Arabe tchadien (alphabet arabe) For more information about this text please contact: Alliance biblique du Tchad Avenue Pascal Yoadoumnadji, BP 1291 N'Djaména CHAD

La Bible en arabe tchadien © Alliance biblique du Tchad, 2019 ℗ 2022 Hosanna

الكتاب المقدس بالعربي الدارجي هنا تشاد

<div class="version vid501 iso6393shu" data-vid="501" data-iso6393="shu">
 <div class="book bkJHN">
 <div class="chapter ch12" data-usfm="JHN.12">
 <div class="label">12</div><div class="s">Mariyam sabbat itir fi rijileen Isa</div><div class="p"> 1Wa sitte yoom gubbaal iid al-Fisha, Isa ja fi hillit Beet Anya. Wa da l-bakaan al-La&#700;aazar saakin foogah, hu al-naadum al-Isa gawwamah min al-moot. 2Wa hassalo le Isa acha. Wa La&#700;aazar waahid min al-naas al-yaakulu ma&#700;aayah wa Marsa faddalathum. 3Wa Mariyam jaat wa jaabat nuss liitir hana itir asli wa khaali bilheen al-usmah naardiin. Wa sabbat al-itir fi rijileen Isa wa gachchathum be cha&#700;arha. Wa riihit al-itir saddat al-beet marra waahid.</div><div class="p"> 4Wa laakin tilmiiz waahid gamma hajja wa hu Yahuuza al-Iskhariyooti al-ba&#700;ad ayyaam yukhuun Isa. Wa hu gaal : 5&#171;Maala ma baa&#700;o al-itir da ? Akuun yalgo minnah 300 diinaar achaan yantuuh le l-masaakiin.&#187; 6Wa Yahuuza ma gaal al-kalaam da achaan hu hanuun le l-masaakiin laakin achaan hu sarraag. Hu mas&#700;uul fi sanduug hana gurushum wa gaa&#700;id yichiil min al-gurus.</div><div class="p"> 7Wa Isa gaal : &#171;Ma tahrijha. Hi sabbat al-itir fi jismi achaan tijahhizni le l-khabur. 8Al-masaakiin gaa&#700;idiin ma&#700;aaku daayman wa laakin ana kamaan ma nagood ma&#700;aaku daayman.&#187;</div><div class="s">Al-Masiih dakhal fi Madiinat al-Khudus</div><div class="p"> 9Wa l-Yahuud al-fi Madiinat al-Khudus sim&#700;o Isa gaa&#700;id fi hillit Beet Anya wa naas katiiriin marago leyah. Ma macho yichiifu Isa bas laakin dawwaro yichiifu La&#700;aazar kula achaan hu al-naadum al-Isa gawwamah min al-moot. 10Wa achaan da, kubaaraat rujaal al-diin chaalo niiye le yaktulu La&#700;aazar kula. 11Achaan be sabab La&#700;aazar, Yahuud katiiriin gaa&#700;idiin yikissu minhum wa yi&#700;aamunu be Isa.</div><div class="p"> 12Wa naas katiiriin jo fi Madiinat al-Khudus achaan yi&#700;ayyudu. Wa humman sim&#700;o khabar Isa yidoor yaji fi l-madiina. 13Wa gata&#700;o firi&#700; min nakhal wa macho beyah achaan yilaaguuh. Wa gaalo be hiss aali :</div><div class="q1">&#171;Al-hamdulillah !</div><div class="q1">&lt;Mabruuk le l-naadum al-jaayi be usum Allah !&gt;#12:13 Al-kalaam da talgooh fi Zabuur 118:26.</div><div class="q2">Mabruuk le malik Israa&#700;iil !&#187;</div><div class="b"></div><div class="p"> 14Wa Isa chaal humaar wa rikib foogah. Wa da bigi misil awwal maktuub fi l-Kitaab :</div><div class="q1"> 15&lt;Ya Sahyuun al-misil bineeye,</div><div class="q2">ma takhaafe.</div><div class="q1">Daahu malikki jaayi leeki</div><div class="q2">raakib fi dahach wileed humaara.&gt;#12:15 Al-kalaam da talgooh fi Zakariiya 9:9.</div><div class="b"></div><div class="p"> 16Wa talaamiizah awwal ma fihmo al-cheyy al-bigi da. Wa laakin wakit Allah rafa&#700; Isa fi majdah, humman fakkaro wa irfo kadar al-naas sawwo leyah al-cheyy al-maktuub fi l-Kitaab.</div><div class="p"> 17Wa l-naas al-gaa&#700;idiin ma&#700;a Isa yoom hu naada La&#700;aazar min al-khabur wa gawwamah, humman hajjo le l-naas al-aakhariin wa chahado leyah. 18Wa l-naas al-jo fi Madiinat al-Khudus sim&#700;o khabar al-ajab da wa gammo macho laagooh. 19Wa l-Fariiziyiin hajjo ambeenaathum wa gaalo : &#171;Chiifu, ma nagdaro nisawwu cheyy. Kulla l-naas gammo taaba&#700;ooh.&#187;</div><div class="s">Al-Masiih hajja be mootah</div><div class="p"> 20Wa fiyah Yuunaaniyiin waahidiin fi ust al-naas al-jo fi Madiinat al-Khudus achaan ya&#700;abudu Allah fi wakit al-iid. 21Wa l-Yuunaaniyiin jo le Filibbus al-tilmiiz al-min hillit Beet Seeda fi daar al-Jaliil wa gaddamo leyah talab. Wa gaalo : &#171;Ya l-sayyid, nidooru nichiifu Isa.&#187;</div><div class="p"> 22Wa Filibbus gamma oora Andareeyas. Wa Andareeyas wa Filibbus macho wa ooro Isa. 23Wa Isa radda leehum wa gaal : &#171;Khalaas, al-wakit al-Allah gata&#700;ah le Ibn al-Insaan tamma. Wa hassa&#700; Allah yarfa&#700;ah fi majdah. 