<div class="version vid3500 iso6393zul" data-vid="3500" data-iso6393="zul">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s1">UJesu Ungenisa KwaZakewu</div><div class="p"> 1UJesu wangena eJerikho, wadabula kulo. 2Kwakukhona indoda okuthiwa nguZakewu, ingumthelisi omkhulu, futhi icebile. 3Yayifuna ukumbona uJesu ukuthi ungubani, kodwa yehluleka ngenxa yesixuku sabantu, ngokuba yayimfushane. 4Yagijimela phambili, yagibela esihlahleni somthombe, ukuze imbone, ngokuba wayezakwedlula ngalapho.</div><div class="p"> 5UJesu esefikile kuleyo ndawo, wabheka phezulu, wathi kuyo: &#8220;Zakewu, shesha wehle, ngokuba namuhla kufanele ngingenise endlini yakho.&#8221;</div><div class="p"> 6UZakewu washesha wehla, wamemukela ngokuthokoza.</div><div class="p"> 7Kuthe lapho bekubona lokho, bakhononda bonke, bathi: &#8220;UJesu ungenise endlini yendoda eyisoni.&#8221;</div><div class="p"> 8 Kepha uZakewu wasukuma, wathi eNkosini: &#8220;Nkosi, ngipha abampofu ingxenye yempahla yami; kuthi uma ngimqolile umuntu okuthile, ngikubuyisele kuye sekuphindwe kane.&#8221;</div><div class="p"> 9UJesu wathi kuye: &#8220;Namuhla insindiso ifikile kule ndlu, lokhu naye uyindodana ka-Abhrahama. 10 Ngokuba iNdodana yomuntu ize ukuzofuna nokusindisa okulahlekileyo.&#8221;</div><div class="s1">Umzekeliso Ngomina Abayishumi</div><div class="r">(Mat. 25:14)</div><div class="p"> 11 Kuthe abantu besalalele lokho, uJesu waqhubeka wabalandisa umzekeliso, ngokuba wayeseduze neJerusalema, nangokuba babethi umbuso kaNkulunkulu uzakubonakala masinyane. 12 Wathi-ke: &#8220;Kwakukhona umuntu wasebukhosini owaya ezweni elikude eyozithathela umbuso bese ebuya. 13Wabiza izinceku zakhe ezilishumi, wazinika uhlamvu lwemali ngayinye, wathi kuzo: &#8216;Hwebani ngazo ngize ngibuye.&#8217;</div><div class="p"> 14 &#8220;Kepha abantu bezwe lakhe babemzonda, ngakho-ke bathumela amanxusa, amlandela, ukuba afike lapho, athi: &#8216;Asithandi ukuba lo abuse phezu kwethu.&#8217;</div><div class="p"> 15&#8220;Kwathi esebuyile ekuthatheni umbuso, wazibiza lezo zinceku ayezinike imali ukuze ezwe ukuthi zizuzeni ngokuhweba.</div><div class="p"> 16&#8220;Kweza eyokuqala, yathi: &#8216;Nkosi, uhlamvu lwakho lwemali luzuze izinhlamvu zemali ezilishumi.&#8217;</div><div class="p"> 17&#8220;Wathi kuyo: &#8216;Kuhle-ke, nceku enhle, ngokuba wethembekile kokuncane, uzakubusa imizi elishumi.&#8217;</div><div class="p"> 18&#8220;Kweza neyesibili, yathi: &#8216;Nkosi, uhlamvu lwakho lwemali luzuze eziyisihlanu.&#8217;</div><div class="p"> 19&#8220;Wathi nakuleyo: &#8216;Nawe busa imizi emihlanu.&#8217;</div><div class="p"> 20&#8220;Kweza nenye, yathi: &#8216;Nkosi, nantu uhlamvu lwakho lwemali engalusonga ngendwangu ngalulondoloza. 21Phela bengikwesaba, kwazise ungumuntu olukhuni. Uthatha ongazange ukubeke, uvune ongazange ukuhlwanyele.&#8217;</div><div class="p"> 22&#8220;Wathi kuyo: &#8216;Ngizakwehlulela ngamazwi akho, wena nceku embi. Ubuwazi kahle ukuthi ngingumuntu olukhuni: ngithatha engingazange ngikubeke, ngivune engingakuhlwanyelanga. 23Kungani ungalufakanga uhlamvu lwemali yami ebhange, khona kuzothi ekubuyeni kwami, ngiluthole nenzalo na?