<div class="version vid3311 iso6393mcb" data-vid="3311" data-iso6393="mcb">
    <div class="book bkJON">
        <div class="chapter ch4" data-usfm="JON.4">
            <div class="label">4</div><div class="s"><span class="heading">Ikisanakara Jonashi</span></div><div class="p"><span class="content">  </span><span class="verse v1" data-usfm="JON.4.1"><span class="label">1</span><span class="content">Yogari Jonashi ineakera tera intsatagero Tasorintsi ikantavetakarira inkisashiigakemparimera Ninivekunirira impogereaigakerira, irirori ineakero tera onkametitimoteri ovashi ikisanaka.</span></span></div><div class="m"><span class="verse v1" data-usfm="JON.4.1"><span class="content">  </span></span><span class="verse v2" data-usfm="JON.4.2"><span class="label">2</span><span class="content">Impo iniakeri Tasorintsi, ikantiri:</span></span></div><div class="p"><span class="verse v2" data-usfm="JON.4.2"><span class="content">&#171;Nero, Notinkami, nokantasanotakeniroro okyara ai&#241;okyara nonavetara anta nogipatsiteku. Irorotari nokogantavetakarira noshiganakemera noatakemera Tarisuku, nogotakempitari vinti Tasorintsi kametiri, aikiro pairo pitsarogakagantavageta, tera shintsi pinkisempa, pairotari pitasanotantavageta pikantavetaka nonkisashiigakempari impo ariokya pikantatigavairo.</span></span></div><div class="m"><span class="verse v2" data-usfm="JON.4.2"><span class="content">  </span></span><span class="verse v3" data-usfm="JON.4.3"><span class="label">3</span><span class="content">Irorotari, nonkantantakempirira maika, Tasorintsi, atsi gamagena. Pairo okametitake nonkamakera avisakero nontimaera.&#187;</span></span></div><div class="p"><span class="verse v3" data-usfm="JON.4.3"><span class="content">  </span></span><span class="verse v4" data-usfm="JON.4.4"><span class="label">4</span><span class="content">Kantankicha yogari Tasorintsi ikantiri:</span></span></div><div class="p"><span class="verse v4" data-usfm="JON.4.4"><span class="content">&#171;&#191;Pineakero viro kametitake pika&#241;otakerora maika pikisanakara?&#187;</span></span></div><div class="p"><span class="verse v4" data-usfm="JON.4.4"><span class="content">  </span></span><span class="verse v5" data-usfm="JON.4.5"><span class="label">5</span><span class="content">Impo iatake Jonashi parikoti samani oatakara ikontetira poreatsiri; ario ipirinitake kara okoneatakera magatiro apatotara pankotsi, yovashitaka maani itikakotakara ganiri itagiri poreatsiri, kantaka ipirinitakera yogiakera ariorika intsatagakero ikantakeririra.</span></span></div><div class="p"><span class="verse v5" data-usfm="JON.4.5"><span class="content">  </span></span><span class="verse v6" data-usfm="JON.4.6"><span class="label">6</span><span class="content">Yogari Tasorintsi ishivokakagakero oga shivitsa pamatsaniro atagumaitanake inakera Jonashi, otsimanpegakerira ganiri itagiri poreatsiri. Antari ineakerora Jonashi otsimanpegakerira ishinevagetakatyo kara.</span></span></div><div class="m"><span class="verse v6" data-usfm="JON.4.6"><span class="content">  </span></span><span class="verse v7" data-usfm="JON.4.7"><span class="label">7</span><span class="content">Kantankicha impo ikantake Tasorintsi irogakemparora kashageto otsitiku pamatsaniro, nerotyo iroro okutagitevetanakara pairo shigirikake.</span></span></div><div class="m"><span class="verse v7" data-usfm="JON.4.7"><span class="content">  </span></span><span class="verse v8" data-usfm="JON.4.8"><span class="label">8</span><span class="content">Impo iporeanakera poreatsiri ariokya ikantake Tasorintsi ontampiatakera omponiakempara ikontetira poreatsiri onkatsirinkaenkatanakera. Yogari poreatsiri kantinkasanotari ikatinkatagutakeri igitoku Jonashi nerotyo oga ikenake itaganakerira, ovashi ineavaka panikya intuanake inkamakera. Iniavagetanake ikanti: &#171;&#161;Pairo okametitake nonkamakera avisakero nontimaera!&#187;</span></span></div><div class="p"><span class="verse v8" data-usfm="JON.4.8"><span class="content">  </span></span><span class="verse v9" data-usfm="JON.4.9"><span class="label">9</span><span class="content">Kantankicha Tasorintsi ikantiri:</span></span></div><div class="p"><span class="verse v9" data-usfm="JON.4.9"><span class="content">&#171;&#191;Pineakero viro okametitimotakempi pikisanakara pika&#241;otakerora maika pineakerora oshigirikapitsatanakempira shivitsa pamatsaniro?&#187;</span></span></div><div class="p"><span class="verse v9" data-usfm="JON.4.9"><span class="content">Inianake Jonashi ikanti:</span></span></div><div class="p"><span class="verse v9" data-usfm="JON.4.9"><span class="content">&#171;&#161;Jeje, noneakeroniroro kametitake nonkisakotakemparora! &#161;Nokogantakarira maika nonkamakera pairotari nokisaka!&#187;</span></span></div><div class="p"><span class="verse v9" data-usfm="JON.4.9"><span class="content">  </span></span><span class="verse v10" data-usfm="JON.4.10"><span class="label">10</span><span class="content">Impo Tasorintsi ikantiri:</span></span></div><div class="p"><span class="verse v10" data-usfm="JON.4.10"><span class="content">&#171;Pine maika tera viro pankivetemparone oga shivitsa pamatsaniro, aikiro tera viro gishivokerone; onti tsikyata oshivokanake irorori, impo okutagitevetanaka pa shigirikake, kantankicha viro pitsarogakagakarotyo pineaketari iroro pomanpegantaka.</span></span></div><div class="m"><span class="verse v10" data-usfm="JON.4.10"><span class="content">  </span></span><span class="verse v11" data-usfm="JON.4.11"><span class="label">11</span><span class="content">Naromparorokari pairo nontsarogakagaigakempari Ninivekunirira, karari kara apatotakara pankotsi ai&#241;oegitari kara tovaini matsigenkaegi yavisaigakero 120,000 ananekiegi tekyarira irogoigero tyara ikantaigakempa kameti irogavisaakoigakempara aikiro ai&#241;o tovaini piratsipage.&#187;</span></span></div>
        </div>
    </div>
</div>

