If you would like a copy of this version please contact info@davaraudiobibles.org

Una Old Testament

<div class="version vid3385 iso6393mtg" data-vid="3385" data-iso6393="mtg">
 <div class="book bkGEN">
 <div class="chapter ch11" data-usfm="GEN.11">
 <div class="label">11</div><div class="s">Babel dam ai dukoka doramnyi deyok</div><div class="sr"> 11:1-9</div><div class="p"> 1Minob yuma talak ara tukwetam ninyi nirya sun uram ena babyi, uram danguna babyi tentok uram akwe sisikdandoka bingdaramnyi. 2Ani, yuma anaboka, yaletam kuboka da yangaramnyi uca, Sinear#11:2 Mutuk si Sinear ara Babilonia mutuk ati ebyi. mutuk dam asi mutuk lu tentok asing eibmaici, a mutuk dam yandoka kuramnyi. 3A mutuk dam kuramnyi talak aryi ato eboka uram ebdanin yibinmai, &#8220;A mabwe! Ai abilinga dukoka dobkwayeb ati, tukwe ngat aryi uk dabokabibiryi, kat kibci ura, ai abilinga dukoka dobkwayeb,&#8221; ebdanmai. Ura, ton tukwe ila aryi ton tukwe ila asi dukdongoboka denen keica ati, iya denen keica kiknibmai. 4Ani, tonda ato eboka sisikmai ara, &#8220;Nun yuk-yuk mutuk kum bokdankwayeb ati, a mutuk akwe nun atei dobdobibiryi weik atei kibdeibkwayeb. Ani, tonda ilila ai nun tentok dukoka dobde weleamibyi ani, im si tobkwande. Ba, nunsi yuk nang aryi kisal dakoka nunsi si erebdeibkwansing,&#8221; eboka uram sisikamiryi doamyi. 5Ba, uki tentok tum ara Er Iya Erebdobnyi biryi ninyi aryi Babel mutuk nirya ai sirik doramnyi atei ab, ilila ai dukoka doramnyi ai ab asi yuryanmouci, eibmou. 6Ura, Iya Erebdobnyi biryi ato ebmou, &#8220;Sun ninyi ara tentoknyi deibdoba yala kunung deyok aryi sun nirya tentok uram akwe enung. Ara, yuma deyok kouboka kubde banmang talak ababyi ato kubmang. Aminda do talak kubde binkwaming ara wanok yukto dinyi uram sisikoka kunubkwamingca. 7Ati, Nun tukwetam yurbindoka, sun uram tentok sisingnung asi bokwalwalabkabokwayeb.#11:7 &#8220;Nun yurbindoka walwalabkabokwayeb,&#8221; ebmou ara Er Iya Erebdobnyi ab, Er Mi Yesus ab, Roh kudus ab sisikmai. Ba, sun uram yuk-yuk kibdeibokeibyi ba, sun uram bingdana kum kubkwaming,&#8221; ebmou. 8Ura, Er Iya Erebdobnyi biryi sunsi ato kuboka bokwalwalabkabokmou. Ba, a doramnyi ai takloboka, yuk-yuk mutuk im dangna tukwe dangna binsekmai. 9Ninyi yuk-yuk im dangna tukwe dangna mutuk binsekamnyi ara yuma ato kuboka bokeiamwe. Ara, Er Iya Erebdobnyi biryi ninyi uram bokwalwalabkabmouci, tukwetam ninyi uram yuk-yuk sisingnung uram asi yuk-yuk kibdeibmou. Ba, tukwetam ninyi nirya yuk-yuk uram enung. A deyok aryi a mutuk si ara Babel enung.</div><div class="s">Sem deibdoba yala si deyok</div><div class="sr"> 11:10-26</div><div class="p"> 10Sem er mabwe yaldakamwe ara ato kuboka yaldakamwe. Sem er kam kuramwe talak kwalina ara yubwa 100 baryi kwaliamnyi. Ba, erebkaboka ilila me kwan dingiboka ninyi nirya kum dandeibmoua sirya cebmou talak ara kwalina bitinyi kwalibmou ura, er mi Arpakhsad deibmou. 11Sem er kam kuramwe kwalina uki nungna ara 500 baryi. A kuramwe talak ara Arpakhsad ab yuk mabwe ab, nermabwe ab deiamwe. 12Arpakhsad er kam kuna 35 baryi kurbinmou ura, sal mi deibmou. A mi si ara Selah. 13Arpakhsad biryi Selah deiamwe karin kuramwe ani, kwalina uki nungna 403 baryi kwalibmou ura, yuk mabwe ab nermabwe ab deibmou. 14Selah kwalina uki nungna 30 baryi kurbinmou ura, Eber deibmou. 15Selah biryi Eber deiamwe karin kuramwe ani, bira Eber deiamwe uki nungna 403 baryi kwalibmou ura, yuk mabwe ab nerabwe ab deibmou. 16Eber kwalina uki nungna 34 baryi kurbinmou ura, Eber biryi Peleg deibmou. 17Eber biryi Peleg deiamwe karin kam kuramwe kwalina uki nungna 430 baryi kubmou ura, yuk mabwe ab nerabwe ab deibmou. 18Peleg kwalina uki 30 baryi kubmou ura, Rehu deibmou. 19Peleg biryi Rehu deiamwe karin kuramwe ani, kwalina uki nungna 209 baryi kurbinmou ura, yuk mabwe ab nermabwe ab deibmou. 20Rehu kwalina uki nungna 32 baryi kwalibmou ura, Serug deibmou. 21Rehu biryi Serug deiamwe karin kuramwe ani, kwalina uki nungna 207 baryi kurbinmou ura, yuk mabwe ab nermabwe ab deibmou. 22Serug kwalina uki nungna 30 baryi kurbinmou ura, Nahor deibmou. 23Serug biryi Nahor deiamwe talak kuramwe ani, kwalina uki nungna 200 baryi kubwe ura, yuk sal mabwe ab nermabwe ab deibmou. 24Nahor kwalina uki nungna 29 baryi kurbinmou ura, Terah deibmou. 25Nahor biryi Terah deiamwe karin kuramwe ani, kwalina uki nungna 119 baryi kubmou ura, yuk mabwe ab nermabwe ab deibmou. 26Terah kuramwe ani, kwalina uki nungna 70 baryi kwalibmou ura, mabwe winiryi deibmou. A mabwe si ara Abram ab, Nahor ab, Haran ab deibmou.</div><div class="s">Terah yaldangna deyok</div><div class="sr"> 11:27-32</div><div class="p"> 27Ara, Terah biryi ner sal yaldakde baramwe ara ato: Terah er mabwe si ara Abram ab, Haran ab, Nahor ab deiamwe. Ba, Haran biryi Lot deiamwe. 28Ba, Haran er nai Terah bira kam tuba kuramwe bok, er mi Haran bira er deiamnyi mutuk si Ur-Kasdim dam aryi dibmou ba, tukwe dongobmai. 29Abram ab, Nahor ab ara ner sirya dobmarei. Abram ner si ara Sarai dobmou. Ba, Nahor bira Haran nebnyi si Milka dobmou. Milka er weit ner ara Yiska kuramwe. 30Ba, Abram ner Sarai bira mi you ner kuramuryi, mi ton kum deiriramwe. 31Ura, Terah biryi er mi Abram ab, er mi Abram ner Sarai ab, Abram er weit Haran mi si Lot ab, tonkwa Ur-Kasdim dam aryi anabmaici, Kanaan deibdoba nang mutuk binmai. Sirya Haran deibdoba nang mutuk binmai ura, a mutuk bindoka kuramnyi. 32Ura, sun nai Terah bira kwalina yubwa 205 baryi sirya kwalibmouci, dibmou. Ba, Haran mutuk dam tukwe dongobmai.</div>
 </div>
 </div>
</div>