&#8217;</div><div class="p"> 24&#8220;Wayesethi kwababemi lapho: &#8216;Mephuceni uhlamvu lwemali, nilunike onezilishumi.&#8217;</div><div class="p"> 25&#8220;Kepha bathi kuye: &#8216;Nkosi, unezinhlamvu zemali ezilishumi.&#8217;</div><div class="p"> 26 &#8220;Ngithi kini: yilowo nalowo onakho, uyakuphiwa; kodwa lowo ongenakho, uyakwemukwa nalokho anakho. 27Kepha lezo zitha zami ezazingathandi ukuba ngizibuse, ziletheni lapha, nizibulale ngizibonela ngawami.&#8221;</div><div class="p"> 28Kuthe esekushilo lokho wayeseqhubeka nohambo, wakhuphukela eJerusalema.</div><div class="s1">UJesu Ungena EJerusalema</div><div class="r">(Mat. 21:1; Mak. 11:1; Joh. 12:12)</div><div class="p"> 29Kwathi uJesu esesondele eBhethifage naseBhethani, ngasentabeni okuthiwa eYeminqumo, wathuma abafundi ababili, 30ethi: &#8220;Hambani niye emzaneni oqondene nani, kuzakuthi lapho ningena, nifumane ithole lembongolo likhulekiwe, okungazange kuhlale muntu kulo. Lithukululeni, nililethe lapha.</div><div class="p"> 31&#8220;Uma kukhona umuntu onibuzayo, ethi: &#8216;Nilithukulelani na?&#8217; anothi: &#8216;INkosi iyalidinga.&#8217; &#8221;</div><div class="p"> 32Ababethunyiwe bahamba, bathola kunjengalokhu ayebatshelile. 33Kuthe besalithukulula ithole, abaninilo bathi kubo: &#8220;Nilithukululelani ithole na?&#8221;</div><div class="p"> 34Bathi: &#8220;INkosi iyalidinga.&#8221;</div><div class="p"> 35Base beliletha kuJesu, babeka izingubo zabo phezu kwalo, bamgibelisa kulo uJesu. 36Esahamba, bendlala izingubo zabo endleleni.</div><div class="p"> 37Kuthe esesondele emehlelweni weNtaba Yeminqumo isixuku sonke sabafundi saqala ukuthokoza nokudumisa uNkulunkulu ngezwi elikhulu ngazo zonke izimangaliso esizibonileyo, 38 sithi:</div><div class="b"></div><div class="q1">&#8220;Ubusisiwe uMbusi ozayo egameni leNkosi,</div><div class="q1">ukuthula ezulwini nenkazimulo kweliphezulu!&#8221;</div><div class="b"></div><div class="p"> 39Abanye babaFarisi besesixukwini, bathi kuye: &#8220;Mfundisi, bakhuze abafundi bakho.&#8221;</div><div class="p"> 40 Waphendula wathi: &#8220;Ngithi kini: uma bethula laba, amatshe azakumemeza.&#8221;</div><div class="p"> 41Kwathi lapho esondela, ewubona umuzi, wawukhalela. 42Wathi: &#8220;Sengathi ngabe nawe ubuwazi ngalolu lusuku, lokho okungakulethela ukuthula. Kepha manje kufihlakele emehlweni akho. 43Ngokuba uyakufikelwa yizinsuku lapho izitha zakho ziyakwakha ugange, zikuhaqe, zikuvimbezele macala wonke. 44 Zikuqumbe phansi othulini, wena nabantu abanawe; aziyukushiya litshe phezu kwelinye phakathi kwakho. Ngokuba awusazanga isikhathi sokuhanjelwa kwakho.&#8221;</div><div class="s1">UJesu Uhlanza Ithempeli</div><div class="r">(Mat. 21:12; Mak. 11:15)</div><div class="p"> 45UJesu wangena ethempelini, waqala ukuxosha abathengisayo, 46 wathi kubo: &#8220;Kulotshiwe ukuthi: &#8216;Indlu yami iyakuba yindlu yokukhuleka,&#8217; kodwa nina niyenze &#8216;umhume wabaphangi.&#8217; &#8221;</div><div class="p"> 47 Wayefundisa ethempelini imihla ngemihla. Kepha abaphristi abakhulu, izazimthetho, nezikhulu zabantu, zafuna ukumbulala. 48Kepha babengazi ukuthi bazokwenza kanjani, ngokuba bonke abantu babenamathele kuye, bemlalele.</div>
 </div>
 </div>
</div>

