Kosarek 2023 WBT Non-drama NT

Kosarek 2023 WBT Dramatized NT

<div class="version vid3740 iso6393kkl" data-vid="3740" data-iso6393="kkl">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s1">Yesusti lebe arop kom nimi wali nembaogha</div><div class="r">(Markus 2:1-12; Lukas 5:17-26)</div><div class="p"> 1Yesus kabong mag alip toman piroba nhonag waelbaogti, mag longorop mag kauro elenge asag sip yaog. 2Elenge asag sip yaogpa, nimi tanekori lebe arop kom nimi nhon morea kalag maamogpa, elag keyapto payaek. Payalamek abeneko Yesusti kemelamsiogpa, sin payaek nimi tanekori Yesusag sikne aro wana palilameka ipsiog. Kembahiogti lebe arop kom nimi enekoag yubu lelamogti, &#8220;Name, wana khapto wamlulam! Andi mali-malia ulamomne tam wailag tal,&#8221; seog.</div><div class="p"> 3Yesusti wene seogne sembe Musari yubu amohirop nang nhon-nhon tanekori wanaag, &#8220;Nimi eneri Allah san tiliplamla,&#8221; aro sindi wanaag sembaek.</div><div class="p"> 4Sindi wanaag seneraglamekne Yesusti el taogti, yubu lelamogti, &#8220;Sa'a sembe a'undi wanaag yo uro seneraglamlom? 5Mog so'oag nimiri nimiag, &#8216;Andi malia ulamomne tam wailag tal,&#8217; seheng tanena, malia uropne neneko sik uro tam wailag tanep te? Mog so'oag nimiri nimi enekoag, &#8216;Sekmendi, yan ingiro pululam,&#8217; aro yubu ambatseng tanena, sik uro yabinep te? Ni yubu phende abeneko mog so'oag nimiri mo yubu lemnep tanena, nhon babe uro yabinep te? 6Aghana a'undi na sembe el tahom senelamnari, lag nembatsinun. Na mog so'oag nimi tahinge saeag Allahri mikipne pibog andarina, nimiri malia uropne sembe nari tam wailag nembanep. Kembamundi el talulom,&#8221; seog. Tanena lebe arop kom nimi enekoag yubu lelamogti, &#8220;Sekmendi andi morea kal saelbamendi, andi aeag pululam,&#8221; seog. 7Wene seogpa, nimi eneko pukom agha sekogti, elenge aeag piog. 8Yesusti undo unuaogne neneko nimi wamek nimi tanekori ibekti, log senelamekti, &#8220;Allahri nimiag mikipne tarelamsil,&#8221; aro Allah omeklamek.</div><div class="s1">Yesusti Matius yobogha</div><div class="r">(Markus 2:13-17; Lukas 5:27-32)</div><div class="p"> 9Yesus anekoa palamogti tilamogpa, nimi nhon si Matius wamog. Matius poneko Roma nimi sembe kamna poloro toropne wamogti, eldi kamna poloro tolamog aeag pukamog. Pukamogpa tiboghaogti Yesusti, &#8220;Nanag neleplamnululam,&#8221; seogpa, Matius sekom agha Yesusag neleplamog.</div><div class="p"> 10Nelebaogpa Yesusap Matiusti aeag piekti, kwaneng telamek. Kwaneng telamek ae enekoag yog nimi Roma nimi sembe kamna poloro torop nimi babe maikno yaek. Ora nimina sin, &#8220;Malia urop nimi,&#8221; ahirop nimi babe maikno yaekti, Matiusti aeag Yesusap eldi yubu ka'ero neleptop nangap kwaneng nhon telamek. 11Kwaneng nhon telamekpa, Farisi nimiri kemelamsiekti, &#8220;Mali,&#8221; aro Yesus yubu ka'ero neleptop nangag hail ahiek. Sinag hailamsiekti, &#8220;Sa'a sembe a'unag yubu amohiropne ponekori Roma nimi sembe kamna poloro torop nimiap, nimi malia urop nimi taneap tolamsildi, kwaneng nikag telamang?&#8221; aro haibahiek.</div><div class="p"> 12Wene aro haibahiekpa, Yesusti ka'ebaogti, samoro ambarelamsiogti, &#8220;Nong wali nimiri whesirop nimi sembe, &#8216;Teko,&#8217; senelamang kom. Ot naiktop nimiri aghabog whesirop nimi sembe, &#8216;Teko,&#8217; senelamang. 