<div class="version vid3955 iso6393wlo" data-vid="3955" data-iso6393="wlo">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Mboomo sumai apamondoa laiana tee alamu tee sagala antona. 2I eo pitu eona Aulata&#700;ala padhamo apamondo karajaana ipewauna, tee aponiuntomo Incia i eo pitu eona minaaka i bhari-bharia karajaa ipewauna. 3Kasiimpomo, Aulata&#700;ala abarakatimo eo pitu eona sumai tee apekangkilomea, roonamo i eo incia sumaimo Aulata&#700;ala aponiuntomo minaaka i sagala karajaana to apadhaangia dunia ipewauna.</div><div class="p"> 4Mboomo sumai tulatulana wakutuuna laiana tee alamu apadhaangiaia.</div><div class="p">Wakutuuna KAWASANA OPU Aulata&#700;ala apadhaangia laiana tee alamu, 5bhari-bharia rumpu indapo dhaangia i dunia tee bhari-bharia penembula i tana uka indapo atuwu roonamo KAWASANA OPU Aulata&#700;ala indapo apasapo wao i bhawona dunia tee indapo dhaangia mia to mokarajaana tana sumai. 6Maka dhaangia o alo apene minaaka i alamu abhaho bhari-bharia bhawona tana. 7Wakutuu incia sumai KAWASANA OPU Aulata&#700;ala apadhaangia maanusia#2:7maanusia minaaka i ngawuna tana: Oni "maanusia" tee "tana" i nuncana pogauna Ibrani dhaangiamo oni mopokanana, siitumo Adamu. minaaka i ngawuna tana tee apoinunca tee ngalu modhadhiakana i nuncana angona. Sumaimo, maanusia sumai amembali mahaluku mokoinyawa.</div><div class="s1">Maanusia i Inawuna Eden</div><div class="sr"> 2:8-25</div><div class="p"> 8Kasiimpo, KAWASANA OPU Aulata&#700;ala, apewau saangu inawu i Eden,#2:8 Eden: I nuncana pogauna Ibrani, ma&#700;anana "kasanaa." weta i timbu. Iwe sumaimo Incia apamboorea maanusia padha ipewauna sumai. 9Kasiimpo, minaaka i tana, KAWASANA OPU Aulata&#700;ala apatuwu manga giuna puuna kau momakesana kamataana tee momalapena motokandena bhakena, tee uka o puuna kau idhadhiaka#2:9 puuna kau idhadhiaka: Ande o maanusia akande minaaka i puuna kau idhadhiaka, incia bheamboore sa&#700;umurua tee inda amate (Bhaa. 3:22). i tanga-tangana inawu sumai, tee puuna kau imatauaka to momalapena tee momadhakina.#2:9 puuna kau imatauaka to momalapena tee momadhakina: Puuna kau moumbaakana kakidhana ilahi aharamu to maanusia (Bhaa. 3:22).</div><div class="p"> 10Minaaka i Eden asiwulu saangu umala to apakouweaka inawu sumai, kasiimpomo minaaka i tampa incia sumai umala apogaa amembali pata solo anana umala. 11Sarona umala mobhaa-bhaana Pison. Umala incia sii asiwulu atipua saangua Tana Hawila, tampana bulawa adhaangia. 12Bulawa minaaka i tana sumai amalape hasilina. Iwe sumai uka dhaangia garu mawondu tee tundu maali o sarona krisopras. 13Sarona umala rua anguna sumai Gihon. Umala incia sii asiwulu atipua saangua Tana Kus.#2:13 Tana Kus: Tana Kus sii dhaangia i lipu Etiopia tee Sudan. 14Sarona umala talu anguna sumai Tigris. Umala incia sii asiwulu i sawetana timbu Asyur. Umala pata anguna sumai Efrat.</div><div class="p"> 15KAWASANA OPU Aulata&#700;ala, aalamo maanusia sumai tee apamboorea i nuncana Inawu Eden to mokarajaana tee modhambaakana inawu sumai. 