<div class="version vid552 iso6393leh" data-vid="552" data-iso6393="leh">
    <div class="book bkGEN">
        <div class="chapter ch3" data-usfm="GEN.3">
            <div class="label">3</div><div class="s"><span class="heading">Kubisha kwa muntu</span></div><div class="p"><span class="content">  </span><span class="verse v1" data-usfm="GEN.3.1"><span class="label">1</span><span class="content">  </span><span class="note x"><span class="label">#</span><span class=" body">    
        Ciyu 12:9; 20:2  </span></span><span class="content">Ono nsoka yakalinga kucenjete kwiinda banyama boonse bamuluundu abo Mwaami Lesa mbwaakalenga. Nsoka yakeepusha mwanakashi ayi, &#8220;Sa ncakwiila Lesa wakamukasha kulya shisepo sha cisamu cili coonse mumuunda muno?&#8221;</span></span></div><div class="p"><span class="verse v1" data-usfm="GEN.3.1"><span class="content">  </span></span><span class="verse v2" data-usfm="GEN.3.2"><span class="label">2</span><span class="content">Mwanakashi wakakumbula ayi, &#8220;Inga twalya shisepo sha cisamu cili coonse mumuunda, </span></span><span class="verse v3" data-usfm="GEN.3.3"><span class="label">3</span><span class="content">sombi kukushakobo cisamu cili pakati ka muunda. Lesa wakatukasha kulyaako shisepo nabibo kucataako. Na twacita boobo, tulaakufwa.&#8221;</span></span></div><div class="p"><span class="verse v3" data-usfm="GEN.3.3"><span class="content">  </span></span><span class="verse v4" data-usfm="GEN.3.4"><span class="label">4</span><span class="content">Lyalo nsoka yakakumbula ayi, &#8220;Tabushi mbocibete ubo, teshi mukafweewo sobwe! </span></span><span class="verse v5" data-usfm="GEN.3.5"><span class="label">5</span><span class="content">Lesa ulishi kwaamba ayi na mwalyaako, meenso anu inga acaluka, alimwi ayi inga mwaba mbuli nguwe mukwishiba shibotu ashibiibi.&#8221;</span></span></div><div class="p"><span class="verse v5" data-usfm="GEN.3.5"><span class="content">  </span></span><span class="verse v6" data-usfm="GEN.3.6"><span class="label">6</span><span class="content">Mwanakashi ndyaakabona cisamu ico mbocakalinga kuboneka kabotu, ashisepo mboshakalinga kuboneka kubota kulya, alimwi ndyaakayeeya ayi inga wacana busongo mukushilya, wakayapaako akulya. Mpeeke wakayapa shimwi akupaako ibaye, alakwe wakalya. </span></span><span class="verse v7" data-usfm="GEN.3.7"><span class="label">7</span><span class="content">Ingayi bamanebo kulya, meenso abo akacaluka akubona ayi bali matakosha. Aboobo bakatunga matewu a mukuyu kwaamba ayi bafweke mibili yabo.</span></span></div><div class="p"><span class="verse v7" data-usfm="GEN.3.7"><span class="content">  </span></span><span class="verse v8" data-usfm="GEN.3.8"><span class="label">8</span><span class="content">Bushiku bweenka ubo, macolesha, bakanyumfwa Mwaami Lesa kaaendeenda mumuunda, mpeeke bakamuyuba pakati ka shisamu. </span></span><span class="verse v9" data-usfm="GEN.3.9"><span class="label">9</span><span class="content">Sombi Mwaami Lesa wakeeta Adamu ayi, &#8220;Uli kuli?&#8221; </span></span><span class="verse v10" data-usfm="GEN.3.10"><span class="label">10</span><span class="content">Alakwe wakakumbula ayi, &#8220;Ndamunyumfwa kamweendeenda mumuunda. Ono ndaloonda akuyuba ceebo ndimatakosha.&#8221;</span></span></div><div class="p"><span class="verse v10" data-usfm="GEN.3.10"><span class="content">  </span></span><span class="verse v11" data-usfm="GEN.3.11"><span class="label">11</span><span class="content">Lesa wakeepusha ayi, &#8220;Ngani wakulwiita ayi uli matakosha? Sa walya shisepo nshindakamukasha kulya?&#8221;</span></span></div><div class="p"><span class="verse v11" data-usfm="GEN.3.11"><span class="content">  </span></span><span class="verse v12" data-usfm="GEN.3.12"><span class="label">12</span><span class="content">Musankwa wakakumbula ayi, &#8220;Mwanakashi ngomwakambikaakwe muno wampa cisepo, anebo ndalya.