13Ot samenag Allahri yubu lelamogti, &#8216;Na sembe nimiri pham oro paliro tatnerop nena, &#8220;Nari topsene,&#8221; senelamna kom. Ot yareag senehinne paliag wamlaba, &#8220;Nimiri ul palamseng,&#8221; senelamna,&#8217; seog.#Hosea 6:6 Wene seogne seneraghal pimundi, el talulom. Na yareagti, &#8216;Yepsinun,&#8217; aro yahingena, nimi nhon eldamne sembe, &#8216;Na malia urop nimi,&#8217; aro el tanep nimi eneko, &#8216;Yopto yepsinun,&#8217; aro yahi. Ora nimiri eldamne sembe, &#8216;Na malia uan koma ulamna,&#8217; seneptaho tanena, nimi eneko sembe, &#8216;Yopto yepsinun,&#8217; aro yahi kom,&#8221; seog.</div><div class="s1">Nimiri kwaneng ten koma, &#8220;Allahag moloro omeklamnun,&#8221; aro uropne sembe Yesusti tibin nembaogha</div><div class="r">(Markus 2:18-22; Lukas 5:33-39)</div><div class="p"> 14Yohanesti yubu ka'ero neleptop nang taneko Yesusag yaekti hailamekti, &#8220;Nunap Farisi nangapti, &#8216;Allah omeklamukap,&#8217; aro kwaneng ten koma ulamap aghana, sa'a sembe andi yubu ka'ero neleplangkeang nang tanekori kwaneng ten koma ulamang kom?&#8221; aro hailamek.</div><div class="p"> 15Wene aro haibaekpa, Yesusti samoro ambarelamsiogti, &#8220;Na mog so'oag wamnaag abenena, nanag neleptop nang amang pairo engkaneheng kom. Sunumna ambatsinun. Nimi nhondi kel toropba, elkaboap ma'ap tahengdi, sin kwaneng tero koma wamnep te? Ane saog uro nanap, nanag neleptop nangap nimi pali wamapti, nu nikag wamap abene sin amang pairo engkanep kom. Aghana ik nhon sum kel toropne poneko yog nimiri salero pabaik taneogna, elkabo kwaneng ten koma wamukang. Ane saog uro na amik sum wamne kom taneogna, nanag neleptop nang kwaneng ten koma wamukang,&#8221; seog.</div><div class="p"> 16Seogti sunumna nhon babe ambarelamsiogti, &#8220;Ag samenag wirop ag wamsoba, ag eneko tilipto yabin tanena, ag wiroba wendogne taepto nimiri ag samenneag wetnelamang kom. Ag wendogne taepto tipto wetnebaheng tanena, wiroba wendogne nene samenneag agha pulukto kolop tanep. Undop pagha tanena, ag samenne eneko taepto tinilamnari, lom nubu tanep. 17Ane saog uro nen sunumna nhonna, nimiri anggur wana lolterop mag tomnari, mag tero lina pham kambing kon agha wetnerop aghag tero lirop. Anggur wana lolterop mag wendog nena, pham kambing kon agha wetnerop ag samenneag tero libanep kom. Ag samenneag tero libanep kom nena, anggur mag neneag agha iba lanalamnari, kon agha wetnerop ag eneko pikto nubu tanep. Nubu talamnari, kon agha wetnerop ag samenne pikto punguro phobanep. Phobaho tanena, kon agha wetnerop ag babe, anggur lolterop mag babe loba tanep. Undo unuanep kom aghana, nimiri anggur wana lolterop mag wendogne kon wendog kon agha wetnerop aghag tero lilamangba, kon agha wetnerop ag babe, anggur lolterop mag babe ni wali wamla,&#8221; aro ambatsiog. </div><div class="s1">Eneng palamog kelap kelme teptopneap Yesusti wali nembahiogha</div><div class="r">(Markus 5:21-43; Lukas 8:40-56)</div><div class="p"> 18Yesusti yubu lelamogpa, nimi taneko sembe saelba uhiropne nhon yaog. Yesus whingag yabu sanukto pulingkina kiplamogti, yubu lelamogti, &#8220;Na namangkel weneog loba tal. Aghana an yamendi, namangkelag sae pipmenba, kamag talul,&#8221; seog.