If you have would like a copy of this version please contact info@davaraudiobibles.org

Text: Gowli New Testament, CC-BY-SA-4.0, The Love Fellowship. -- Audio: Gowli New Testament Audio Bible, CC-BY-SA-4.0, Davar Partners International, The Love Fellowship, 2023

Gowli New Testament

Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.

यीशु नी कुरकू गा गर्दी के धोटे, टुक्की लिंजेन थोळासा माठान ओले एठा डीच सुबानजे। मेटे दियागा चेलाकू दिया मेरान हेन। यीशु दिकुके इथू लज्जे,


धन्य होय दिकु! जो महसूसेवा कि दिकुन परमेश्वर गा जरुरत होय, चोयाकी स्वर्ग गा राज्य दिकुगा का होय। धन्य होय दिकु! जो दुख लक्के होय, चोयाकी परमेश्वर दिकुके तसल्ली जेबा। धन्य होय दिकु! जो नम्र होय, चोयाकी देटेन डी पृथ्वी दिकुगा डाऊवा, जो पृथ्वी के परमेश्वर डाबोलटे आरोएवा।
धन्य होय दिकु! जो धर्मिकता गा जीवन बिबातातिंज गा इच्छा डोएबा होय, चोयाकी परमेश्वर दिकुके शंतिकूबा। धन्य होय दिकु! जो दया डोएबा होय, चोयाकी परमेश्वर दिकु लिंजेन दया डोएबा। धन्य होय दिकु! जो मन गा सपा होय, चोयाकी दिकु परमेश्वर के डोगेचबा। धन्य होय दिकु! जो मिमलातिंज्बा होय, चोयाकी दिकु परमेश्वर गा कोणकुटे मेंटो हाकोकुवा।
धन्य होय दिकु! जो धर्म गा जीवन बिबीतातिंज गा वोजीटे सतातिंज्कुबा होय, चोयाकी स्वर्ग गा राज्य दिकुगा का होय। धन्य होय आपे! मेटे इंजा चेला आरु गा वोजीटे कुरकू आपेके बान मेंबा एठा पारेशान कोम्बा एठा लबाळ मंडीटे आमगा खिलाफबेन सेबाई रोंगो बुरा बातो टासो। खुशोऊ एठा मगन होना चोयाकी आपेगा घल्जी स्वर्ग गेन ईनाम होय। डीका रोंगो टे डेंगो कुरकू नी परमेश्वर गा कोनेटे मंडीमिठाच के सातातींजकेमी जो आपेटे सुटूका पेला डा।


आपे इनी दुनिया गा कुरकू घल्जी बुलूम गा रोंगो होय। पेनो बुलूम अच्छा होय, अगर बुलूम हेजा गा सिंबिल स्याएन टासो मेटे आपे तुनिका रोंगो टे भी डाबोलटे खारा बान हिरागेवा मेटे डी तुनिका कामाय गा बाऊ, बस येनेगा बाल्लन टेप्पाएवा एठा कोरो गा नंगा इटान टाजूबा। आपे पूरा दुनिया गा घल्जी उजाला रोंगो होय। जो पूरा टुक्की लिंजेन सुबानके होय, डी उखुबाने होय। एठा कुरकू म्या दिवा जुलटे म्या टोपला गा इटान बान दोडो पेनो म्या कोंडाळा लिंजेन डोएबा होय। मेटे डी दिवा डी उरा गा सेबाई कुरकू के उजाला जेबा होय। डिकारोंगो आपेगा उजाला कुरकू गा सम्मान चामकातिंजूवा कि आपेगा भला गा कामाय के धोटे आपेगा बाटे जो स्वर्ग गेन होय, जीमू डाऊवा।