&#8221; </span></span><span class="verse v13" data-usfm="GEN.3.13"><span class="label">13</span><span class="content">Mwaami Lesa wakeepusha mwanakashi ayi, &#8220;Ino wacitilanshi bobulya?&#8221; Alakwe wakakumbula ayi, &#8220;Ninsoka yambeca, lyalo ndalya.&#8221;</span><span class="note x"><span class="label">#</span><span class=" body">2 Koli 11:3; 1 Timo 2:14</span></span></span></div><div class="s"><span class="heading">Lesa mbwaakabapa mulandu</span></div><div class="p"><span class="verse v13" data-usfm="GEN.3.13"><span class="content">  </span></span><span class="verse v14" data-usfm="GEN.3.14"><span class="label">14</span><span class="content">Lyalo Mwaami Lesa wakaambila nsoka ayi,</span></span></div><div class="q"><span class="verse v14" data-usfm="GEN.3.14"><span class="content">&#8220;Ntookushingana paceeci ncewacita.</span></span></div><div class="q"><span class="verse v14" data-usfm="GEN.3.14"><span class="content">Pakati ka banyama boonse,</span></span></div><div class="q"><span class="verse v14" data-usfm="GEN.3.14"><span class="content">lishingo ili lilisukemebo ndiwe weenka.</span></span></div><div class="q"><span class="verse v14" data-usfm="GEN.3.14"><span class="content">Kuswa sunu unanokweendelabo kulifumo,</span></span></div><div class="q"><span class="verse v14" data-usfm="GEN.3.14"><span class="content">alimwi ulyeelete kulya bulongo</span></span></div><div class="q"><span class="verse v14" data-usfm="GEN.3.14"><span class="content">mubuumi bwako boonsebo.</span></span></div><div class="q"><span class="verse v14" data-usfm="GEN.3.14"><span class="content">  </span></span><span class="verse v15" data-usfm="GEN.3.15"><span class="label">15</span><span class="content">Ono ntoolengesha webo amwanakashi kupatana.</span></span></div><div class="q"><span class="verse v15" data-usfm="GEN.3.15"><span class="content">Lunyungu lwako alwa mwanakashi bananoolibo balwani lyoonse.</span></span></div><div class="q"><span class="verse v15" data-usfm="GEN.3.15"><span class="content">Lakwe ulaakukulyata kumutwi</span></span></div><div class="q"><span class="verse v15" data-usfm="GEN.3.15"><span class="content">awebo ulaakumuluma kukashindi.&#8221;</span><span class="note x"><span class="label">#</span><span class=" body">Ciyu 12:17</span></span></span></div><div class="b"></div><div class="q"><span class="verse v15" data-usfm="GEN.3.15"><span class="content">  </span></span><span class="verse v16" data-usfm="GEN.3.16"><span class="label">16</span><span class="content">Mpeeke wakaambila mwanakashi ayi,</span></span></div><div class="q"><span class="verse v16" data-usfm="GEN.3.16"><span class="content">&#8220;Ndaakulengesha ayi paciindi wakunooba pakati</span></span></div><div class="q"><span class="verse v16" data-usfm="GEN.3.16"><span class="content">mapensho ako akafuule.</span></span></div><div class="q"><span class="verse v16" data-usfm="GEN.3.16"><span class="content">Ulaakunoonyumfwa kucisa abuumbi pakutumbuka.</span></span></div><div class="q"><span class="verse v16" data-usfm="GEN.3.16"><span class="content">Nacibi boobo unanoosunibo ibayo</span></span></div><div class="q"><span class="verse v16" data-usfm="GEN.3.16"><span class="content">alimwi ngweshi anookweendelesha.&#8221;</span></span></div><div class="p"><span class="verse v16" data-usfm="GEN.3.16"><span class="content">  </span></span><span class="verse v17" data-usfm="GEN.3.17"><span class="label">17</span><span class="content">Lyalo wakaambila Adamu ayi,</span></span></div><div class="q"><span class="verse v17" data-usfm="GEN.3.17"><span class="content">&#8220;Wakakutika mukaako</span></span></div><div class="q"><span class="verse v17" data-usfm="GEN.3.17"><span class="content">akulya cisepo ca cisamu ncendakamukasha.</span></span></div><div class="q"><span class="verse v17" data-usfm="GEN.3.17"><span class="content">Paceebo ceeci bulongo butooshinganishikwa.