16Kasiimpomo KAWASANA OPU Aulata&#700;ala adhawumo parinta i maanusia sumai, firimanina, "Bhake minaaka bhari-bharia puu i nuncana inawu sii membali ukandea saincamu, 17maka bhake minaaka i puu imatauaka to momalapena tee momadhakina siitu bholi ukandea roonamo, i eona ingkoo ukandea, ingkoo dhaanamo umate."</div><div class="p"> 18Kasiimpomo KAWASANA OPU Aulata&#700;ala afirimani, "Inda malape, maanusia sumai soo samia-miana. Iaku gauku bhekupamembalia samia motulungina incia, mococona tee maanusia sumai."</div><div class="p"> 19Sumaimo KAWASANA OPU Aulata&#700;ala apewau minaaka i tana sagala binata i koo tee sagala manu-manu i antara, aumbaakea bhari-bharia sumai i maanusia to akamata tuaapa maanusia sumai asarongiakea. Opea uka saro idhawuakana maanusia sumai i manga mahaluku modhadhi, siitumo momembalina sarona. 20Kasiimpomo maanusia sumai asarongiakea sagala kadhambaakana, manu-manu i antara, tee sagala binata i koo. Maka to karona samia maanusia sumai inda apotibhaaka samia motulungia mopokanana tee karona. 21Sumaimo KAWASANA OPU Aulata&#700;ala apewau maanusia sumai atokole mpuu. Tangasaana incia akole, KAWASANA OPU Aulata&#700;ala aalamo saangu bukuna kara-karana kasiimpomo atutubhia tampa incia sumai tee dagi. 22Minaaka i bukuna kara-karana ialana minaaka i maanusia sumai, KAWASANA OPU Aulata&#700;ala, apamodele samia bhawine, kasiimpo abhawea i maanusia sumai.</div><div class="p"> 23Apogaumo maanusia sumai,</div><div class="q1">"Sii incia, bukuna minaaka i bukuku,</div><div class="q2">dagina minaaka i dagiku.</div><div class="q1">Incia bheasarongiakea bhawine,</div><div class="q2">sababuna incia aalea minaaka i umane."#2:23 sababuna incia aalea minaaka i umane: I nuncana oni Ibrani, modelena pogau &#700;isha "bhawine" apokana tee modelena pogau &#700;ish "umane."</div><div class="m"> 24Rampaakanamo sumai, samia umane bheabholi amana tee inana to adhadhi apobhawa-bhawa tee bhawinena, sabutuna rua-rua miaia amembali saangu.</div><div class="p"> 25Maanusia tee bhawinena sumai rua-rua miaia akalealea, maka manga incia inda anamisi kaea.</div>
 </div>
 </div>
</div>

Ongoing © Wycliffe Bible Translators, Inc

Mboomo sumai apamondoa laiana tee alamu tee sagala antona. I eo pitu eona Aulataʼala padhamo apamondo karajaana ipewauna, tee aponiuntomo Incia i eo pitu eona minaaka i bhari-bharia karajaa ipewauna. Kasiimpomo, Aulataʼala abarakatimo eo pitu eona sumai tee apekangkilomea, roonamo i eo incia sumaimo Aulataʼala aponiuntomo minaaka i sagala karajaana to apadhaangia dunia ipewauna.
Mboomo sumai tulatulana wakutuuna laiana tee alamu apadhaangiaia.
Wakutuuna KAWASANA OPU Aulataʼala apadhaangia laiana tee alamu, bhari-bharia rumpu indapo dhaangia i dunia tee bhari-bharia penembula i tana uka indapo atuwu roonamo KAWASANA OPU Aulataʼala indapo apasapo wao i bhawona dunia tee indapo dhaangia mia to mokarajaana tana sumai. Maka dhaangia o alo apene minaaka i alamu abhaho bhari-bharia bhawona tana. Wakutuu incia sumai KAWASANA OPU Aulataʼala apadhaangia maanusia minaaka i ngawuna tana tee apoinunca tee ngalu modhadhiakana i nuncana angona. Sumaimo, maanusia sumai amembali mahaluku mokoinyawa.