इनी बाकी सामझातिन्जू, कि इंज मूसा गा नियम या परमेश्वर गा कोनेटे मंडीमिंकू शिक्षा के रराद्दा बाने पेनो पुपरा हेन होय। चोयाकी इंज आपेटे साच्चो-साच्चो मंडीवा होय, जब टाएन बदळा एठा पृथ्वी नशोऊ बाने मेटे टाएन परमेश्वर गा मूसा गा नियम गा टे सेबाई सानी-सानी बातो असारदार थंदळवा, जब टाएन दियागा सेबाई भविष्यवाणी पुराऊ बान टाएन।
इनिघल्जी जेकाभी इनी सानी टे सानी हुकूम के मनातिंजटे तुनिका म्या के बान आजोम, एठा डेनोगोका कुरकू के इथूकु, दिकु स्वर्ग गा राज्यन सेबाईकु टे सानी मांडेवा। पेनो जेकाभी दियागा पालान डायेबा एठा दिकुके इथूकुबा, डीका स्वर्ग राज्यन महान मांडेवा। चोयाकी इंज आपेटे मंडीवा, कि अगर आपे मूसा गा नियम इथूमिठाच एठा फरीसि कुरकू गा भी धार्मिकता टे अच्छा पलान बाकी दडा, मेटे आपे स्वर्ग गा राज्य गेन चोलाका बान मु।

आपे आजुम्के होय, कि परमेश्वर आलेगा जुना जमाना गा कुरकू के घाल्के डा। घोगेच बाकी दडा, एठा जेकाभी घोगेचबा डीच न्याय डाऊ जगान दण्डो लायको डाऊवा। पेनो इंज आपेटे इनी मंडीवा मेना, कि जेकाभी आपना डाईकु लिंजेन खिजाऊवा, डीचके न्याय जगान सेगेच्बा एठा डीचके सजा जेवाका। एठा जेकाभी हेजा डाईटेके बान कामय डाऊ मेंबा डीच खाटसभा गेन दण्डो लायको ठहरातिंजूबा, अगर आपे आपेगा डाईके मांडे आरे बेदिमाग देटेन नरक गा सिंगेल गा दण्डो गा लायकोऊबा।
इनिघल्जी अगर आम भार मंदिर गा वेदी लिंजेन साले एठा देटेके आम यादोएकी, कि तुनिका कोरो गा मन गेन इंजा खिलाफबेन खीजो होय, मेटे अमा भार वेदी लिंजेन आराकी, एठा सेने डो पेला डी कोरो टे मिलातिंजकु, मेटे सेने डो अमा भार परमेश्वर के पेडेजे। डीचनी अमा लिंजेन आनोवा टोकाके होय देटेन दियाटे जल्लो मिलातिंज्कू कही येनोगो बाकी डाऊ कि डीच आमके फैसला दडामिठाच गा टीन जीकेमी एठा हाकिम आमके सिपाई गा टीन जीकेमी एठा जेलेन येंडाकोम्बा। इंज आपेटे साच्चो मंडीवा कि मेटे टाएन आम इंकू सेबाईकु गा जिऊ बान टाएन, मेटे अमा लिंजेन आए टाएन थंदळके। मेटे टाएन आम जेलाटे बान आरागु।

आपे हुकूम हाडाई होय, जो इनी मंडीवा होय, “आनोवा बाकी दडा।” पेनो इंज्नी आपेटे इनी मंडीवाकी, कि जेकाभी तुनिका जापाए लिंजेन बेकार नजर टे दोडो टासो देटेन आपना मन टे दियाटे आनोवा डाके।
अगर आमेन पापो दडा गा घल्जी अमा डाखोरया मेट आमके माजबूर कोम्बा, मेटे आम इनिके कोलाटे टेप्पाकी, चोयाकी अमा घल्जी येटेन अच्छा होय, कि अमा कोम्बोर गा म्या अंग नाशोऊवा एठा अमा सेबाई कोम्बोर नरक गेन सेने टे बचातिंजू। अगर आमेन पापो दडा गा घल्जी अमा डाखोरया टी आमके माजबूर कोम्बा, मेटे आम इनिके म्हाटे टेप्पाकी, चोयाकी अमा घल्जी येटेन अच्छा होय, कि अमा कोम्बोर म्या अंग नाशोऊवा, एठा अमा सेबाई कोम्बोर नरक गेन सेने टे बचातिंजू।

