali ama ta agekalin kare. Agwa kwian bai kaire kle chage Chube takalin kare, ama no jichra ole, ama joge jichra kle ngwadi, ene ama kle age ulita chke uñale ama kle age no Chube takalin kare.

Jesu gerudu ene ulita Nicodemo ole gire Jesu jo kwian geru jwannga Jesuge ulita ole nga kweri Judeage, nga Judeage Jesu chegu chui sbali ule kwian geru jwannga ole, nga ege Jesu kwian geru jwannga amage ulita gbu kwian ñe chiske gai ngaña chigage Jesu kalla giti. Kaire Juan-Bautista kledu kwian ñe chiske una na kada Enónge kodi una Salimge, una ege chi tanre kle, kwian ngle jo Juan-Bautista kle ngwadi mo ñeange chiske Chube kalla giti. Juan-Bautista kledu kwian ñe chiske ene, e suiale Juan-Bautista bebi joge skage.
Chui gbaite kwian geru jwannga Juan-Bautistage ulita kira batu kwian israelita gdaite ole kwian ñe chiske giti, kwian geru jwannga Juan-Bautistage gerudu Juan-Bautista giti Juan-Bautista kwian ñe chiske kwian chege ma trate, kwian israelita gerudu Jesu giti kwian geru jwannga Jesuge kwian ñe chiske kwian chege ma trate. Kwian geru jwannga Juan-Bautistage ulita jo gerule Juan-Bautista ole:
—Cha tkanga tangle geruge, cha gerule ba ole kwian gdaite giti kledu ba ole chi Jordánge tanglegu, ama giti ba gerudu no cha ole, ama ngwadi kwian ulita kle joge, ama kle kwian geru jwannga amage ulita gbe kwian ñe chiske, nege kwian ulita kle chage ama nate.
Juan-Bautista gerudu kwian geru jwannga amage ole:
—Chube me kle kwian ole kwian me ñage age Chube kiralla giti. Cha gerudu kwian ole ba gwa giti, ba ulita cha keruchugu gerule trate mau giti cha me Cristo, Chube cha kagu Cristo ngeru kwian ulita ta gbe ama gai ngwange no. Nege ama chku, kwian kle chage ule ama ole, e giti nga chege suga no no chadi. E salengwli kwian onbre be mo jwen chuialla gbe, ama be skatemanalla gdaite gbe lle ulita gbe biale mo jwen chuiage alin. Mo jwen chuia chke gire onbre, muire kle ule, ulita kle no. E giti skatemanalladi nga be chege suga no no. Ene kaire nga suga no chadi Cristo chku kwian kle chage ule ama ole. Cha takalin Cristo chege ma kweri chage kwian gwa giti, cha chege soli kwian gwa giti. Cristo chiu nga ngaña giti Chube kle ngwadi chku nga dba ai giti, ama kwian ulita mauña. Kwian nga dba ai giti nga dba aimu, ama gerule lle nga dba ai giti alin giti. Cristo chiu nga ngaña giti Chube kle ngwadi, ama kwian ulita mauña nga ulita mauña, ama geru nga ngaña giti alin trage kwian ole, amage ulita uñale ama gwagedudi ama keruchugu nga ngaña giti Chube kle ngwadige, ama geru e alin trage kwian ole, kwian bedre alin ama kerua gai ulia ama kle gerule kare. Kwian bai kaire mo ta gbe Cristo kerua gai ulia ama gerule kare, kwian ene kle Chube gai ulia kaire. Chube mo Kirolla kagu nga dba ai giti, Chube Kirolla kle Chube gerua trage kwian ole, Chube kle mo Oña kage diali Kirolla alin, me kle Kirolla chuge ngwadi ama gerua trage gballa. Ñenua Chube no mo Kirolla ole, ama lle ulita gbu mo Kirolla kote. Kwian ulita bai kaire mo ta gbe Chube Kirolla gai ulia mo alin be toi diali chui tangle Chube ole nga ngaña giti, agwa kwian ulita bai kaire me Chube Kirolla gai ulia mo alin, kwian ene be chege sugekare Chubege chui tangle diali, Chube be ji gbe mno kwian ene alin diali —Juan-Bautista gerudu ene ulita kwian geru jwannga amage ole Jesu giti.

Lalela Juan 3