24Asma&#700;o nuguul leeku al-hagg, kan habba hana teeraab al-gameh ma taga&#700; fi l-turaab wa ma tumuut, hi tagood habba waahide bas. Wa laakin kan hi tumuut, talda iyaal katiir. 25Wa ayyi naadum al-yihibb hayaatah yiwaddirha. Wa l-yakrah hayaatah fi l-dunya, yalga al-haya al-abadiiye. 26Kan naadum yidoor yakhdim leyi, waajib yitaabi&#700;ni. Wa fi l-bakaan al-ana nagood foogah, khaddaami kula yagood foogah. Wa ayyi naadum al-yakhdim leyi, Abuuyi yicharrifah.</div><div class="p"> 27&#171;Wa hassa&#700; galbi mu&#700;allag wa nuguul chunu ? Hal nuguul : &#8249;Ya Abuuyi, al-wakit tamma. Najjiini minnah&#8250; ? La, da ma nuguulah. Ana jiit fi chaan al-wakit da bas. 28Akheer nuguul : &#8249;Ya Abuuyi, majjid usmak !&#8250;&#187;</div><div class="p">Wa hiss Allah ansama&#700; min al-sama wa gaal : &#171;Ana majjadtah wa nimajjidah battaan.&#187; 29Wa l-naas al-gaa&#700;idiin fi l-bakaan da sim&#700;o al-hiss wa gaalo : &#171;Da dagdaag.&#187; Wa naas waahidiin gaalo : &#171;Waahid min al-malaa&#700;ika hajja leyah.&#187;</div><div class="p"> 30Wa Isa radda leehum wa gaal : &#171;Al-hiss da ansama&#700; ma le faayditi ana laakin le faayditku intu. 31Hassa&#700; bas al-ikhaab yaji fi l-dunya. Wa hassa&#700; bas yintarid Ibliis sultaan al-dunya. 32Wa ana, wakit yarfa&#700;ooni foog min al-ard, nilimm kulla l-naas aleyi.&#187; 33Wa Isa gaal al-kalaam da achaan yi&#700;ooriihum be kikkeef hu yumuut.</div><div class="p"> 34Wa l-naas al-haadiriin raddo leyah wa gaalo : &#171;Allamoona min kitaab al-Tawraat kadar al-Masiih yagood ila l-abad. Wa be da, maalak gult Ibn al-Insaan laabudda yarfa&#700;ooh ? Wa Ibn al-Insaan da, hu yaatu ?&#187; 35Wa Isa gaal leehum : &#171;Al-nuur yagood ma&#700;aaku wakit chiyya bas. Ruukhu fi l-nuur achaan al-dalaam ma yinnasir foogku. Al-naadum al-yuruukh fi l-dalaam ma ya&#700;arif al-bakaan al-hu maachi leyah. 36Wakit al-nuur lissaa&#700; ma&#700;aaku, aamunu be l-nuur. Wa be misil da, tabgo ahal al-nuur.&#187; Wa ba&#700;ad Isa gaal al-kalaam da, hu macha wa allabbad minhum.</div><div class="s">Isa al-Masiih wa kalaam al-nabi Icha&#700;ya</div><div class="p"> 37Isa sawwa ajaayib katiiriin fi ust al-Yahuud wa laakin be da kula, humman ma aamano beyah. 38Wa be misil da, kalaam al-nabi Icha&#700;ya tamma. Hu gaal : &lt;Ya Allah, yaatu al-aaman be khabarna ? Wa gudrat Allah baanat le yaatu ?&gt;#12:38 Al-kalaam da talgooh fi Icha&#700;ya 53:1. 39Wa l-Yahuud ma gidro yi&#700;aamunu beyah achaan Icha&#700;ya kula gaal : 40&lt;Allah ama uyuunhum wa gawwa guluubhum achaan ma yichiifu be uyuunhum wa ma yafhamo be guluubhum. Wa be da, ma yutuubu achaan nachfiihum.&gt;#12:40 Al-kalaam da talgooh fi Icha&#700;ya 6:10. 41Wa Icha&#700;ya gaal al-kalaam da achaan hu chaaf majd al-Masiih wa hajja beyah.</div><div class="p"> 42Wa fi l-wakit da kula, naas katiiriin min al-kubaaraat aamano be Isa. Wa laakin ma gaalo cheyy giddaam al-naas achaan humman khaayfiin min al-Fariiziyiin. Humman ma dawwaro al-Fariiziyiin yaturduuhum min buyuut al-sala 43achaan dawwaro rida al-naas ziyaada min rida Allah.</div><div class="p"> 44Wa Isa hajja be hiss aali wa gaal : &#171;Ayyi naadum al-mu&#700;min beyi, hu ma mu&#700;min beyi ana bas laakin hu mu&#700;min be Allah al-rassalaani kula. 45Wa ayyi naadum al-yichiifni, yichiif al-rassalaani kula. 46Ana jiit fi l-dunya misil nuur achaan ayyi naadum al-yi&#700;aamin beyi ma yagood fi l-dalaam.</div><div class="p"> 47&#171;Kan naadum yasma&#700; kalaami wa ma yitaabi&#700;ah, ana zaati ma nihaakimah achaan ana ma jiit le nihaakim naas al-dunya laakin jiit le ninajji naas al-dunya. 48Al-naadum al-yaabaani wa ma yitaabi&#700; kalaami indah gaadi al-yihaakimah. Al-kalaam al-ana gultah yijiib foogah al-hukum fi l-yoom al-akhiir. 49Wa yabga misil da, achaan ana ma kallamt hasab raayi ana bas. Abuuyi Allah rassalaani be wasiiytah wa ooraani kulla l-kalaam al-waajib nuguulah. 50Wa ana na&#700;arif kadar wasiiyat Allah tanti al-haya al-abadiiye. Wa achaan da, ana nuguul al-kalaam al-abuuyi ooraani beyah.&#187;</div>
 </div>
 </div>
</div>