</span></span></div><div class="q"><span class="verse v17" data-usfm="GEN.3.17"><span class="content">Aboobo mubuumi bwako boonse ulaakunoosebensa cankusu,</span></span></div><div class="q"><span class="verse v17" data-usfm="GEN.3.17"><span class="content">kwaamba ayi bukukushile shakulya nshooelete.</span></span></div><div class="q"><span class="verse v17" data-usfm="GEN.3.17"><span class="content">  </span></span><span class="verse v18" data-usfm="GEN.3.18"><span class="label">18</span><span class="content">Alimwi mubulongo mulaakunoomena nsaku amyuumfwa.</span></span></div><div class="q"><span class="verse v18" data-usfm="GEN.3.18"><span class="content">Webo ulaakunoolya shisepo sha muluundu.</span><span class="note x"><span class="label">#</span><span class=" body">Ebulu 6:8</span></span></span></div><div class="q"><span class="verse v18" data-usfm="GEN.3.18"><span class="content">  </span></span><span class="verse v19" data-usfm="GEN.3.19"><span class="label">19</span><span class="content">Ulaakunoosebensa cankusu akuyuwa</span></span></div><div class="q"><span class="verse v19" data-usfm="GEN.3.19"><span class="content">kwaamba ayi muswe shakulya mubulongo,</span></span></div><div class="q"><span class="verse v19" data-usfm="GEN.3.19"><span class="content">kushikila ukaboolele kubulongo nkowakaswita.</span></span></div><div class="q"><span class="verse v19" data-usfm="GEN.3.19"><span class="content">Mukwiinga wakalengwa kuswa kubulongo,</span></span></div><div class="q"><span class="verse v19" data-usfm="GEN.3.19"><span class="content">alimwi ulaakuboolela kubulongo.&#8221;</span></span></div><div class="p"><span class="verse v19" data-usfm="GEN.3.19"><span class="content">  </span></span><span class="verse v20" data-usfm="GEN.3.20"><span class="label">20</span><span class="content">Mpeeke Adamu wakatumba liina mukaakwe ayi &#8220;Efa&#8221;, ceebo ngomushali mwanakashi wa bantu boonse. </span></span><span class="verse v21" data-usfm="GEN.3.21"><span class="label">21</span><span class="content">Kuswawaawo Mwaami Lesa wakapangila Adamu amukaakwe shakufwala kuswa kushipaya sha banyama, akubafwalika.</span></span></div><div class="s"><span class="heading">Adamu aEfa mbobakatandwa mumuunda ulya</span></div><div class="p"><span class="verse v21" data-usfm="GEN.3.21"><span class="content">  </span></span><span class="verse v22" data-usfm="GEN.3.22"><span class="label">22</span><span class="content">Lyalo Mwaami Lesa wakaamba ayi, &#8220;Ono muntu waba bweenka mbuli ndiswe, washiba bubotu abubi. Teelete kusuminishikwa kuyapa akulya cisepo ciswa kucisamu cipa buumi, kwaamba ayi anoolibo muumi lyoonse.&#8221;</span><span class="note x"><span class="label">#</span><span class=" body">Ciyu 22:14</span></span><span class="content">  </span></span><span class="verse v23" data-usfm="GEN.3.23"><span class="label">23</span><span class="content">Aboobo Mwaami Lesa wakamukusha mumuunda wa Edeni akumulengesha ayi anoolima bulongo uko kweenka nkwaakaswita. </span></span><span class="verse v24" data-usfm="GEN.3.24"><span class="label">24</span><span class="content">Mpeeke kwicwe lya muunda wakabikaako shilengwalengwa shuumi shiitwa ayi bakelebu amupeeni wakalinga kunyaka mulilo, kwaamba ayi kubule ushika pafwaafwi acisamu cipa buumi.</span></span></div>
        </div>
    </div>
</div>

Lenje Bible with Deuterocanon © Bible Society of Zambia, 2003.

Ono nsoka yakalinga kucenjete kwiinda banyama boonse bamuluundu abo Mwaami Lesa mbwaakalenga. Nsoka yakeepusha mwanakashi ayi, “Sa ncakwiila Lesa wakamukasha kulya shisepo sha cisamu cili coonse mumuunda muno?”
Mwanakashi wakakumbula ayi, “Inga twalya shisepo sha cisamu cili coonse mumuunda, sombi kukushakobo cisamu cili pakati ka muunda. Lesa wakatukasha kulyaako shisepo nabibo kucataako. Na twacita boobo, tulaakufwa.”