Bible in isiZulu 2020 © Bible Society of South Africa 2020. Digital Version © Bible Society of South Africa 2020. All rights reserved. www.biblesa.co.za.  Bible in isiZulu 2020 with Deuterocanonical Books © Bible Society of South Africa 2020. Digital Version © Bible Society of South Africa 2020. All rights reserved. www.biblesa.co.za.

UJesu wangena eJerikho, wadabula kulo. Kwakukhona indoda okuthiwa nguZakewu, ingumthelisi omkhulu, futhi icebile. Yayifuna ukumbona uJesu ukuthi ungubani, kodwa yehluleka ngenxa yesixuku sabantu, ngokuba yayimfushane. Yagijimela phambili, yagibela esihlahleni somthombe, ukuze imbone, ngokuba wayezakwedlula ngalapho.
UJesu esefikile kuleyo ndawo, wabheka phezulu, wathi kuyo: “Zakewu, shesha wehle, ngokuba namuhla kufanele ngingenise endlini yakho.”
UZakewu washesha wehla, wamemukela ngokuthokoza.
Kuthe lapho bekubona lokho, bakhononda bonke, bathi: “UJesu ungenise endlini yendoda eyisoni.”
Kepha uZakewu wasukuma, wathi eNkosini: “Nkosi, ngipha abampofu ingxenye yempahla yami; kuthi uma ngimqolile umuntu okuthile, ngikubuyisele kuye sekuphindwe kane.”
UJesu wathi kuye: “Namuhla insindiso ifikile kule ndlu, lokhu naye uyindodana ka-Abhrahama. Ngokuba iNdodana yomuntu ize ukuzofuna nokusindisa okulahlekileyo.”


Kuthe abantu besalalele lokho, uJesu waqhubeka wabalandisa umzekeliso, ngokuba wayeseduze neJerusalema, nangokuba babethi umbuso kaNkulunkulu uzakubonakala masinyane. Wathi-ke: “Kwakukhona umuntu wasebukhosini owaya ezweni elikude eyozithathela umbuso bese ebuya. Wabiza izinceku zakhe ezilishumi, wazinika uhlamvu lwemali ngayinye, wathi kuzo: ‘Hwebani ngazo ngize ngibuye.’
“Kepha abantu bezwe lakhe babemzonda, ngakho-ke bathumela amanxusa, amlandela, ukuba afike lapho, athi: ‘Asithandi ukuba lo abuse phezu kwethu.’
“Kwathi esebuyile ekuthatheni umbuso, wazibiza lezo zinceku ayezinike imali ukuze ezwe ukuthi zizuzeni ngokuhweba.
“Kweza eyokuqala, yathi: ‘Nkosi, uhlamvu lwakho lwemali luzuze izinhlamvu zemali ezilishumi.’
“Wathi kuyo: ‘Kuhle-ke, nceku enhle, ngokuba wethembekile kokuncane, uzakubusa imizi elishumi.’
“Kweza neyesibili, yathi: ‘Nkosi, uhlamvu lwakho lwemali luzuze eziyisihlanu.’
“Wathi nakuleyo: ‘Nawe busa imizi emihlanu.’
“Kweza nenye, yathi: ‘Nkosi, nantu uhlamvu lwakho lwemali engalusonga ngendwangu ngalulondoloza. Phela bengikwesaba, kwazise ungumuntu olukhuni. Uthatha ongazange ukubeke, uvune ongazange ukuhlwanyele.’
“Wathi kuyo: ‘Ngizakwehlulela ngamazwi akho, wena nceku embi. Ubuwazi kahle ukuthi ngingumuntu olukhuni: ngithatha engingazange ngikubeke, ngivune engingakuhlwanyelanga. Kungani ungalufakanga uhlamvu lwemali yami ebhange, khona kuzothi ekubuyeni kwami, ngiluthole nenzalo na?’
“Wayesethi kwababemi lapho: ‘Mephuceni uhlamvu lwemali, nilunike onezilishumi.’
“Kepha bathi kuye: ‘Nkosi, unezinhlamvu zemali ezilishumi.’
“Ngithi kini: yilowo nalowo onakho, uyakuphiwa; kodwa lowo ongenakho, uyakwemukwa nalokho anakho. Kepha lezo zitha zami ezazingathandi ukuba ngizibuse, ziletheni lapha, nizibulale ngizibonela ngawami.”
Kuthe esekushilo lokho wayeseqhubeka nohambo, wakhuphukela eJerusalema.


