 If you would like a copy of this version please contact info@davaraudiobibles.org

Ewe (Togo) Bible

<div class="version vid3306 iso6393ewe" data-vid="3306" data-iso6393="ewe">
 <div class="book bkGEN">
 <div class="chapter ch14" data-usfm="GEN.14">
 <div class="label">14</div><div class="s1">Abram x&#596; Lot &#598;e agbe</div><div class="p"> 1Le Amrafel, Sinear-fia, Ariok, Elasar-fia, Kedorlaomer, Elam-fia kple Tideal, Goyim-fia &#331;&#596;li la, 2a&#651;a dz&#596; &#598;e woawo kple Bera, Sodom-fia, Birsa, Gomora-fia, Sineab, Adma-fia, Semeber, Zeboyim-fia kple Bela alo Zoar-fia dome. 3Nenem me siawo kat&#227; w&#596; &#598;eka va Sidim-bali, si nye &#401;ukuku la me. 4Won&#596; Kedorlaomer te sub&#596;e &#402;&#232; wui eve s&#596;&#331;, ke le &#402;&#232; wui enelia me la, wodze agl&#227; &#598;e e&#331;u. 5Le &#402;&#232; wui enelia me la, Kedorlaomer kple fia siwo w&#596; &#598;eka kplii la va si Refaimt&#596;wo le Astarot-Karnaim, Zuzit&#596;wo le Ham kple Emit&#596;wo le Kiryataim-gbadza&#402;e. 6Wosi Xorit&#596;wo h&#227; le wo&#402;e to Seir dzi, eye wony&#224; wo &#598;e nu &#651;uu va se &#598;e Elparan si te &#598;e gbedada&#402;o la &#331;u. 7Emegbe wotr&#596; va Enmisapat si nye Kades fifia, eye wosi Amalekit&#596;wo kat&#227; kple Amorit&#596; siwo n&#596; Xazazon-Tamar la h&#227;. 8Tete Sodom, Gomora, Adma, Zeboyim kple Bela, du at&#596;&#771; siawo &#402;e fiawo &#402;o &#402;u wo&#402;e a&#651;ak&#596;wo, eye wodze a&#651;a &#598;e Sidim-bali me 9&#598;e Elam-fia, Goyim-fia, Babilonia-fia kple Elasar-fia &#331;uti; fia ene &#331;ue fia at&#596;&#771; siawo dze a&#651;a &#598;o. 10Az&#596; a&#331;&#596;&#651;ewo le Sidim-bali la me f&#361;u. Esi Sodom kple Gomora fia s&#237; yina la, &#598;ewo ge dze a&#331;&#596;&#651;eawo me, ke maml&#603;awo s&#237; yi toa dzi. 11Ale fut&#596;awo ha Sodom kple Gomorat&#596;wo &#402;e nun&#596;amesiwo kple nu&#598;u&#598;uwo kat&#227; dzoe. 12Lot, Abram t&#596;g&#227;y&#596;vi h&#227; n&#596; Sodom &#611;e ma &#611;i, ale wol&#233; eya h&#227;, eye woha e&#402;e nuwo dzoe.