Wa sitte yoom gubbaal iid al-Fisha, Isa ja fi hillit Beet Anya. Wa da l-bakaan al-Laʼaazar saakin foogah, hu al-naadum al-Isa gawwamah min al-moot. Wa hassalo le Isa acha. Wa Laʼaazar waahid min al-naas al-yaakulu maʼaayah wa Marsa faddalathum. Wa Mariyam jaat wa jaabat nuss liitir hana itir asli wa khaali bilheen al-usmah naardiin. Wa sabbat al-itir fi rijileen Isa wa gachchathum be chaʼarha. Wa riihit al-itir saddat al-beet marra waahid.
Wa laakin tilmiiz waahid gamma hajja wa hu Yahuuza al-Iskhariyooti al-baʼad ayyaam yukhuun Isa. Wa hu gaal : «Maala ma baaʼo al-itir da ? Akuun yalgo minnah 300 diinaar achaan yantuuh le l-masaakiin.» Wa Yahuuza ma gaal al-kalaam da achaan hu hanuun le l-masaakiin laakin achaan hu sarraag. Hu masʼuul fi sanduug hana gurushum wa gaaʼid yichiil min al-gurus.
Wa Isa gaal : «Ma tahrijha. Hi sabbat al-itir fi jismi achaan tijahhizni le l-khabur. Al-masaakiin gaaʼidiin maʼaaku daayman wa laakin ana kamaan ma nagood maʼaaku daayman.»