@LAI 2007 (New Testament), @LAI2022 (Old and New Testament)

Minob yuma talak ara tukwetam ninyi nirya sun uram ena babyi, uram danguna babyi tentok uram akwe sisikdandoka bingdaramnyi. Ani, yuma anaboka, yaletam kuboka da yangaramnyi uca, Sinear mutuk dam asi mutuk lu tentok asing eibmaici, a mutuk dam yandoka kuramnyi. A mutuk dam kuramnyi talak aryi ato eboka uram ebdanin yibinmai, “A mabwe! Ai abilinga dukoka dobkwayeb ati, tukwe ngat aryi uk dabokabibiryi, kat kibci ura, ai abilinga dukoka dobkwayeb,” ebdanmai. Ura, ton tukwe ila aryi ton tukwe ila asi dukdongoboka denen keica ati, iya denen keica kiknibmai. Ani, tonda ato eboka sisikmai ara, “Nun yuk-yuk mutuk kum bokdankwayeb ati, a mutuk akwe nun atei dobdobibiryi weik atei kibdeibkwayeb. Ani, tonda ilila ai nun tentok dukoka dobde weleamibyi ani, im si tobkwande. Ba, nunsi yuk nang aryi kisal dakoka nunsi si erebdeibkwansing,” eboka uram sisikamiryi doamyi. Ba, uki tentok tum ara Er Iya Erebdobnyi biryi ninyi aryi Babel mutuk nirya ai sirik doramnyi atei ab, ilila ai dukoka doramnyi ai ab asi yuryanmouci, eibmou. Ura, Iya Erebdobnyi biryi ato ebmou, “Sun ninyi ara tentoknyi deibdoba yala kunung deyok aryi sun nirya tentok uram akwe enung. Ara, yuma deyok kouboka kubde banmang talak ababyi ato kubmang. Aminda do talak kubde binkwaming ara wanok yukto dinyi uram sisikoka kunubkwamingca. Ati, Nun tukwetam yurbindoka, sun uram tentok sisingnung asi bokwalwalabkabokwayeb. Ba, sun uram yuk-yuk kibdeibokeibyi ba, sun uram bingdana kum kubkwaming,” ebmou. Ura, Er Iya Erebdobnyi biryi sunsi ato kuboka bokwalwalabkabokmou. Ba, a doramnyi ai takloboka, yuk-yuk mutuk im dangna tukwe dangna binsekmai. Ninyi yuk-yuk im dangna tukwe dangna mutuk binsekamnyi ara yuma ato kuboka bokeiamwe. Ara, Er Iya Erebdobnyi biryi ninyi uram bokwalwalabkabmouci, tukwetam ninyi uram yuk-yuk sisingnung uram asi yuk-yuk kibdeibmou. Ba, tukwetam ninyi nirya yuk-yuk uram enung. A deyok aryi a mutuk si ara Babel enung.