</div><div class="p"> 13Ke ame a&#598;e s&#237; va gbl&#596; nya si dz&#596; la na Abram, Hebrit&#596; la. Le &#611;e ma &#611;i me la, Abram le Amorit&#596;, Mamre &#402;e ati g&#227; k&#596;k&#596;eawo gb&#596;. Mamre kple n&#596;via &#331;utsuwo, Eskol kple Aner, nye Abram &#402;e dzo&#598;ux&#596;l&#596;&#771;wo. 14Esi Abram se be wo&#598;e aboyo ye t&#596;g&#227;y&#596;via la, e&#598;e a&#651;aw&#596;la alafa et&#596;&#771; wui enyi tso eya &#331;ut&#596; &#402;e asa&#598;a me, eye woti fia eneawo yome &#651;uu va &#598;o Dan. 15Abram ma e&#402;e amewo &#598;e hatsotsowo me le z&#227; me, eye wodze fut&#596;awo dzi hefiti wo. Wony&#224; wo &#598;e nu va &#598;o Xoba le Damasko &#402;e dzigbeme. 16Abram x&#596; nun&#596;amesi siwo kat&#227; fut&#596;awo ha dzo yinae la. Ex&#596; t&#596;g&#227;y&#596;via Lot, e&#402;e nun&#596;amesiwo, ny&#596;nuawo kple aboyome bubuawo kat&#227; h&#227; gb&#596;e.</div><div class="s1">Melxizedek yra Abram</div><div class="p"> 17Az&#596; esi Abram &#598;u Kedorlaomer kple fia siwo kpe &#598;e e&#331;uti dzi hetr&#596; gb&#596;na &#598;e a&#402;e la, Sodom fia do yi &#598;akpee le Save-bali me. Wogay&#596;a bali sia be Fia &#402;e Bali me. 18#Heb 7.1-10. Melxizedek, ame si nye Salem-fia, eye w&#242;ganye Mawu Dzi&#402;o&#651;&#297;t&#596; la &#402;e nun&#596;la la ts&#596; abolo kple wain v&#603; na Abram. 19Eyrae gbl&#596; be:</div><div class="q1">&#8220;Mawu Dzi&#402;o&#651;&#297;t&#596;,</div><div class="q2">si w&#596; dzi&#402;o kple anyigba la,</div><div class="q2">neyra Abram!</div><div class="q1"> 20Woakafu Mawu Dzi&#402;o&#651;&#297;t&#596;,</div><div class="q2">si ts&#596; w&#242; fut&#596;wo de asi na w&#242; la.&#8221;</div><div class="m">Abram ts&#596; aboyonuawo kat&#227; &#402;e akpa ewolia na Melxizedek. 21Tete Sodom-fia gbl&#596; na Abram be: &#8220;Ts&#596; ameawo nam, kesin&#596;nuawo ya nezu t&#596;w&#242;.&#8221; 22Abram &#598;o e&#331;u be: &#8220;Met&#224; A&#402;et&#596;, Mawu Dzi&#402;o&#651;&#297;t&#596;, dzi&#402;o kple anyigba W&#596;la! 23Ne max&#596; nane tso nu siwo kat&#227; nye t&#596;w&#242; la me f&#297;i! &#393;etika loo, alo af&#596;kpaka teti h&#227; nyemax&#596; le w&#242; nuawo me, ne n&#224;va gbl&#596; be, &#8216;Nyee w&#596; Abram w&#242;zu kesin&#596;t&#596;&#8217; o. 24Nye &#331;ut&#596; nyemele naneke dim o, negbe nu si &#598;ekakpuiawo &#598;u la ko. Ke medi be n&#224;na Aner, Eskol kple Mamre, ame siwo va kpe &#598;e &#331;unye la, nax&#596; woawo t&#596; gome.&#8221;</div>
 </div>
 </div>
</div>