Kwathi uJesu esesondele eBhethifage naseBhethani, ngasentabeni okuthiwa eYeminqumo, wathuma abafundi ababili, ethi: “Hambani niye emzaneni oqondene nani, kuzakuthi lapho ningena, nifumane ithole lembongolo likhulekiwe, okungazange kuhlale muntu kulo. Lithukululeni, nililethe lapha.
“Uma kukhona umuntu onibuzayo, ethi: ‘Nilithukulelani na?’ anothi: ‘INkosi iyalidinga.’ ”
Ababethunyiwe bahamba, bathola kunjengalokhu ayebatshelile. Kuthe besalithukulula ithole, abaninilo bathi kubo: “Nilithukululelani ithole na?”
Bathi: “INkosi iyalidinga.”
Base beliletha kuJesu, babeka izingubo zabo phezu kwalo, bamgibelisa kulo uJesu. Esahamba, bendlala izingubo zabo endleleni.
Kuthe esesondele emehlelweni weNtaba Yeminqumo isixuku sonke sabafundi saqala ukuthokoza nokudumisa uNkulunkulu ngezwi elikhulu ngazo zonke izimangaliso esizibonileyo, sithi:

“Ubusisiwe uMbusi ozayo egameni leNkosi,
ukuthula ezulwini nenkazimulo kweliphezulu!”

Abanye babaFarisi besesixukwini, bathi kuye: “Mfundisi, bakhuze abafundi bakho.”
Waphendula wathi: “Ngithi kini: uma bethula laba, amatshe azakumemeza.”
Kwathi lapho esondela, ewubona umuzi, wawukhalela. Wathi: “Sengathi ngabe nawe ubuwazi ngalolu lusuku, lokho okungakulethela ukuthula. Kepha manje kufihlakele emehlweni akho. Ngokuba uyakufikelwa yizinsuku lapho izitha zakho ziyakwakha ugange, zikuhaqe, zikuvimbezele macala wonke. Zikuqumbe phansi othulini, wena nabantu abanawe; aziyukushiya litshe phezu kwelinye phakathi kwakho. Ngokuba awusazanga isikhathi sokuhanjelwa kwakho.”


UJesu wangena ethempelini, waqala ukuxosha abathengisayo, wathi kubo: “Kulotshiwe ukuthi: ‘Indlu yami iyakuba yindlu yokukhuleka,’ kodwa nina niyenze ‘umhume wabaphangi.’ ”
Wayefundisa ethempelini imihla ngemihla. Kepha abaphristi abakhulu, izazimthetho, nezikhulu zabantu, zafuna ukumbulala. Kepha babengazi ukuthi bazokwenza kanjani, ngokuba bonke abantu babenamathele kuye, bemlalele.

Lalela NgokukaLuka 19