Sem er mabwe yaldakamwe ara ato kuboka yaldakamwe. Sem er kam kuramwe talak kwalina ara yubwa 100 baryi kwaliamnyi. Ba, erebkaboka ilila me kwan dingiboka ninyi nirya kum dandeibmoua sirya cebmou talak ara kwalina bitinyi kwalibmou ura, er mi Arpakhsad deibmou. Sem er kam kuramwe kwalina uki nungna ara 500 baryi. A kuramwe talak ara Arpakhsad ab yuk mabwe ab, nermabwe ab deiamwe. Arpakhsad er kam kuna 35 baryi kurbinmou ura, sal mi deibmou. A mi si ara Selah. Arpakhsad biryi Selah deiamwe karin kuramwe ani, kwalina uki nungna 403 baryi kwalibmou ura, yuk mabwe ab nermabwe ab deibmou. Selah kwalina uki nungna 30 baryi kurbinmou ura, Eber deibmou. Selah biryi Eber deiamwe karin kuramwe ani, bira Eber deiamwe uki nungna 403 baryi kwalibmou ura, yuk mabwe ab nerabwe ab deibmou. Eber kwalina uki nungna 34 baryi kurbinmou ura, Eber biryi Peleg deibmou. Eber biryi Peleg deiamwe karin kam kuramwe kwalina uki nungna 430 baryi kubmou ura, yuk mabwe ab nerabwe ab deibmou. Peleg kwalina uki 30 baryi kubmou ura, Rehu deibmou. Peleg biryi Rehu deiamwe karin kuramwe ani, kwalina uki nungna 209 baryi kurbinmou ura, yuk mabwe ab nermabwe ab deibmou. Rehu kwalina uki nungna 32 baryi kwalibmou ura, Serug deibmou. Rehu biryi Serug deiamwe karin kuramwe ani, kwalina uki nungna 207 baryi kurbinmou ura, yuk mabwe ab nermabwe ab deibmou. Serug kwalina uki nungna 30 baryi kurbinmou ura, Nahor deibmou. Serug biryi Nahor deiamwe talak kuramwe ani, kwalina uki nungna 200 baryi kubwe ura, yuk sal mabwe ab nermabwe ab deibmou. Nahor kwalina uki nungna 29 baryi kurbinmou ura, Terah deibmou. Nahor biryi Terah deiamwe karin kuramwe ani, kwalina uki nungna 119 baryi kubmou ura, yuk mabwe ab nermabwe ab deibmou. Terah kuramwe ani, kwalina uki nungna 70 baryi kwalibmou ura, mabwe winiryi deibmou. A mabwe si ara Abram ab, Nahor ab, Haran ab deibmou.


Ara, Terah biryi ner sal yaldakde baramwe ara ato: Terah er mabwe si ara Abram ab, Haran ab, Nahor ab deiamwe. Ba, Haran biryi Lot deiamwe. Ba, Haran er nai Terah bira kam tuba kuramwe bok, er mi Haran bira er deiamnyi mutuk si Ur-Kasdim dam aryi dibmou ba, tukwe dongobmai. Abram ab, Nahor ab ara ner sirya dobmarei. Abram ner si ara Sarai dobmou. Ba, Nahor bira Haran nebnyi si Milka dobmou. Milka er weit ner ara Yiska kuramwe. Ba, Abram ner Sarai bira mi you ner kuramuryi, mi ton kum deiriramwe. Ura, Terah biryi er mi Abram ab, er mi Abram ner Sarai ab, Abram er weit Haran mi si Lot ab, tonkwa Ur-Kasdim dam aryi anabmaici, Kanaan deibdoba nang mutuk binmai. Sirya Haran deibdoba nang mutuk binmai ura, a mutuk bindoka kuramnyi. Ura, sun nai Terah bira kwalina yubwa 205 baryi sirya kwalibmouci, dibmou. Ba, Haran mutuk dam tukwe dongobmai.

Lalela Kejadian Uram 11