Kasiimpo, KAWASANA OPU Aulataʼala, apewau saangu inawu i Eden, weta i timbu. Iwe sumaimo Incia apamboorea maanusia padha ipewauna sumai. Kasiimpo, minaaka i tana, KAWASANA OPU Aulataʼala apatuwu manga giuna puuna kau momakesana kamataana tee momalapena motokandena bhakena, tee uka o puuna kau idhadhiaka i tanga-tangana inawu sumai, tee puuna kau imatauaka to momalapena tee momadhakina.
Minaaka i Eden asiwulu saangu umala to apakouweaka inawu sumai, kasiimpomo minaaka i tampa incia sumai umala apogaa amembali pata solo anana umala. Sarona umala mobhaa-bhaana Pison. Umala incia sii asiwulu atipua saangua Tana Hawila, tampana bulawa adhaangia. Bulawa minaaka i tana sumai amalape hasilina. Iwe sumai uka dhaangia garu mawondu tee tundu maali o sarona krisopras. Sarona umala rua anguna sumai Gihon. Umala incia sii asiwulu atipua saangua Tana Kus. Sarona umala talu anguna sumai Tigris. Umala incia sii asiwulu i sawetana timbu Asyur. Umala pata anguna sumai Efrat.
KAWASANA OPU Aulataʼala, aalamo maanusia sumai tee apamboorea i nuncana Inawu Eden to mokarajaana tee modhambaakana inawu sumai. Kasiimpomo KAWASANA OPU Aulataʼala adhawumo parinta i maanusia sumai, firimanina, "Bhake minaaka bhari-bharia puu i nuncana inawu sii membali ukandea saincamu, maka bhake minaaka i puu imatauaka to momalapena tee momadhakina siitu bholi ukandea roonamo, i eona ingkoo ukandea, ingkoo dhaanamo umate."
Kasiimpomo KAWASANA OPU Aulataʼala afirimani, "Inda malape, maanusia sumai soo samia-miana. Iaku gauku bhekupamembalia samia motulungina incia, mococona tee maanusia sumai."
Sumaimo KAWASANA OPU Aulataʼala apewau minaaka i tana sagala binata i koo tee sagala manu-manu i antara, aumbaakea bhari-bharia sumai i maanusia to akamata tuaapa maanusia sumai asarongiakea. Opea uka saro idhawuakana maanusia sumai i manga mahaluku modhadhi, siitumo momembalina sarona. Kasiimpomo maanusia sumai asarongiakea sagala kadhambaakana, manu-manu i antara, tee sagala binata i koo. Maka to karona samia maanusia sumai inda apotibhaaka samia motulungia mopokanana tee karona. Sumaimo KAWASANA OPU Aulataʼala apewau maanusia sumai atokole mpuu. Tangasaana incia akole, KAWASANA OPU Aulataʼala aalamo saangu bukuna kara-karana kasiimpomo atutubhia tampa incia sumai tee dagi. Minaaka i bukuna kara-karana ialana minaaka i maanusia sumai, KAWASANA OPU Aulataʼala, apamodele samia bhawine, kasiimpo abhawea i maanusia sumai.
Apogaumo maanusia sumai,
"Sii incia, bukuna minaaka i bukuku,
dagina minaaka i dagiku.
Incia bheasarongiakea bhawine,
sababuna incia aalea minaaka i umane."
Rampaakanamo sumai, samia umane bheabholi amana tee inana to adhadhi apobhawa-bhawa tee bhawinena, sabutuna rua-rua miaia amembali saangu.
Maanusia tee bhawinena sumai rua-rua miaia akalealea, maka manga incia inda anamisi kaea.

Lalela Bhaa-bhaana 2