Wa l-Yahuud al-fi Madiinat al-Khudus simʼo Isa gaaʼid fi hillit Beet Anya wa naas katiiriin marago leyah. Ma macho yichiifu Isa bas laakin dawwaro yichiifu Laʼaazar kula achaan hu al-naadum al-Isa gawwamah min al-moot. Wa achaan da, kubaaraat rujaal al-diin chaalo niiye le yaktulu Laʼaazar kula. Achaan be sabab Laʼaazar, Yahuud katiiriin gaaʼidiin yikissu minhum wa yiʼaamunu be Isa.
Wa naas katiiriin jo fi Madiinat al-Khudus achaan yiʼayyudu. Wa humman simʼo khabar Isa yidoor yaji fi l-madiina. Wa gataʼo firiʼ min nakhal wa macho beyah achaan yilaaguuh. Wa gaalo be hiss aali :
«Al-hamdulillah !
<Mabruuk le l-naadum al-jaayi be usum Allah !>
Mabruuk le malik Israaʼiil !»

Wa Isa chaal humaar wa rikib foogah. Wa da bigi misil awwal maktuub fi l-Kitaab :
<Ya Sahyuun al-misil bineeye,
ma takhaafe.
Daahu malikki jaayi leeki
raakib fi dahach wileed humaara.>

Wa talaamiizah awwal ma fihmo al-cheyy al-bigi da. Wa laakin wakit Allah rafaʼ Isa fi majdah, humman fakkaro wa irfo kadar al-naas sawwo leyah al-cheyy al-maktuub fi l-Kitaab.
Wa l-naas al-gaaʼidiin maʼa Isa yoom hu naada Laʼaazar min al-khabur wa gawwamah, humman hajjo le l-naas al-aakhariin wa chahado leyah. Wa l-naas al-jo fi Madiinat al-Khudus simʼo khabar al-ajab da wa gammo macho laagooh. Wa l-Fariiziyiin hajjo ambeenaathum wa gaalo : «Chiifu, ma nagdaro nisawwu cheyy. Kulla l-naas gammo taabaʼooh.»