</div><div class="p"> 19Wene seogpa, Yesus sekogpa, eldi yubu ka'ero neleptop nangap kelme ili ponekoag nelepto nhon palamek.</div><div class="p"> 20-21Inaag palamekpa, kelabo nhon eneng palamogha hengkun aobare seklero wamog kel nhon Yesus amik nelepto palamog. Yesus amik nelepto palamog kel enekori seneraglamogti, &#8220;Yesusti ag wangaro siliplengkamla ag olog po'obahaneri, wali tahane,&#8221; aro seneraghog. Wene aro seneraghogti nelepto palamogti, Yesusti wangaro siliplengkamog ag enekoag sirikag olog po'obaog. 22Po'obaogpa Yesus taongkom agha kel enekoag kembi agha yubu lelamogti, &#8220;Namangkel, wana khapto wamlulam! Nanag wana palilamlamne neneri an wali nembaghel,&#8221; seog. Wene seog abeneko pere kel eneko wali taog.</div><div class="p"> 23Kel eneko wali taogpa, Yesus tipto palamogha nimi taneko sembe saelba uhiropne ponekori aeag piog. Piogti kemelamsiogpa, nimi maikno longoro engelamek nimiap, ma'i lom toman pho aro seplamek nimiap ipsiog. 24Kembahiogti sinag yubu lelamogti, &#8220;Kelme ane ya'ag tebal kom. Elna mana agha malamla. Ane sembe a'un ni asag lambalulom!&#8221; seog.</div><div class="p">Wene seogpa, nimi tanekori Yesusag og sobaek. 25Nimi taneko asag lambaekpa, Yesus wa'iogti kelme anekori saeag saelbaog. Saeag saelbaogpa, kelme eneko kamag tangom agha pukog. 26Yesusti undo unuaogne sembe yubu sabo taogpa, as ni taneko wamek nimiri ka'ebaek.</div><div class="s1">Haing urop nimi phende Yesusti wali nembahiogha</div><div class="p"> 27Yesus anekoa palamogpa, nimi phende inaag agha nelepto palamdek. Sindi yubu haum aro lelamdekti, &#8220;Daud sisange mangap talumne, nu yareag sembahi,&#8221; alamdek.</div><div class="p"> 28Yesus palamogha aeag wa'iogpa, haing urop nimi phende abeneko elag yarek. Yarekpa Yesusti sinag hailamsiogti, &#8220;A'undi sik senelamdomne, na mikipneri a'un wali nembahinep aro seneraglamdom te?&#8221; aro haibahiog. Haibahiogpa nimi abenekori, &#8220;Nai andi sik uro nu wali nembahinep,&#8221; serek.</div><div class="p"> 29Wene serekpa, Yesusti sindi haingag sae palilamsiogti, &#8220;A'undi nanag sikne aro wana palilamdomne sunsunum uro a'unag uro yabile,&#8221; seog.</div><div class="p"> 30Wene seogpa, sindi haing kwelekahiogpa, Yesusti nimi abenekoag yubu mikip uro wenelamsiogti, &#8220;Wene uro yabilne sembe nimi nhondi babe el taleag aro yae up tangkamturom,&#8221; seog. 31Aghana nimi abeneko pirekti, mog so'o ni anekoag Yesus sembe sabo nenero yubu ambarel pihirek.</div><div class="s1">Yubu lerop kom nimi Yesusti wali nembaogha</div><div class="p"> 32Haing kwelekahiog nimi abeneko lanaro palamdekpa, nimi nhon kulomag phia yonge wamogpa, yubu lerop kom nimi nhon Yesusag payaek. 33Yesusti nimi enekoag phia kulomag wamogne neneko yag lambaogpa, abeneko pere nimi eneko wali taogti, yubu lelamog. Nimi maikno tanekori ibekti, lo'om aro yubu lelamekti, &#8220;Yaghe! Wene uro yabilne nu Israel nimiri so'oag ane ik nhon babe ilihirop kom,&#8221; alamek. 34Aghana Farisi nimi tanekori yubu lelamekti, &#8220;Phia sikini nubungeri elag mikipne pibongeag agha phia yag lanalamsil,&#8221; alamek.