<div class="version vid607 iso6393tso" data-vid="607" data-iso6393="tso">
 <div class="book bkGEN">
 <div class="chapter ch13" data-usfm="GEN.13">
 <div class="label">13</div><div class="s1">Ta Abrama loko a vuyela eKanana, a hambana na Lota.</div><div class="p"> 1Kutani Abrama a suka eEgipta, a tlhelela etlhelo ra dzonga, a ri ni nsati ni hinkwaswo swa yena, na Lota a a ri na yena. 2Abrama a a fuwe ngopfu swifuwo, ni mali yo basa, ni ya nsuku. 3Kutani a famba mimpfhuka, a suka edzongeni a fika eBetele, laha ntsonga wa yena i ngi wu dzimiwile kona eku sunguleni, exikarhi ka Betele na Ayi, 4laha ngi ku ri ni gandzelo leri a ri akeke kona eku sunguleni, kutani Abrama a khongela kona vito ra Yehovha.</div><div class="p"> 5Lota na yena, loyi a fambaka na Abrama, a a fuwe swifuwo leswitsongo ni leswikulu, ni mitsonga. 6Kambe tiko a ri nga ringananga leswaku va tshama swin'we. 7Kutani ku humelela mholovo exikarhi ka varisi va mitlhambi ya Abrama ni varisi va mitlhambi ya Lota (kasi Vakanana ni Vaperesi a va ri vaaki va tiko enkarhini wolowo).</div><div class="p"> 8Kutani Abrama a byela Lota, a ku: &#8220;Ku nga tshuki ku humelela dzolonga exikarhi ka mina na wena, ni le xikarhi ka varisi va mina ni varisi va wena, hikuva hi vana va tata un'we. 9Xana tiko hinkwaro a ri kona emahlweni ka wena xana? Hambana na mina, ndza ku khongela. Loko u teka ra ximatsi, ndzi ta ya exineneni; loko u ya exineneni, ndzi ta ya eximatsini.&#8221;</div><div class="p"> 10Kavaloko Lota a tlakusa mahlo, a vona tiko hinkwaro ra Yordani ku fika le Sowara, ri cheletiwa hinkwaro (Yehovha a nga si lovisa Sodoma na Gomora), ri fana ni ntanga wa Yehovha, ni misava ya Egipta. 11Lota a tihlawulela tiko hinkwaro ra Yordani; Lota a tifambela tlhelo ra vuxa; va avene kwalaho. 12Abrama a tshama etikweni ra Kanana kambe Lota a tshama emitini ya le rivaleni, a dzime mitsonga ya yena ku fika le Sodoma. 13Kasi vanhu va Sodoma a va bihile ngopfu, va ri vadyohi lavakulu emahlweni ka Yehovha.</div><div class="p"> 14Kutani Yehovha a byela Abrama, loko Lota a hambene na yena, a ku: &#8220;Tlakusa mahlo u languta ku sukela laha u nga kona, tlhelo ra en'walungwini, ni le dzongeni, ni le vuxeni, ni le vupeladyambu; 15hikuva tiko leri u ri vonaka, ndzi ta ri nyika wena ni vatukulu va wena hilaha ku nga heriki. 16Ndzi ta andzisa vatukulu va wena va fana ni ntshuri wa misava; hileswaku loko munhu a nga hlaya ntshuri wa misava, na vona va ta hlayiwa. 17Suka u fambafamba etikweni leri, eku leheni ka rona, ni le ku anameni ka rona, hikuva ndzi ta ku nyika rona.&#8221; 18Kavaloko Abrama a andlamuka a ya tshama emikuhlwini ya Mamre, lowu nga Hebroni, kutani kona a akela Yehovha gandzelo.</div>
 </div>
 </div>
</div>

Kutani Abrama a suka eEgipta, a tlhelela etlhelo ra dzonga, a ri ni nsati ni hinkwaswo swa yena, na Lota a a ri na yena. Abrama a a fuwe ngopfu swifuwo, ni mali yo basa, ni ya nsuku. Kutani a famba mimpfhuka, a suka edzongeni a fika eBetele, laha ntsonga wa yena i ngi wu dzimiwile kona eku sunguleni, exikarhi ka Betele na Ayi, laha ngi ku ri ni gandzelo leri a ri akeke kona eku sunguleni, kutani Abrama a khongela kona vito ra Yehovha.
Lota na yena, loyi a fambaka na Abrama, a a fuwe swifuwo leswitsongo ni leswikulu, ni mitsonga. Kambe tiko a ri nga ringananga leswaku va tshama swin'we. Kutani ku humelela mholovo exikarhi ka varisi va mitlhambi ya Abrama ni varisi va mitlhambi ya Lota (kasi Vakanana ni Vaperesi a va ri vaaki va tiko enkarhini wolowo).
Kutani Abrama a byela Lota, a ku: “Ku nga tshuki ku humelela dzolonga exikarhi ka mina na wena, ni le xikarhi ka varisi va mina ni varisi va wena, hikuva hi vana va tata un'we. Xana tiko hinkwaro a ri kona emahlweni ka wena xana? Hambana na mina, ndza ku khongela. Loko u teka ra ximatsi, ndzi ta ya exineneni; loko u ya exineneni, ndzi ta ya eximatsini.”
Kavaloko Lota a tlakusa mahlo, a vona tiko hinkwaro ra Yordani ku fika le Sowara, ri cheletiwa hinkwaro (Yehovha a nga si lovisa Sodoma na Gomora), ri fana ni ntanga wa Yehovha, ni misava ya Egipta. Lota a tihlawulela tiko hinkwaro ra Yordani; Lota a tifambela tlhelo ra vuxa; va avene kwalaho. Abrama a tshama etikweni ra Kanana kambe Lota a tshama emitini ya le rivaleni, a dzime mitsonga ya yena ku fika le Sodoma. Kasi vanhu va Sodoma a va bihile ngopfu, va ri vadyohi lavakulu emahlweni ka Yehovha.
Kutani Yehovha a byela Abrama, loko Lota a hambene na yena, a ku: “Tlakusa mahlo u languta ku sukela laha u nga kona, tlhelo ra en'walungwini, ni le dzongeni, ni le vuxeni, ni le vupeladyambu; hikuva tiko leri u ri vonaka, ndzi ta ri nyika wena ni vatukulu va wena hilaha ku nga heriki. Ndzi ta andzisa vatukulu va wena va fana ni ntshuri wa misava; hileswaku loko munhu a nga hlaya ntshuri wa misava, na vona va ta hlayiwa. Suka u fambafamba etikweni leri, eku leheni ka rona, ni le ku anameni ka rona, hikuva ndzi ta ku nyika rona.” Kavaloko Abrama a andlamuka a ya tshama emikuhlwini ya Mamre, lowu nga Hebroni, kutani kona a akela Yehovha gandzelo.

Lalela GENESA 13