EƲEGBE BIBLIA © The Bible Society of Togo, 2014.

Le Amrafel, Sinear-fia, Ariok, Elasar-fia, Kedorlaomer, Elam-fia kple Tideal, Goyim-fia ŋɔli la, aʋa dzɔ ɖe woawo kple Bera, Sodom-fia, Birsa, Gomora-fia, Sineab, Adma-fia, Semeber, Zeboyim-fia kple Bela alo Zoar-fia dome. Nenem me siawo katã wɔ ɖeka va Sidim-bali, si nye Ƒukuku la me. Wonɔ Kedorlaomer te subɔe ƒè wui eve sɔŋ, ke le ƒè wui enelia me la, wodze aglã ɖe eŋu. Le ƒè wui enelia me la, Kedorlaomer kple fia siwo wɔ ɖeka kplii la va si Refaimtɔwo le Astarot-Karnaim, Zuzitɔwo le Ham kple Emitɔwo le Kiryataim-gbadzaƒe. Wosi Xoritɔwo hã le woƒe to Seir dzi, eye wonyà wo ɖe nu ʋuu va se ɖe Elparan si te ɖe gbedadaƒo la ŋu. Emegbe wotrɔ va Enmisapat si nye Kades fifia, eye wosi Amalekitɔwo katã kple Amoritɔ siwo nɔ Xazazon-Tamar la hã. Tete Sodom, Gomora, Adma, Zeboyim kple Bela, du atɔ̃ siawo ƒe fiawo ƒo ƒu woƒe aʋakɔwo, eye wodze aʋa ɖe Sidim-bali me ɖe Elam-fia, Goyim-fia, Babilonia-fia kple Elasar-fia ŋuti; fia ene ŋue fia atɔ̃ siawo dze aʋa ɖo. Azɔ aŋɔʋewo le Sidim-bali la me fũu. Esi Sodom kple Gomora fia sí yina la, ɖewo ge dze aŋɔʋeawo me, ke mamlɛawo sí yi toa dzi. Ale futɔawo ha Sodom kple Gomoratɔwo ƒe nunɔamesiwo kple nuɖuɖuwo katã dzoe. Lot, Abram tɔgãyɔvi hã nɔ Sodom ɣe ma ɣi, ale wolé eya hã, eye woha eƒe nuwo dzoe.
Ke ame aɖe sí va gblɔ nya si dzɔ la na Abram, Hebritɔ la. Le ɣe ma ɣi me la, Abram le Amoritɔ, Mamre ƒe ati gã kɔkɔeawo gbɔ. Mamre kple nɔvia ŋutsuwo, Eskol kple Aner, nye Abram ƒe dzoɖuxɔlɔ̃wo. Esi Abram se be woɖe aboyo ye tɔgãyɔvia la, eɖe aʋawɔla alafa etɔ̃ wui enyi tso eya ŋutɔ ƒe asaɖa me, eye woti fia eneawo yome ʋuu va ɖo Dan. Abram ma eƒe amewo ɖe hatsotsowo me le zã me, eye wodze futɔawo dzi hefiti wo. Wonyà wo ɖe nu va ɖo Xoba le Damasko ƒe dzigbeme. Abram xɔ nunɔamesi siwo katã futɔawo ha dzo yinae la. Exɔ tɔgãyɔvia Lot, eƒe nunɔamesiwo, nyɔnuawo kple aboyome bubuawo katã hã gbɔe.

Azɔ esi Abram ɖu Kedorlaomer kple fia siwo kpe ɖe eŋuti dzi hetrɔ gbɔna ɖe aƒe la, Sodom fia do yi ɖakpee le Save-bali me. Wogayɔa bali sia be Fia ƒe Bali me. Melxizedek, ame si nye Salem-fia, eye wòganye Mawu Dziƒoʋĩtɔ la ƒe nunɔla la tsɔ abolo kple wain vɛ na Abram. Eyrae gblɔ be:
“Mawu Dziƒoʋĩtɔ,
si wɔ dziƒo kple anyigba la,
neyra Abram!
Woakafu Mawu Dziƒoʋĩtɔ,
si tsɔ wò futɔwo de asi na wò la.”
Abram tsɔ aboyonuawo katã ƒe akpa ewolia na Melxizedek. Tete Sodom-fia gblɔ na Abram be: “Tsɔ ameawo nam, kesinɔnuawo ya nezu tɔwò.” Abram ɖo eŋu be: “Metà Aƒetɔ, Mawu Dziƒoʋĩtɔ, dziƒo kple anyigba Wɔla! Ne maxɔ nane tso nu siwo katã nye tɔwò la me fĩi! Ɖetika loo, alo afɔkpaka teti hã nyemaxɔ le wò nuawo me, ne nàva gblɔ be, ‘Nyee wɔ Abram wòzu kesinɔtɔ’ o. Nye ŋutɔ nyemele naneke dim o, negbe nu si ɖekakpuiawo ɖu la ko. Ke medi be nàna Aner, Eskol kple Mamre, ame siwo va kpe ɖe ŋunye la, naxɔ woawo tɔ gome.”

Lalela Mose I 14