</div><div class="s1">Yesusti nimi maikno yareag senelamsiogha</div><div class="p"> 35Mog so'o tanekoag wamek as nubungeap ologneap Yesus ni kanero palamogti, Yahudi nimiri Allah yubu lero winirop aeag wa'ina yubu walinge Allahri yubu sia lero nimi saelba uhiroba sembe nimi amoro ambatto tongolamsiog. Yubu walinge ambarelamsiogpa, naiktopne wamekpa, naikna naiktoba niap, nimi nongag kikiptoba niap wali nenelamsiog. 36Yesusti nimi maikno wamek nimi taneko kemelamsiogpa, nimi taneko pham domba yae paia uhirop kom phamdi, &#8220;Tala pukap,&#8221; aro ophag arop pham domba saog nimi wamek. Yepsinep nimi orogti, wana ophag aro, &#8220;Sololamna,&#8221; senelamekpa kemelamsiogti, yareag sembahiog. 37Yareag senelamsiogti, eldi yubu ka'ero neleptop nangag ambarelamsiogti, &#8220;Gandum wana mauroba whinge maikno wamla aghana, yongon nimi ologha wamang. 38Ane sembe a'undi awe ngainge ponekoag molbamun andarina, eldi yongon nimi pogsilul,&#8221; seog.</div>
 </div>
 </div>
</div>

Yesus kabong mag alip toman piroba nhonag waelbaogti, mag longorop mag kauro elenge asag sip yaog. Elenge asag sip yaogpa, nimi tanekori lebe arop kom nimi nhon morea kalag maamogpa, elag keyapto payaek. Payalamek abeneko Yesusti kemelamsiogpa, sin payaek nimi tanekori Yesusag sikne aro wana palilameka ipsiog. Kembahiogti lebe arop kom nimi enekoag yubu lelamogti, “Name, wana khapto wamlulam! Andi mali-malia ulamomne tam wailag tal,” seog.
Yesusti wene seogne sembe Musari yubu amohirop nang nhon-nhon tanekori wanaag, “Nimi eneri Allah san tiliplamla,” aro sindi wanaag sembaek.
Sindi wanaag seneraglamekne Yesusti el taogti, yubu lelamogti, “Sa'a sembe a'undi wanaag yo uro seneraglamlom? Mog so'oag nimiri nimiag, ‘Andi malia ulamomne tam wailag tal,’ seheng tanena, malia uropne neneko sik uro tam wailag tanep te? Mog so'oag nimiri nimi enekoag, ‘Sekmendi, yan ingiro pululam,’ aro yubu ambatseng tanena, sik uro yabinep te? Ni yubu phende abeneko mog so'oag nimiri mo yubu lemnep tanena, nhon babe uro yabinep te? Aghana a'undi na sembe el tahom senelamnari, lag nembatsinun. Na mog so'oag nimi tahinge saeag Allahri mikipne pibog andarina, nimiri malia uropne sembe nari tam wailag nembanep. Kembamundi el talulom,” seog. Tanena lebe arop kom nimi enekoag yubu lelamogti, “Sekmendi andi morea kal saelbamendi, andi aeag pululam,” seog. Wene seogpa, nimi eneko pukom agha sekogti, elenge aeag piog. Yesusti undo unuaogne neneko nimi wamek nimi tanekori ibekti, log senelamekti, “Allahri nimiag mikipne tarelamsil,” aro Allah omeklamek.


Yesus anekoa palamogti tilamogpa, nimi nhon si Matius wamog. Matius poneko Roma nimi sembe kamna poloro toropne wamogti, eldi kamna poloro tolamog aeag pukamog. Pukamogpa tiboghaogti Yesusti, “Nanag neleplamnululam,” seogpa, Matius sekom agha Yesusag neleplamog.
Nelebaogpa Yesusap Matiusti aeag piekti, kwaneng telamek. Kwaneng telamek ae enekoag yog nimi Roma nimi sembe kamna poloro torop nimi babe maikno yaek. Ora nimina sin, “Malia urop nimi,” ahirop nimi babe maikno yaekti, Matiusti aeag Yesusap eldi yubu ka'ero neleptop nangap kwaneng nhon telamek. Kwaneng nhon telamekpa, Farisi nimiri kemelamsiekti, “Mali,” aro Yesus yubu ka'ero neleptop nangag hail ahiek. Sinag hailamsiekti, “Sa'a sembe a'unag yubu amohiropne ponekori Roma nimi sembe kamna poloro torop nimiap, nimi malia urop nimi taneap tolamsildi, kwaneng nikag telamang?” aro haibahiek.