Proyecto Biblia Matsigenka © Sociedad Bíblica Peruana.

Yogari Jonashi ineakera tera intsatagero Tasorintsi ikantavetakarira inkisashiigakemparimera Ninivekunirira impogereaigakerira, irirori ineakero tera onkametitimoteri ovashi ikisanaka.
Impo iniakeri Tasorintsi, ikantiri:
«Nero, Notinkami, nokantasanotakeniroro okyara aiñokyara nonavetara anta nogipatsiteku. Irorotari nokogantavetakarira noshiganakemera noatakemera Tarisuku, nogotakempitari vinti Tasorintsi kametiri, aikiro pairo pitsarogakagantavageta, tera shintsi pinkisempa, pairotari pitasanotantavageta pikantavetaka nonkisashiigakempari impo ariokya pikantatigavairo.
Irorotari, nonkantantakempirira maika, Tasorintsi, atsi gamagena. Pairo okametitake nonkamakera avisakero nontimaera.»
Kantankicha yogari Tasorintsi ikantiri:
«¿Pineakero viro kametitake pikañotakerora maika pikisanakara?»
Impo iatake Jonashi parikoti samani oatakara ikontetira poreatsiri; ario ipirinitake kara okoneatakera magatiro apatotara pankotsi, yovashitaka maani itikakotakara ganiri itagiri poreatsiri, kantaka ipirinitakera yogiakera ariorika intsatagakero ikantakeririra.
Yogari Tasorintsi ishivokakagakero oga shivitsa pamatsaniro atagumaitanake inakera Jonashi, otsimanpegakerira ganiri itagiri poreatsiri. Antari ineakerora Jonashi otsimanpegakerira ishinevagetakatyo kara.
Kantankicha impo ikantake Tasorintsi irogakemparora kashageto otsitiku pamatsaniro, nerotyo iroro okutagitevetanakara pairo shigirikake.
Impo iporeanakera poreatsiri ariokya ikantake Tasorintsi ontampiatakera omponiakempara ikontetira poreatsiri onkatsirinkaenkatanakera. Yogari poreatsiri kantinkasanotari ikatinkatagutakeri igitoku Jonashi nerotyo oga ikenake itaganakerira, ovashi ineavaka panikya intuanake inkamakera. Iniavagetanake ikanti: «¡Pairo okametitake nonkamakera avisakero nontimaera!»
Kantankicha Tasorintsi ikantiri:
«¿Pineakero viro okametitimotakempi pikisanakara pikañotakerora maika pineakerora oshigirikapitsatanakempira shivitsa pamatsaniro?»
Inianake Jonashi ikanti:
«¡Jeje, noneakeroniroro kametitake nonkisakotakemparora! ¡Nokogantakarira maika nonkamakera pairotari nokisaka!»
Impo Tasorintsi ikantiri:
«Pine maika tera viro pankivetemparone oga shivitsa pamatsaniro, aikiro tera viro gishivokerone; onti tsikyata oshivokanake irorori, impo okutagitevetanaka pa shigirikake, kantankicha viro pitsarogakagakarotyo pineaketari iroro pomanpegantaka.
Naromparorokari pairo nontsarogakagaigakempari Ninivekunirira, karari kara apatotakara pankotsi aiñoegitari kara tovaini matsigenkaegi yavisaigakero 120,000 ananekiegi tekyarira irogoigero tyara ikantaigakempa kameti irogavisaakoigakempara aikiro aiño tovaini piratsipage.»

Lalela Jonashi 4