Wa fiyah Yuunaaniyiin waahidiin fi ust al-naas al-jo fi Madiinat al-Khudus achaan yaʼabudu Allah fi wakit al-iid. Wa l-Yuunaaniyiin jo le Filibbus al-tilmiiz al-min hillit Beet Seeda fi daar al-Jaliil wa gaddamo leyah talab. Wa gaalo : «Ya l-sayyid, nidooru nichiifu Isa.»
Wa Filibbus gamma oora Andareeyas. Wa Andareeyas wa Filibbus macho wa ooro Isa. Wa Isa radda leehum wa gaal : «Khalaas, al-wakit al-Allah gataʼah le Ibn al-Insaan tamma. Wa hassaʼ Allah yarfaʼah fi majdah. Asmaʼo nuguul leeku al-hagg, kan habba hana teeraab al-gameh ma tagaʼ fi l-turaab wa ma tumuut, hi tagood habba waahide bas. Wa laakin kan hi tumuut, talda iyaal katiir. Wa ayyi naadum al-yihibb hayaatah yiwaddirha. Wa l-yakrah hayaatah fi l-dunya, yalga al-haya al-abadiiye. Kan naadum yidoor yakhdim leyi, waajib yitaabiʼni. Wa fi l-bakaan al-ana nagood foogah, khaddaami kula yagood foogah. Wa ayyi naadum al-yakhdim leyi, Abuuyi yicharrifah.
«Wa hassaʼ galbi muʼallag wa nuguul chunu ? Hal nuguul : ‹Ya Abuuyi, al-wakit tamma. Najjiini minnah› ? La, da ma nuguulah. Ana jiit fi chaan al-wakit da bas. Akheer nuguul : ‹Ya Abuuyi, majjid usmak !›»
Wa hiss Allah ansamaʼ min al-sama wa gaal : «Ana majjadtah wa nimajjidah battaan.» Wa l-naas al-gaaʼidiin fi l-bakaan da simʼo al-hiss wa gaalo : «Da dagdaag.» Wa naas waahidiin gaalo : «Waahid min al-malaaʼika hajja leyah.»
Wa Isa radda leehum wa gaal : «Al-hiss da ansamaʼ ma le faayditi ana laakin le faayditku intu. Hassaʼ bas al-ikhaab yaji fi l-dunya. Wa hassaʼ bas yintarid Ibliis sultaan al-dunya. Wa ana, wakit yarfaʼooni foog min al-ard, nilimm kulla l-naas aleyi.» Wa Isa gaal al-kalaam da achaan yiʼooriihum be kikkeef hu yumuut.
Wa l-naas al-haadiriin raddo leyah wa gaalo : «Allamoona min kitaab al-Tawraat kadar al-Masiih yagood ila l-abad. Wa be da, maalak gult Ibn al-Insaan laabudda yarfaʼooh ? Wa Ibn al-Insaan da, hu yaatu ?» Wa Isa gaal leehum : «Al-nuur yagood maʼaaku wakit chiyya bas. Ruukhu fi l-nuur achaan al-dalaam ma yinnasir foogku. Al-naadum al-yuruukh fi l-dalaam ma yaʼarif al-bakaan al-hu maachi leyah. Wakit al-nuur lissaaʼ maʼaaku, aamunu be l-nuur. Wa be misil da, tabgo ahal al-nuur.» Wa baʼad Isa gaal al-kalaam da, hu macha wa allabbad minhum.

Isa sawwa ajaayib katiiriin fi ust al-Yahuud wa laakin be da kula, humman ma aamano beyah. Wa be misil da, kalaam al-nabi Ichaʼya tamma. Hu gaal : <Ya Allah, yaatu al-aaman be khabarna ? Wa gudrat Allah baanat le yaatu ?> Wa l-Yahuud ma gidro yiʼaamunu beyah achaan Ichaʼya kula gaal : <Allah ama uyuunhum wa gawwa guluubhum achaan ma yichiifu be uyuunhum wa ma yafhamo be guluubhum. Wa be da, ma yutuubu achaan nachfiihum.> Wa Ichaʼya gaal al-kalaam da achaan hu chaaf majd al-Masiih wa hajja beyah.
Wa fi l-wakit da kula, naas katiiriin min al-kubaaraat aamano be Isa. Wa laakin ma gaalo cheyy giddaam al-naas achaan humman khaayfiin min al-Fariiziyiin. Humman ma dawwaro al-Fariiziyiin yaturduuhum min buyuut al-sala achaan dawwaro rida al-naas ziyaada min rida Allah.
Wa Isa hajja be hiss aali wa gaal : «Ayyi naadum al-muʼmin beyi, hu ma muʼmin beyi ana bas laakin hu muʼmin be Allah al-rassalaani kula. Wa ayyi naadum al-yichiifni, yichiif al-rassalaani kula. Ana jiit fi l-dunya misil nuur achaan ayyi naadum al-yiʼaamin beyi ma yagood fi l-dalaam.
«Kan naadum yasmaʼ kalaami wa ma yitaabiʼah, ana zaati ma nihaakimah achaan ana ma jiit le nihaakim naas al-dunya laakin jiit le ninajji naas al-dunya. Al-naadum al-yaabaani wa ma yitaabiʼ kalaami indah gaadi al-yihaakimah. Al-kalaam al-ana gultah yijiib foogah al-hukum fi l-yoom al-akhiir. Wa yabga misil da, achaan ana ma kallamt hasab raayi ana bas. Abuuyi Allah rassalaani be wasiiytah wa ooraani kulla l-kalaam al-waajib nuguulah. Wa ana naʼarif kadar wasiiyat Allah tanti al-haya al-abadiiye. Wa achaan da, ana nuguul al-kalaam al-abuuyi ooraani beyah.»

Lalela Yuuhanna 12