Wene aro haibahiekpa, Yesusti ka'ebaogti, samoro ambarelamsiogti, “Nong wali nimiri whesirop nimi sembe, ‘Teko,’ senelamang kom. Ot naiktop nimiri aghabog whesirop nimi sembe, ‘Teko,’ senelamang. Ot samenag Allahri yubu lelamogti, ‘Na sembe nimiri pham oro paliro tatnerop nena, “Nari topsene,” senelamna kom. Ot yareag senehinne paliag wamlaba, “Nimiri ul palamseng,” senelamna,’ seog. Wene seogne seneraghal pimundi, el talulom. Na yareagti, ‘Yepsinun,’ aro yahingena, nimi nhon eldamne sembe, ‘Na malia urop nimi,’ aro el tanep nimi eneko, ‘Yopto yepsinun,’ aro yahi. Ora nimiri eldamne sembe, ‘Na malia uan koma ulamna,’ seneptaho tanena, nimi eneko sembe, ‘Yopto yepsinun,’ aro yahi kom,” seog.


Yohanesti yubu ka'ero neleptop nang taneko Yesusag yaekti hailamekti, “Nunap Farisi nangapti, ‘Allah omeklamukap,’ aro kwaneng ten koma ulamap aghana, sa'a sembe andi yubu ka'ero neleplangkeang nang tanekori kwaneng ten koma ulamang kom?” aro hailamek.
Wene aro haibaekpa, Yesusti samoro ambarelamsiogti, “Na mog so'oag wamnaag abenena, nanag neleptop nang amang pairo engkaneheng kom. Sunumna ambatsinun. Nimi nhondi kel toropba, elkaboap ma'ap tahengdi, sin kwaneng tero koma wamnep te? Ane saog uro nanap, nanag neleptop nangap nimi pali wamapti, nu nikag wamap abene sin amang pairo engkanep kom. Aghana ik nhon sum kel toropne poneko yog nimiri salero pabaik taneogna, elkabo kwaneng ten koma wamukang. Ane saog uro na amik sum wamne kom taneogna, nanag neleptop nang kwaneng ten koma wamukang,” seog.
Seogti sunumna nhon babe ambarelamsiogti, “Ag samenag wirop ag wamsoba, ag eneko tilipto yabin tanena, ag wiroba wendogne taepto nimiri ag samenneag wetnelamang kom. Ag wendogne taepto tipto wetnebaheng tanena, wiroba wendogne nene samenneag agha pulukto kolop tanep. Undop pagha tanena, ag samenne eneko taepto tinilamnari, lom nubu tanep. Ane saog uro nen sunumna nhonna, nimiri anggur wana lolterop mag tomnari, mag tero lina pham kambing kon agha wetnerop aghag tero lirop. Anggur wana lolterop mag wendog nena, pham kambing kon agha wetnerop ag samenneag tero libanep kom. Ag samenneag tero libanep kom nena, anggur mag neneag agha iba lanalamnari, kon agha wetnerop ag eneko pikto nubu tanep. Nubu talamnari, kon agha wetnerop ag samenne pikto punguro phobanep. Phobaho tanena, kon agha wetnerop ag babe, anggur lolterop mag babe loba tanep. Undo unuanep kom aghana, nimiri anggur wana lolterop mag wendogne kon wendog kon agha wetnerop aghag tero lilamangba, kon agha wetnerop ag babe, anggur lolterop mag babe ni wali wamla,” aro ambatsiog.


Yesusti yubu lelamogpa, nimi taneko sembe saelba uhiropne nhon yaog. Yesus whingag yabu sanukto pulingkina kiplamogti, yubu lelamogti, “Na namangkel weneog loba tal. Aghana an yamendi, namangkelag sae pipmenba, kamag talul,” seog.
Wene seogpa, Yesus sekogpa, eldi yubu ka'ero neleptop nangap kelme ili ponekoag nelepto nhon palamek.