“आपे हुकूम हाडाई मेना, जेकाभी हेजा जापाए के आराकेच, डीचके आरापत्र जिकी। यीशु नी चेलाकू टे मंडीके, जो जेकाभी हेजा जपाएके आनोवा सिवाए तुनिका दूसरा वाजाटे फारगाती जे, मेटे डीच दियाटे आनोवा दडावा होय। एठा जो जेकाभी आराके जापाए गा सेंग्गोन ब्याह दडा टासो। मेटे डीच आनोवा दडावा होय।”

आपेन हाडाई होय, परमेश्वर आलेगा जुना सनाकु टे मंडीके डा, लाबाळ कासोम बाकी जोम, पेनो परमेश्वर गा घल्जी आपना कासोम के पुराए। पेनो इंज आपेटे इनी मंडीवाकी, कि चोलाकाभी कासोम बाकी जोम, न स्वर्ग गा, चोयाकी डी परमेश्वर गा सिंघासन होय। न धरती गा, चोयाकी देटेन हेजा गा नंगा दोडोवा होय, न यरूशलेम शहर गा, चोयाकी देटेन महाराजा गा पूरा होय। आपना कापरा गा भी कासोम बाकी जोम, चोयाकी आम म्या हुफ गा भी न पुलूम, न केंडे बाने होय। पेनो आपेगा बातो हां गा हां, या ना गा ना होना, चोयाकी येनेटे जादा जो चोचकाभी आपे मंडीवा, दिकु बुरा होय। चोयाकी डी शैतान गा कोनेटे हेजेवा होय।


आपे हाडाई होय, कि मूसा गा नियम गेन ओल्के होय, कि मेट गा बेदला मेट, एठा तिळींज गा बेदला तिळींज। पेनो इंज आपेटे सच्चो-सच्चो मंडीवा मेना, जो आपेगा सेंग्गोन चोच्का बुराई दडावा होय। जेकाटेका बदला बाकी सा। पेनो जेकाभी अमागा डाखुरी जोकाके थपडाए टासो, मेटे दूसरा जोकाकेभी सम्मान कि। एठा अगर जेका अमा लिंजेन मुकद्दमा टे अमा कुर्ता सा टासो, मेटे डीचके फुल्लाभी सा डाए। अगर तुनिका सैनिक आमके म्या किलो मीटर सेंदरा घल्जी मजबूर कोम्बा मेटे दिया सेंग्गोन बरी किलो मीटर सेंजू। जेकाभी अमाटे आसी टासो, डीचके जिकी, एठा जो अमाटे उदार सा टासो, डीच कोनेटे म्वार बाकी आसुर।
आपेनी आजुम्के मेना जो कुरकू मंडीवा होय, कि मूसा नियम गेन चोच ओल्के डा। कि अमा मेराकू टे प्यार डोए, अमा दुश्मान कुटे दुश्मान डोए। पेनो इंज आपेटे इनी मंडीवा होय, कि अमा दुश्मनकु टे प्यार डोए एठा अमा ससातातिंज मिन्कुके प्रार्थना डाए। दियाटे अमा स्वर्ग गा बाटे गा कोण आरुवा, चोयाकी देटेन भला कुरकू एठा बुरा कुरकू बारखींज लिंजेन अमा सूर्या ओडेवा होय। एठा धर्मी एठा अधर्मी कुरकू लिंजेन डा घामागेवा होय। चोयाकी अगर आपे अमागा प्यार दोडोमिंकू टे प्यार डोए, मेटे परमेश्वर आपेके फल बान जिऊ, चोयाकी घारटेक्षा सा मिंकूभी एनेगो दडावा होय।
अगर आपे बस आपेका डाईचो के नमस्कार डाएवा, मेटे आपे तुनी खाट कामय दडावा होय? अलग्गो जाटो गा कुरकू जो परमेश्वर के बान हाडाई दिकुभी येनोगोका दडावा होय। इनिघल्जी होनाकी हमेशा डीका डाए जो अच्छा होय, येनोगोका आपेगा स्वर्ग बाटे दडावा होय।

Lalela मत्ती 5