Lyalo nsoka yakakumbula ayi, “Tabushi mbocibete ubo, teshi mukafweewo sobwe! Lesa ulishi kwaamba ayi na mwalyaako, meenso anu inga acaluka, alimwi ayi inga mwaba mbuli nguwe mukwishiba shibotu ashibiibi.”
Mwanakashi ndyaakabona cisamu ico mbocakalinga kuboneka kabotu, ashisepo mboshakalinga kuboneka kubota kulya, alimwi ndyaakayeeya ayi inga wacana busongo mukushilya, wakayapaako akulya. Mpeeke wakayapa shimwi akupaako ibaye, alakwe wakalya. Ingayi bamanebo kulya, meenso abo akacaluka akubona ayi bali matakosha. Aboobo bakatunga matewu a mukuyu kwaamba ayi bafweke mibili yabo.
Bushiku bweenka ubo, macolesha, bakanyumfwa Mwaami Lesa kaaendeenda mumuunda, mpeeke bakamuyuba pakati ka shisamu. Sombi Mwaami Lesa wakeeta Adamu ayi, “Uli kuli?” Alakwe wakakumbula ayi, “Ndamunyumfwa kamweendeenda mumuunda. Ono ndaloonda akuyuba ceebo ndimatakosha.”
Lesa wakeepusha ayi, “Ngani wakulwiita ayi uli matakosha? Sa walya shisepo nshindakamukasha kulya?”
Musankwa wakakumbula ayi, “Mwanakashi ngomwakambikaakwe muno wampa cisepo, anebo ndalya.” Mwaami Lesa wakeepusha mwanakashi ayi, “Ino wacitilanshi bobulya?” Alakwe wakakumbula ayi, “Ninsoka yambeca, lyalo ndalya.”

Lyalo Mwaami Lesa wakaambila nsoka ayi,
“Ntookushingana paceeci ncewacita.
Pakati ka banyama boonse,
lishingo ili lilisukemebo ndiwe weenka.
Kuswa sunu unanokweendelabo kulifumo,
alimwi ulyeelete kulya bulongo
mubuumi bwako boonsebo.
Ono ntoolengesha webo amwanakashi kupatana.
Lunyungu lwako alwa mwanakashi bananoolibo balwani lyoonse.
Lakwe ulaakukulyata kumutwi
awebo ulaakumuluma kukashindi.”

Mpeeke wakaambila mwanakashi ayi,
“Ndaakulengesha ayi paciindi wakunooba pakati
mapensho ako akafuule.
Ulaakunoonyumfwa kucisa abuumbi pakutumbuka.
Nacibi boobo unanoosunibo ibayo
alimwi ngweshi anookweendelesha.”
Lyalo wakaambila Adamu ayi,
“Wakakutika mukaako
akulya cisepo ca cisamu ncendakamukasha.
Paceebo ceeci bulongo butooshinganishikwa.
Aboobo mubuumi bwako boonse ulaakunoosebensa cankusu,
kwaamba ayi bukukushile shakulya nshooelete.
Alimwi mubulongo mulaakunoomena nsaku amyuumfwa.
Webo ulaakunoolya shisepo sha muluundu.
Ulaakunoosebensa cankusu akuyuwa
kwaamba ayi muswe shakulya mubulongo,
kushikila ukaboolele kubulongo nkowakaswita.
Mukwiinga wakalengwa kuswa kubulongo,
alimwi ulaakuboolela kubulongo.”
Mpeeke Adamu wakatumba liina mukaakwe ayi “Efa”, ceebo ngomushali mwanakashi wa bantu boonse. Kuswawaawo Mwaami Lesa wakapangila Adamu amukaakwe shakufwala kuswa kushipaya sha banyama, akubafwalika.

Lyalo Mwaami Lesa wakaamba ayi, “Ono muntu waba bweenka mbuli ndiswe, washiba bubotu abubi. Teelete kusuminishikwa kuyapa akulya cisepo ciswa kucisamu cipa buumi, kwaamba ayi anoolibo muumi lyoonse.” Aboobo Mwaami Lesa wakamukusha mumuunda wa Edeni akumulengesha ayi anoolima bulongo uko kweenka nkwaakaswita. Mpeeke kwicwe lya muunda wakabikaako shilengwalengwa shuumi shiitwa ayi bakelebu amupeeni wakalinga kunyaka mulilo, kwaamba ayi kubule ushika pafwaafwi acisamu cipa buumi.

Lalela Matalikilo 3