Inaag palamekpa, kelabo nhon eneng palamogha hengkun aobare seklero wamog kel nhon Yesus amik nelepto palamog. Yesus amik nelepto palamog kel enekori seneraglamogti, “Yesusti ag wangaro siliplengkamla ag olog po'obahaneri, wali tahane,” aro seneraghog. Wene aro seneraghogti nelepto palamogti, Yesusti wangaro siliplengkamog ag enekoag sirikag olog po'obaog. Po'obaogpa Yesus taongkom agha kel enekoag kembi agha yubu lelamogti, “Namangkel, wana khapto wamlulam! Nanag wana palilamlamne neneri an wali nembaghel,” seog. Wene seog abeneko pere kel eneko wali taog.
Kel eneko wali taogpa, Yesus tipto palamogha nimi taneko sembe saelba uhiropne ponekori aeag piog. Piogti kemelamsiogpa, nimi maikno longoro engelamek nimiap, ma'i lom toman pho aro seplamek nimiap ipsiog. Kembahiogti sinag yubu lelamogti, “Kelme ane ya'ag tebal kom. Elna mana agha malamla. Ane sembe a'un ni asag lambalulom!” seog.
Wene seogpa, nimi tanekori Yesusag og sobaek. Nimi taneko asag lambaekpa, Yesus wa'iogti kelme anekori saeag saelbaog. Saeag saelbaogpa, kelme eneko kamag tangom agha pukog. Yesusti undo unuaogne sembe yubu sabo taogpa, as ni taneko wamek nimiri ka'ebaek.

Yesus anekoa palamogpa, nimi phende inaag agha nelepto palamdek. Sindi yubu haum aro lelamdekti, “Daud sisange mangap talumne, nu yareag sembahi,” alamdek.
Yesus palamogha aeag wa'iogpa, haing urop nimi phende abeneko elag yarek. Yarekpa Yesusti sinag hailamsiogti, “A'undi sik senelamdomne, na mikipneri a'un wali nembahinep aro seneraglamdom te?” aro haibahiog. Haibahiogpa nimi abenekori, “Nai andi sik uro nu wali nembahinep,” serek.
Wene serekpa, Yesusti sindi haingag sae palilamsiogti, “A'undi nanag sikne aro wana palilamdomne sunsunum uro a'unag uro yabile,” seog.
Wene seogpa, sindi haing kwelekahiogpa, Yesusti nimi abenekoag yubu mikip uro wenelamsiogti, “Wene uro yabilne sembe nimi nhondi babe el taleag aro yae up tangkamturom,” seog. Aghana nimi abeneko pirekti, mog so'o ni anekoag Yesus sembe sabo nenero yubu ambarel pihirek.

Haing kwelekahiog nimi abeneko lanaro palamdekpa, nimi nhon kulomag phia yonge wamogpa, yubu lerop kom nimi nhon Yesusag payaek. Yesusti nimi enekoag phia kulomag wamogne neneko yag lambaogpa, abeneko pere nimi eneko wali taogti, yubu lelamog. Nimi maikno tanekori ibekti, lo'om aro yubu lelamekti, “Yaghe! Wene uro yabilne nu Israel nimiri so'oag ane ik nhon babe ilihirop kom,” alamek. Aghana Farisi nimi tanekori yubu lelamekti, “Phia sikini nubungeri elag mikipne pibongeag agha phia yag lanalamsil,” alamek.

Mog so'o tanekoag wamek as nubungeap ologneap Yesus ni kanero palamogti, Yahudi nimiri Allah yubu lero winirop aeag wa'ina yubu walinge Allahri yubu sia lero nimi saelba uhiroba sembe nimi amoro ambatto tongolamsiog. Yubu walinge ambarelamsiogpa, naiktopne wamekpa, naikna naiktoba niap, nimi nongag kikiptoba niap wali nenelamsiog. Yesusti nimi maikno wamek nimi taneko kemelamsiogpa, nimi taneko pham domba yae paia uhirop kom phamdi, “Tala pukap,” aro ophag arop pham domba saog nimi wamek. Yepsinep nimi orogti, wana ophag aro, “Sololamna,” senelamekpa kemelamsiogti, yareag sembahiog. Yareag senelamsiogti, eldi yubu ka'ero neleptop nangag ambarelamsiogti, “Gandum wana mauroba whinge maikno wamla aghana, yongon nimi ologha wamang. Ane sembe a'undi awe ngainge ponekoag molbamun andarina, eldi yongon nimi pogsilul,” seog.

Lalela Matius 9